أراء أولياء الأمور في مدارس أكتوبر

[dina_aqua]

السلام عليكم و رحمة الله
كل عام و أنتم بخير لكل فتوكة و أسرتها و كل المسلمين في مصر و العالم أجمع

ساعدوني في هذا العمل
المطلوب من أولياء الأمور ابداء رأيهم بصدق في المدارس التي بها أبنائهم أو التي مروا عليها

من لديه معلومات يضيفها في الأماكن الفارغة في الجدول

من تعامل مع مدرسة ليست مذكورة يضيفها أيضا


...ملحوظة: هذا العمل أنا التي قمت به لأستفيد به شخصيا مع ابنتي لأنها على وشك الالتحاق بالدراسة العام القادم اذا دخلت في سن مبكر
و طبعا سيفيد أخرين
أنا مركزة على الكي جي بس أكيد مهم نعرف مستوى المدرسة في المراحل بعد كدة لأن
الأفضل ان الطفل ما يتنقلش بين مدارس كتير حفاظا على نفسيته


https://spreadsheets.google.com/ccc?key=0AiSAoPKzDJfKdEp0eFpacFBOUm9SSWc5Qzl1V01MS Wc&hl=en#gid=0

كمان أتمنى أعرف رأيكم في المدارس التجريبية بصدق برضه
هل صحيح كله محصل بعضه و نوفر فلوسنا أحسن
و كدة كدة هندي دروس
أنا شخصيا أعرف واحدة تقرب لزوجي من بعيد مودية بنتها كي جي في مدرسة دولية غالية جدا جدا
و برضه البنت بتاخد دروس فالموضوع بصراحة غبي جدا
طيب ما تروح مدرسة متوسطة أو تجريبية و تاخد الدروس
أحب أعرف رأيكم و لا كأنكم قريتوا كلامي خالص

https://docs.google.com/leaf?id=0AiS...ut=list&num=50

لو في أي استفسار اكتبوا هنا
ولو مافيش اكتبوا انكم شاركتم عشان نرفع الموضوع دايما
لأنه مهم جدا ان شاء الله

[kokato]

الموضوع دة مهم جدا ياجماعة انا كمان عاوزة اعرف عشان اولادي ارجوكم اللي يقدر يفيدنا ياريت يدخل ويرد

[نبض الكلمات]

وعليكم السلام ورحمة الله وبركاته

بما إنى خبرة فى مدارس 6 أكتوبر من8 سنوات تقريبا

أنا دخلت بنتى فى الحضانة مدرسة الرضوى لقيت مستواها ضعيف جدااا والفصول زحمة جدااا

فقدمت لها تجريبى ومن ساعتها وهى في مدرسة الطلائع التجريبية فى الحى الخامس ،المدرسة ممتازة بفضل إدارتها رغم إن مديرتها الأستاذة نجوى أبو النجا نظرا لكفائتها نقلتها المحافظة للمدسة اللى الوزير السابق الله يسامحه نقلها من خاصة إلى حكومة وخايفة على مستوى المدرسة بعد ما مشيت المديرة

والأولاد دخلوا حضانة الحصرى بصراحة حضانة جميلة جداااا وبيطلعوا الاولاد شاطرين منها

ثم دخلت إبنى مدرسة أم المؤمنين قسم اللغات لكن المستوى كان ضعيف ونقلته مدرسة بدر تايجرز الخاصة فى الحى الرابع هو وأخوه
مدرسة بدر تايجرز كانت كويسة ومستواها جيد لحد ما عرفنا إنهم بيعطوا الأولاد الإمتحان وإجابته قبل دخول الإمتحان
وفى الإمتحانات الرسمية عرفنا مستوى الأولاد الحقيقى ودلوقتى كنت عايزة أنقلهم مدرسة خاصة عربى كويسة ومش عارفة أنقلهم فين ، المدرسة الوحيدة اللى أعرفها مدرسة زهرة المدائن اللى جنب بدر تايجرز لكن ما أعرفش مستواها لو حد سمع عنها حاجة يا ريت يقولنا

[ميادة المصرى]

؟روفى نفس ظروف الاخت دينا ... وهنقل اكتوبر قريب لطروف شغل زوجى ... وخلاص المفروض انى اقدم لبنتى في مدرسة مرحلة kg1 وكنت عايزة اعرف برضة افضل مدارس ... سمعت ان التجريبي مستوى التعليم فيها كويس ... لكن زحمة .
لكن عرفت ان فية مدرسة اسمها مدرسة الهدى الازهرية وليها موقع على الانترنت ... بصراحة شكلها جميل .
كنت حابة اسال عن مستواها التعليمى .... بس بصراحة مشكلتها مصاريفها .. عالية شوية .
عرفت ان مصاريفها 7500 تقريبا غير الباص واليونيفورم .
لو فية حاجة نفس المستوى وفي حدود المعقول يبقى ياريت تفيدونى . وكمان ياريت تكون مدرسة اسلامية ومش ازهرية

[FAROU7A]

السلام عليكم.. الموضوع دة فعلا مهم جدا جدا بالنسبة لناس كتيير وانا شخصيا عملت كذا مشاركة قبل كدة حول نفس الموضوع لكن للاسف لم استقبل عليها اى ردود او مساعدة من باقى الاعضاء.. انا برضه حقدم لبنتى فى المدرسة السنة الجاية ان شاء الله و شاغلنى اوى ان الاقى حاجة كويسة لغات مستواها ممتاز.. ولكن للاسف انا بحثت كتيييييير جدا فى الموضوع دة واكتشفت فى الاخر ان اكتوبر مفيهاش مدرسة لغات مضمونة.. لان كل المدارس حتلاقى حد بيشكر فيها واخرون يذموا فيها جدا.. وبصراحة لحد دلوقتى اكتر مدرسة توصلتلها عليها معظم الاراء كويسة هى القادة ليدرز - مش فى اكتوبر بس قريبة على طريق مصر اسكندرية- وايضا ناس كتير بتشكر فى بايونير بس مل الناس بيقولوا عيبها انها قريبة جدا من الضغط العالى.. اما باقى المدارس فى اكتوبر وزايد كل الناس وصلت لانها استثمارية فقط بدون اى خبرة او نتائج علمية مضمونة لدرجة انى فعلا للاسف ممكن اضطر اشوف مدرسة بعيد عن هذه المنطقة بس تكون الناس مجمعة عليها انها كويسة لانى معنديش استعداد ان اجرب فى البنت وافضل انقلها كل سنة من مدرسة لمدرسة.. انتوا ايه رأيكوا ياريت تشاركونا..