في حاجة مستفزاني جدا جداااا:ranting_w::ranting_w::ranting_w:

دايما لما نشوف مظلوم او حد متخان او بالاصح حد ضعيف اتعرض لظلم من اي نوع في اي علاقة انسانية بوجه عااام

طبعا بيصعب علينا "قلبنا حونين طبعا":08:




نفضل بقي نقوله المفروض مكونتش تعمل التصرف ده

المفروض كنت تاخد بالك وتحكم عقلك عشان ميحصلش الموقف ده

المفروض مكونتش تثق في فلان مفيش ثقة في الزمن ده والناس بقت وحشة اوي

او نقوله المفروض كنت تاخد موقف وتعمل كذا

المفروض كنت تقف في وش الظالم ده عشان ميفتريش




وغيره كلام كتير اوووووي كلنا عارفينه طبعا

وبرضو احنا نفسنا لما بنتعرض لموقف يضايقنا او يأذينا بنلوم نفسنا برضو

وبنلوم طيبتنا واخلاقنا ونقول احنا الغلطانين اننا ادينا الامان للناس

ونبدأ بقي ندي نفسنا وندي الطرف اللي وقع عليه الاذي ده النصايح سواء بشفقة عليه وتعاطف مع اللي حصله او بلوم وعتاب انه ادي فرصة لغيره يعمل فيه كدة




مبنفكرش للحظة واحدة اننا نوجه اللوم والعتاب للطرف اللي ظلم او المؤذي

مبنفكرش نقوله ليه عملت كدة ؟

او المفروض الدين و الاخلاق والمبادئ والضمير تمنعك من الأذي

ليه دايما نطبطب ع الضعيف والمظلوم ونلومه علي حسن نواياه وطيبته

ومبنفكرش نلوم الظالم وناخد منه حق المظلوم ده

بنكتفي اننا ندعي عليه ونقول مسيره هيتردله

وداين تدان




هل دي سلبية مننا؟

ولاده استسهال اننا بنختار اسهل واقصر الطرق ف التصرف في اي موقف نتعرض ليه او شوفناه ادامنا؟

ولا ده خوف من رد الفعل اللي ممكن يحصل لما نواجه او اصلا خوف من المواجهة في حد ذاتها؟

ولا يمكن تكبير دماغ ولا ايه بالظبط مش عارفة؟

الحقيقة في كلام كتير في دماغي بس مش عارفة بصراحة اعبر بالكلام عنه




اتمني اشوف ارائكم ف الموضوع ده واكيد هنوصل لأسباب لتصرفات كتير كلنا بنعملها......:shocking: