تسمحيلى يا ست الصبايا

**fagrmasr01** · 12-08-2012, 08:13 AM

تسمحيلى يا ست الصبايا * على البعد هابعت كلمتين
ها اشرح لك فيهم هوايا * عايش قى قلبى من سنين
مش هغازل نور عيونك * ولا هوصف معنى الحنين
لكن هقول شايل حبيبتى * بين الرمش فى ننى العين

عارفة ايه السر جواكى .. وليه انتى انتعاش القلب
علشان أفراحى وياكى .. وفيكى نور معانى الحب

نفسى اقول لك على فرحة قلبى لو خطر اسمك ف بالى
واوصف لك ضحك النجوم وارسمك ضحكة فى موالى
اكتب حروفك نور فى السما ..بنبض القلب فى أزجالى
وارسمك على وجوه كل الصبايا يافرحتى وأغلى آمالى

ولما ياحلوة عليا تطلى .. بالانوار ياحبيبتى تهلى
باعشق فيكى أحلامى يا عروسة بالطرحة التوللى

كان نفسى اقول فيكى ديوان .. لاسمك ياست الصبايا
وأستأذنك .. شاعر ولهان طول عمره بيحكى الرواية
لكن قدام سلطان عينيكى .. مش عارف اقول البداية
بصراحة يا نور العين .. كلمة باحبك .. مش كفاية

**DMR** · 12-08-2012, 01:06 PM

يشرفني أن يكون تعليقي هو أول تعليق
رائعة كالعادة .. مشاعر و أحاسيس فياضة .. أخرجتها لنا فأبدعت .. و انتقيت كلماتها فأتقنت .. استطعت ان تجعل لها من التأثير في نفوسنا فشاركناك مشاعرك
تحياتي لك

**fagrmasr01** · 13-08-2012, 02:19 AM

المشاركة الأصلية كتبت بواسطة DMR

يشرفني أن يكون تعليقي هو أول تعليق
رائعة كالعادة .. مشاعر و أحاسيس فياضة .. أخرجتها لنا فأبدعت .. و انتقيت كلماتها فأتقنت .. استطعت ان تجعل لها من التأثير في نفوسنا فشاركناك مشاعرك
تحياتي لك

يارب يخليكى يا دى دى ويكرمك
مرورك يشرفنى ورأيك أسعدنى جدا
ربنا يسعدك