حكاية حب
الحكاية من البداية
ان قلبى حب قلبك
ان ايدى لمسة ايديكى
شافت عيونى ضحكة عنيكى
* * *
ان عقلى مال لعقلك
ان فكرى تاه ف فكرك
ان روحى دابت ف روحك
وبشفايفى اعترفت بحبى ليكى
وبشفايفك اعترفتى
* * *
لو سنين العمر يوم مرت عليا
لو سهرت الليل بطوله
حتى لو نامت عيونى
عمرى ما أنسى حبى ليكى
عمرى ما أنسى حبك الغالى ليا
* * *
لو قالولى العمر راح
لو قالولى الشمس غابت
مش هفكر الا فيكى
عمر ايه ؟ الا بيكى
شمس ليه ؟ والنور بعيشه لما بسرح
جوه ف عنيكى
* * *
مش راح أسمع أى كلمة من عوازل
مش هاخلى الفرحه ليهم يوم عليا أو عليكى
خوفى منهم خوف عليكى
غيرتى منهم غيره ليكى
ما أنتى عارفه
غيرتى سابقه أى كلمه من لسانى
نفسى أعيش العمر كله جنب منك
* * *
أنتى أمى ... أنتى حبى
أنتى كل كل شىء ف الدنيا ليا
سحرا عينى ... سحرا قلبى
حتى اسمك ! سحر الجمال
كلمه حلوه ... غنوه حلوه
مش هتتكرر حتى ولو خيال
لام ودال
دال دليلى ف الحياة
حبى ليكى حب صادق
ليه بدايه
ومش هيبقاله ف يوم منتهاه
* * *
واللام ليالى عشتها ف بعدك وحيد
قبل ما أفضح قلبى بحبه السعيد
يومها شوفت الفرحه ف عنيكى الجميلة
حياء وخفه ومرح
خالونى عشت ف حب ليلة وألف ليلة
* * *
حتى الألف ... أول أحبك
كلمة قالوها كل قبلى واللى قبلك
فرحت فيهم قولوبهم
اسم غالى ... حرك خيالى
* * *
لما الحقيقة اللى بحسبها ف يوم خيال
بقت قصادى أودام عنيا
بتنادينى بحب حانى من غير جدال
صوتك الهامس جوه قلبى
مليان جمال
عينى جريت قبل ما اجرى
قلبى مال
دقاته تعلى ف كل خطوه
* * *
ولما حسيت الحب بيكى
لما شوفت السحر جوه ف عنيكى
قلبى قال دا محال
ان أسمك راح يكون
اسم تانى غير دلال
رد مع اقتباس
رد: حكاية حب
المفضلات