رئيس مصر القادم .. واللى بيخاااااااف يمشى !!

[Messenger of Peace]

بسم الله الرحمن الرحيم
السلام عليكم ورحمة الله وبركاته

ازيكم عاملين اية ؟
ان شاء الله تكونوا بخير

ايش قولكم في من هو الشخص الذى يصلح بالفعل لتولى منصب الرئاسة فى
حالة إنتهاء ولاية مبارك وعدم رغبته فى خوض الإنتخابات مرة أخرى ؟!


مع الإحترام الكامل لشخص سيادة الرئيس محمد حسنى مبارك
وإنجازاته المشهودة
ودوره التاريخى فى تحرير أرض سيناء الحبيبة ...


برجاء كتابة من هو هذا الشخص المناسب فى رأيك
وسبب إختيارك له ؟!


ورجاء آخر بعدم التهكم والتلميح على أن الرئيس القادم معروف
فهذا الموضوع جاد ومحايد ولا ينحاز لا للنظام ولا للمعارضة.


يلا يا مصريين الرئيس القادم مين ؟!


انا الموضوع في دماغي من قبل كده بس كسلت اكتبه ونقتله من komanda
واللي بيخاف يطلع بره
يلا في رعاية الله

[هاوي]

ممممممم .. الرئيس القادم مين ؟؟ الرئيس القادم مين ؟؟ الرئيس القادم هو اقل رئيس سوف يمكث في الرئاسة .. الرئيس القادم في عهده هاتتغير حاجات كتير موش قادر اقول للاحلي ولا للاوحش .. بس اكيد احنا هانترحم علي الايام السودة ..... المهم هايقعد عالكرسي شوية قليلين وبعدين هاييجي عليه يوم الدين وشوية متاعب وشوية صداع ويتقلع وتبدأ ايام لو احسنا استغلالها لتقدمنا بس خيبة الامل راكبة جمل ومدلدلة رجليها وقليل البخت يا مصريين يلاقي العضم في الكبدة .... احنا املنا في ربنا كبير اننا نتغير واكيد حلمنا هايتحقق .ولحد ما يتحقق نعمل نفسنا خايفين ونطلع برة

[fagrmasr01]

بدون خوف .. طبعاً كل الشواهد تؤكد انه لا يوجد على الساحة حالياً من يصلح لحكم مصر
واتوقع فعلا شخصية انتقالية تتغير فيها الدستور والقوانين
زى ما بتقول القنوات الفضائية كده
فاصل وسنعود

أثناء الفاصل بيحصل ايه وقت ما الناس بتشوف الاعلان
بيكون تم ترتيب الجزء القادم من الحوار وتصحيح ما قد يكون وقع فيه الضيف
ونعود بعد الفاصل
لنستكمل البرنامج

هو ليس شعور المؤامرة
ولكنه التوقع فى رأيى
مثلا يمسك عمر سليمان سنتين
زى فاصل وسنعود

وبعد الفاصل...
.....أكيد سنواصل

[fagrmasr01]

المشكلة الحقيقية دلوقتى ان كل القيادات المحتملة
.. ناس عواجيز اوى ...
انتهت للاسف فترة صلاحيتهم

وجيل المستقبل .. جيل الشباب .. هو اللى لازم هايمسك الحكم
...... بعد الفاصل ....

[مارو]

أنا مش شايف حد بيقول أسماء
ليه
معرفش
الراجل بيقول مفيش خوف
الرئيس القادم بعد الرئيس مبارك (بعد عمر طويل)
هو جمال مبارك

أهو أنا ما خفتش ولا حاجة

فيه حاجة؟

جمال مبارك
شباب
حيوية
ثقافة
إبن رئيس مصر مبارك

ويجعله عامر