أتعهد .. عدم الازعاج
اول مرة احس بندمى قايد وبيكوى لى ضلوعى
وبتخنقنى مرارة ألمى وانا بطفى فى شموعى
لما كتبت اليكى كلام وانا بأشرح لك موضوعى
وانتى معاه سامعة له كلامه
وانتى ف صحوه وحلم منامه
وانتى ياحلمى .. تايهة معاه
سارحة ف نظره وحلم هواه
وسكاكين تدبحنى بكلمة آه
وانا واقف مع حلمى بعيد
قلبى حزين و قلبه سعيد
هو معاكى وفكرى شريد
تايه ندمان مع قلبى وحيد
لكنى اقسم انى خلاص
انا قلبى صمم ع الخلاص
مش راح اكتب تانى اليكى
ربى يساعد ع الاخلاص
انا كنت لعبة ف ايديكى
افرح بنظرة ف عينيكى
و بتكوينى بنار الحيرة
وتفرحى لو أحس الغيرة
و مش ها ترهبن انا من بعدك
هعرف اعيش لوحدى ف بعدك
خليكى اتغزلى فى هواه
مش عايزك . كملى وياه
بس ها قول .. منك لله
عفواً ..بل عذرا ..مولاتى
كنتى فى يوم كل حياتى
كنتى فرحى وابتساماتى
وصبحتى الرمز لكل آهاتى
عذراً .. أسف..على الازعاج
وأتمنى اشوفك ملكة بتاج
رد مع اقتباس
المشاركة الأصلية كتبت بواسطة fagrmasr01
.gif "50 (8)")
المفضلات