كان عندى ليكى سؤال يامصر بقو سؤالين .......
ايه غير الاحوال ؟؟ والدور يا ترى على مين ؟؟

عايشين محاصرنا الخوف واسرنا ....
ومصيرنا ده مصيرنا لو عشنا كده ساكتين

فى كل يوم حيروح واحد ونبكى عليه
زى اللى راح مجروح عشان بيسأل ليه ؟؟

ليه ؟؟ ................ ليه ؟؟


الاسم كان خالد والسن فى العشرين
وفى حاله كان قاعد طلعو عليه كلبين ....

فجأه بظلم وغدر .... نهشوه وداسو قلبنا
ورونا معنى القهر ..... وكرهناه ويا غلبنا

جوانا غضب انفجر ودمه اللى انهدر
تاره بأيدينا كلنا .......

وحقه ده حقنااااا .......

ولحد ما يجى يوم ونعدل اللى مال

راح نسأل كل يوم ازاى بقا ده الحال ؟؟؟

ولحد ما يجى يوم ونعدل اللى مال

راح نسأل كل يوم ازاى بقا ده الحال ؟؟؟