الحقيقه انهارده هكتب اول موضوع يمكن مش اول حاجه اكتبها فى حياتى لكن اول مره اكتب فى منتدى موجه يعنى ياريت اقدر اكتب حاجه كويسه:ذ
دعواتكم بقى واستعدوا للموضوع كوبايه شاى سخنه وتعالوا نقول موضوعنا::ام
انا هتكلم فى الصراع الابدى اللى بدأ يكون ممل بين الولاد والبنات ومين فيهم صح ومين غلط:كولجيت
طبعا رأى الولاد معروف فى البنات كائنات فاضيه ممله ولا لينا فى الطور ولا فى الطحين واقلب القدره على فومها تطلع البنت لبنت اختها وحاجات كتير كده على نفس المنوال وتيجى تكلم الولد يهديك يرضيك ياعم ياباشا ياسعت البيه وكانك بتادن فى مالطه يقولك دول اكلين شاربين نايمين وفى النكد متصدرين وع الهم عايشين وبناكلهم ونشربهم وياريتهم راضين ويارتنا كمان عاجبين الا دايما ريشنا مقصقصين وعلى افانا محوشين وعلى فلوسنا مكوشين وحياتهم من غيرنا ولا تسوى وياريت من حياتنا نشيل نون النسوه وتكلمه تقوله ياعمنا متنساش فضلها عليك وعلى حياتك برده مفيش وانا جيتوا للحق وبينى وبينكم فى بنات نكديه تبصلهم تقول ياحفيظ بس كمان فى ولاد مفتريه وواخدنها عافيه ودراع ومحدش يقف ادامهم:بونيه:بونيه
لو روحنا بقى للبنات الطيبين اللى كلهم رقه وحنينين هتلاقيهم للاسف فى رايهم ع الولاد متقسمين كل مجموعه فى جهه:لوول
جزء تلاقيه بيقولك الولاد كويسين وحلوين وحنينين وطول عمرهم مؤدبين وفى حياتهم مبيبقوش غلطانين وعندهم حق احنا ناقصات عقل ودين وطبعا دول عايزين قطم رقبتهم لكن رايهم لازم يوديهم فى حديد وبنات تانيين يقولك الرجاله مفتريين وع الدنيا مكوشين والهى يروحوا مايرجعوا ودول طبعا امعاهم حق بص انا شايفه ده صراع ابدى وطول ماحنا عايشين هيبقى فى كوميديا من دى كتير هتخلص على نهايتين ياما نور ومهند يجوزوا ونعيش فى قصص الاطفال او الستات هتعمل زى ناديه الجندى فى المراه والسطور وربنا يسترها علينا ونعدى منها على خير
وفى الاخر هقولكم كلمه واحده
حاميها طلع هو حراميها ويابخت من قدر وعفى :-
وعن اذنكم بقى الكيكه اتحرقت واللى كان كان ::مخمصك