حكايتى مع الانتخابات

[fagrmasr01]

انا رحت الإنتخابات
ومعايا كمان الوفات
ضربونا هناك بالجزمة
رجالة مع ستات

انا عارف حقى كويس
دى تعليمات سى الريس
انى مواطن وأشارك
وبلاش اسكت وأتَيّس

الظابط قال ايه جابك؟!
وجايبلى معاك أحبابك!
قلتله انا هادلى بصوتى
قاللى جاتك نيلة جنابك

وضربنى بكعب الجزمة
يامواطن من غير لازمة
إمشى إتنيل روح بيتك
لحسن هاعمل لك ازمة

صممت ادخل وأشوف
لا لقيت اسم ولا كشوف
قالوهالى صريحة وعلنى
حا نزور ع المكشوف

ورجعت حزين ع البيت
ألوفات زى الكتاكيت
قالهالى صريحة الباشا
ولا كأنك هنا .. جيت

[فريد]

ايه ده ياعم جمال
انت كنت معايه هناك و لا ايه
هههههههههههههه
رائعة بجد حتة تحفة
لكن منك يبقى شيء عادى

[fagrmasr01]

صدقنى يا عم فريد ان مرورك انت على كلماتى هو اللى اروع من اى كلام يتكتب
يارب ميحرمنيش ابدا من مرورك الجميل وكرم اخلاقك يا راجل يا طيب

[ahmedabdelziem]

حبيت يكون اول رد ليا على موضوع للرجل الجميل والاب الرائع الحج جمال ولكنى تفاجئت بكلام اشبه مايكون بكلمات شاعر مناضل يسير على الطريق الصحيح
على فكره انا حاسس انى امام احمد فؤاد نجم جديد

[fagrmasr01]

حبيت يكون اول رد ليا على موضوع للرجل الجميل والاب الرائع الحج جمال ولكنى تفاجئت بكلام اشبه مايكون بكلمات شاعر مناضل يسير على الطريق الصحيح
على فكره انا حاسس انى امام احمد فؤاد نجم جديد

ربنا يخليك ويبارك لك
يا أستاذ أحمد عبد العظيم
انا اشكرك جزيل الشكر على إكرامك لشخصى ولكلماتى البسيطة
شرف كبير لجمال ان تكون بداية اشتراكك فى منتدانا هى كلماتى وحضرتك نورت المنتدى كله
الف الف شكر يا أحمد
ربنا يجازيك عنى خير
اللهم آمين