السلام عليكم ورحمة الله وبركاته ..
كيف حالكم اخواني وأخواتي الكرام ..

انا عندي ليكم انهاردة فكرة جامدة جدا ..
افتكرتها وأنا بقرأ موضوع للأخت سما ...
والفكرة دي أنا عملتها وأنا في الكلية ..

قبل مما أبدأ .. أحب اشير الى أن موضوع سما كان بخصوص بعدنا عن المنتدي بسبب ظروف الحياة وكدة ..
وكانت بتسأل يا ترى هيكون شكل المنتدى عامل ازاي ... بعد 10 سنين من الآن ..؟؟
وبردو ... أنا قرأت موضوع زي كدة بقلم سكون الليل ... بس هو كان خياله بعيد شوية ... لأنه كان بيفكر في المنتدى بعد 40 سنة ..!!ههههههههههههه:biggrin2::biggrin2:
المهم ..
الحكاية .. هي ان كل شلتنا في الجامعة .. اتفقت على اننا نتقابل بعد تلت سنين من التخرج ..!!!
بمعنى .. اننا خلصنا كلية سنة 2007 .. فاتفقنا اننا نتقابل .. يوم 10/10/2010 ...
وقد كان ...
وسمينا ده يوم اللقاء ...أو بالانجلش .. اصلنا كنا انجلش بقى .. ( Company's back)

صحيح مش كل الناس جاء ت.. بس اكيد في ناس جاءت .. وكان يوم زي الفل ..
قعدنا في نفس الأماكن اللي كنا بنقعد فيها .. وفطرنا .. وشربنا .. واتكلمنا كتيييييييييير ...
 بجد كان يوم جامد ...

ايه رأيكوا لو طبقنا الفكرة دي في المنتدى ..؟!!!
يعني نتفق كلنا .. ونتعاهد ... ان لو ربنا رزقنا العمر .. هندخل كلنا المنتدى في الموعد اللي احنا هنحدده بالاتفاق ...
ونصر اننا ندخل .. مهما كانت الظروف .. حتى لو دخلنا من سايبر .. أو نت كافيه ...!!!
وأنا برشح يوم السبت .. 22/2/2020 ...!!!

هندخل نتكلم .. ونسلم .. ونشوف كل واحد وصل لحد فين ..
ونشوف مين اللي اخدوا أماكنا في المنتدى ..
حاسسها فكرة ... دافئة جدا يا جماعة والله .. لأنها هتلم الأصحاب والأحباب من بعد سنين من الفراق ....
وأكيد كلنا هنحس ان منتدانا بينادينا ..!!
وأنا يأعلن اني اول الؤيدين للفكرة .. واول المنتظرين لموعد اللقاء ...!!

ملحوظة :
لو حد عندو اعتراض علي الميعد ... يعني يكون وراه مشوار او حاجة في الميعاد ده ... احنا ممكن نغيره عادي ..!!!:biggrin2::biggrin2::biggrin2:


يا ريت أشوف رأيكو في الفكرة دي ...


~~~~ هشام ~~~~
LoverHish