للكعبة انا حجيت

[fagrmasr01]

للكعبة انا حجيت

هللت انا ولبيت

وفى المقام صليت

وقلبى طاف بالبيت

وبدمع عينى بكيت

ياربى انا ندمان * على كل ما أذنبت

وطالب الغفران * و ندمت ربى وتبت

يا ربى انا الإنسان

بابكى بذل وهوان

وباطلب الإحسان

سامحنى يارحمن

صليت متوسل فى مقام الخليل

وبكيت فى حجر سيدنا اسماعيل

وشربت فى زمزم من الماء العليل

وسعيى بين الصفا والمروة الدليل

يارب متعشم فى عفوك يا ستار

ياللى القلوب بين اصابعك يا غفار

ارحمنى عبدك ضعيف أمام النار

ندمان وبابكى ع اللى منى صار

ارحمنى من غضبك يا شديد العقاب

واشملنى فى عفوك ليوم الحساب

واحمينى من ضعفى ياربى يا تواب

احسن لى والحقنى بسيد الأحباب

اللهم صلى وسلم وبارك عليك يا حبيبى يا رسول الله

[fagrmasr01]

كنت اتوقع ان تنال حظاً من تفضلكم بالقراءة
ولكن يبدو انها كانت من بين الموضوعات التى توارت فى زحمة الموضوعات
يسعدنى رايكم

[أشرف صالح]

اللهم أكرمنا بزيارة بيتك الحرام
أحسنت يا أستاذ والله بارك الله فيك وجمعنا يارب يارب للصلاة سويا فى الحرم
لك كل التقدير والأحترام

[خلود]

[quote=fagrmasr01;10142]كنت اتوقع ان تنال حظاً من تفضلكم بالقراءة
ولكن يبدو انها كانت من بين الموضوعات التى توارت فى زحمة الموضوعات
يسعدنى رايكم

فعلا الموضوعات كتييييييره اووووووووووى ومش لاحقين نقرا ولا نقول راى فى اى موضوع


جميله اوى يااستاذ جمال ويارب يوعدنا اجمعين يارب بزياره البيت الحرام

اللهم امين

[fagrmasr01]

جزاك الله خير الجزاء .. اللهم آمين