مينفعش كده يااعضاءنا

[خلود]

السلام عليكم
يا جماعة انا مش عارفه لية مش فية حيوية كدة فى المنتدى محدش بيرد على حد ومحدش بيشجع حد وشكلكوا كدة محدش عايز يستفيد
لا خالص
الناس هنا كلها بتحب تستفيد وتشارك
بس المشكله ان المنتدى نايم جدا اليومين دول
لكن لازم كلنا ايدينا فى ايدين بعض نرجع منتدانا اللى بيضمنا كلنا مره تانيه يقف على رجله تانى ونرجع لاعضاءنا نشاطهم وحيويتهم

ومش لازم نزهق كده ونييأس من فتره الصيف وغياب البعض فى مصايف واجازات اللى موجود يدخل ويرد ويناقش ويحط مواضيع وميزهقش من وجوده فى المنتدى وعدم رد البعض
ياريت التفاعل يكون اكثر من كدة
ياجماعة انا بقول كدة علشان دة منتدى اللى كلنا بنحبه ويعتبر بيتنا بس سكانهانشغلوا شويه وعايزة يبقى احسن منتدى
ان شاء الله
وكلنا طبعا عيزينه يبقى احسن منتدى فى الدنيا كلها
وبناشد الاداره تشوف لنا شويه تجديدات ومقترحات جديده للتنشيط

علشان منتدانا وبس

[fagrmasr01]

مفروض ان الاداره تدور على الأسباب الحقيقية لغياب الاعضاء .. وتحاول الادارة تعمل تنشيط وتشجيع للناس
واتمنى ان الادارة تخاطب كل الاعضاء برسالة شديدة الوضوح تطلب من كل عضو يقول سبب او اتنين

[اميرة حبى انا]

هو انتى بتكلمى مين يا خلود
وحضرتك يا استاذ جمال بتسأل الادارة ليه
ماهى الاجابة معروفة
وواضحة جدا جدا
وياريت حضرتك بنفسك ترد على السؤال وتقولنا مش بتدخل المنتدى ليه ومش بتحط مواضيع ليه ومش بترد على مواضيع حد ليه
يا استاذة خلود
هما فين الاعضاء اللى بتقوليلهم مينفعش
انا بكلمك دلوقتى
ولوحدى على المنتدى
وكل ما ادخل اكون لوحدى
ومتهيألى برضو انتى عارفة الاجابة
يبقى لزمته ايه السؤال اصلا

[haytham69]

رأيي أن المنتدى محتاج دعاية. أنا اعرف ناس في اكتوبر ميعرفوش حاجة عنه. الاعلان عنه هو الحل.

[محمود التهامي]

المشكلة يا جماعه للأسف مش في المنتدى اد ماهي في الظروف
يعني مثلا ناس كتير مش عاجبها المنتدى
عشان مافيهوش أغاني ولا أفلام ولا حاجات من دي
وطبعا انتو عارفين مبدأنا بخصوص الموضوع ده
وناس اكتر بتدخل تقرا وتمشي
والدليل ان اعضاء المنتدى اكتر من 16 ألف
ورغم كدا نسبة قليلة جدا منهم هي اللي بتشارك
كمان يمكن عشان المنتدى مفتوح للزوار فناس بتكسل تسجل او تشترك

وبرضو زي ما استاذ هيثم بيقول
فعلا الدعاية مهمه
لكن ولله الحمد رغم قله اهتمامنا بالدعاية بشكل كبير
لكن المنتدى دا اكبر واشهر موقع للمدينة
والحمد لله له ترتيب معقول جدا عالميا
http://www.alexa.com/data/details/ma...www.6ocity.net


واخيرا
يمكن فعلا مفيش مشاركين كتير لكن فيه على الأقل
الف زائر يوميا وحوالي 5 الاف زيارة
لكن برضو كل واحد منكم لازم يساهم في الدعاية للمنتدى
سواء بموضوع ينقله من عندنا لمنتدى تاني
او دعوة لاصدقاءه للاشتراك في المنتدى
وهكذا