مجرد سؤال

[اسامة22]

السلام عليكم و رحمة الله و بركاته


انا عملت الموضوع دا عشان عايزين نسمع كل الاراء

1- ايه رأيك في حال البلد ؟؟

2- من اصلح للبلد في الوقت الحالي كرئيس ؟؟ و ليه ؟؟

3- ايه رأيك في تصرفات المجلس العسكري ؟؟

4- لو شفيق نجح تتوقع هل يمكن ان نستكمل الثورة مره اخرى ام سنحبط جميعا ؟؟

5- هل الاخوان هدفهم مصلحة البلد ؟؟ ام لهم اجندات خاصة و اولويات اخرى ؟؟

لو احمد شفيق نجح تتخيل البلد هتوصل لفين و نفس السؤال لو مرسي نجح ؟؟



الموضوع عبارة عن اسئلة فقط

و كل منا له اراءه

فلنستفاد جميعاً

و نتناقش

و من لا يريد ان يتقيد بالأسئلة
و يناقش الموضوع بصفة عامة فليتفضل

و بردو اي حد من حقه يوجه اسئلة

و لا داعي للأي سب

[lionking]

طب كويس انى اول واحده هرد

نسمى الله ونبدا

1- ايه رأيك في حال البلد ؟؟

شعب فوضوى يهوى الفوضى ويعشقها بجنون ومن هواياته المفضلة اللامبالاه

2- من اصلح للبلد في الوقت الحالي كرئيس ؟؟ و ليه ؟؟

ولا واحد من الاتنين اللى المجلس نزلهم يلعبوا فى النهائي
الاصلح من وجهة نظرى البرادعى اللى كل الاسلاميين والاخوان سبوه وشتموه ودلوقتى بيعتذروا ليه

3- ايه رأيك في تصرفات المجلس العسكري ؟؟

زفت وطين وبيجروا ورا مصالحهم وهمهم الاول والاخير الخروج الآآآآآآآآآمن بعد كل الكوارث اللى عملوها

4- لو شفيق نجح تتوقع هل يمكن ان نستكمل الثورة مره اخرى ام سنحبط جميعا ؟؟

هتتحول من سلمية الى دموية ولن نحبط ابدا

5- هل الاخوان هدفهم مصلحة البلد ؟؟ ام لهم اجندات خاصة و اولويات اخرى ؟؟

الاخوان مصلحتهم اولااااااااااا واخيرا وبعدين البلد وما يحيط بهم

لو احمد شفيق نجح تتخيل البلد هتوصل لفين و نفس السؤال لو مرسي نجح ؟؟

فى الحالتين رايحين فى داهية رايحين فى داهية


السؤال اللى نفسى فى اجابه ليه
ليه الشعب بينسي كل المجازر اللى ارتكبها المجلس ؟؟؟ ليه لسة بيخاف وبيمدح فى السلطان الجائر ؟؟

[خلود]

1- ايه رأيك في حال البلد ؟؟

حال البلد زى الزفت لايسر عدو ولا حبيب

2- من اصلح للبلد في الوقت الحالي كرئيس ؟؟ و ليه ؟؟

ولا ده ولا ده واحد فلول والتانى جبان ودى وجهه نظرى

3- ايه رأيك في تصرفات المجلس العسكري ؟؟

طبعا هما عايزين خروج امن بدون محاكمات بس اتمنى يكون هدفهم مصلحه البلد الاول واعتقد هما بيدوروا على مصلحتهم برضو
4- لو شفيق نجح تتوقع هل يمكن ان نستكمل الثورة مره اخرى ام سنحبط جميعا ؟؟

لا طبعا مش هنستكمل الثوره ولا نيله !!!!!!!!

5- هل الاخوان هدفهم مصلحة البلد ؟؟ ام لهم اجندات خاصة و اولويات اخرى ؟؟

لا مصلحه البلد ايه اللى بتتكلم عليها اه طبعا لهم اجندات ومصلحتهم الاول وتحكم وسلطه وكرسى بيحلموا بيه من زمان

لو احمد شفيق نجح تتخيل البلد هتوصل لفين و نفس السؤال لو مرسي نجح ؟؟

فى الحالتين حيره وخوف وقلق على بكره


السؤال اللى نفسى فى اجابه ليه
ليه الشعب بينسي كل المجازر اللى ارتكبها المجلس ؟؟؟ ليه لسة بيخاف وبيمدح فى السلطان الجائر ؟؟

بالنسبه لسؤالك ياليون الشعب عايز يمسك فى اى حاجه تنقذه من اللى احنا فيه زى الغريق اللى بيتعلق فى قشايه لان بعد سنه ونص لغايه دلوقتى محدش عارف يقدم حل لاى مشكله ولاحد عارف ينقذ البلد من اللى احنا فيه ده ويمكن شايفين لسه فى الجيش الدرع الواقى لنا من غزو البلاد اللى عايزه تشمت فى مصر وتستولى عليها اما مدح مظنش حد لسه بيمدح بالعكس كله بقى يشتم ويسب والناس خلاص خرجت عن شعورها

[lionking]

السؤال اللى نفسى فى اجابه ليه
ليه الشعب بينسي كل المجازر اللى ارتكبها المجلس ؟؟؟ ليه لسة بيخاف وبيمدح فى السلطان الجائر ؟؟
بالنسبه لسؤالك ياليون الشعب عايز يمسك فى اى حاجه تنقذه من اللى احنا فيه زى الغريق اللى بيتعلق فى قشايه لان بعد سنه ونص لغايه دلوقتى محدش عارف يقدم حل لاى مشكله ولاحد عارف ينقذ البلد من اللى احنا فيه ده ويمكن شايفين لسه فى الجيش الدرع الواقى لنا من غزو البلاد اللى عايزه تشمت فى مصر وتستولى عليها اما مدح مظنش حد لسه بيمدح بالعكس كله بقى يشتم ويسب والناس خلاص خرجت عن شعورها

رايى ان مشكلتنا تكمن فى السذاجة والخلط بين المجلس العسكرى والجيش اللى بيحمينا وبيحمى البلد
المجلس بيلعب سياسة يباه من حقى انتقده واقول رايي فيه لكن محدش وجه اى نقد للجيش
لكن المجلس وفرع الشئون المعنوية اللى عارف نفسية وشخصية المصرى كويس اوى عرف ازاى يلعب على الخلط ده وعارف ان الناس هتصدق اى حاجة تتقال منهم لاننا اتعودنا نصدق الكبير ونسمع كلام اللى بيحكمنا

بالنسبة للمدح باه
المنصة والمتواجدين هناك من الراكعين والعابديين للمجلس بيمدحوا فى المجلس وبيطلبوا بقاؤه

[fagrmasr01]

موضوع رائع طبعا وشائك .. وهو نفس حال مصر الان .. كل الدروب بها أشواك .. ولكن .. هل نريد ان تأتينا الحرية على طبق من فضة ؟؟؟؟ انها الحرية التى لا مهر لها الا الدماء .. ولا يقوى على مهرها الا الشرفاء .. ولا يجوز ان يخطب ودها الجبناء
من ركع للنظام البائد .. هو شخص محب للركوع والخضوع بطبعه .. وقد يكون بظنه او بحسبانه انه يسعى الى الأمان .. لكنها الحسابات الخطأ والأعذار المرفوضة شكلاً وموضوعاً على مر الزمان
شفيق ومرسى لا هم لهم الا مصالحهم .. ولا سعى لهم الى الى مغنم
الاخوان يتنازلون .. بعد تصلبهم فى الرأى فى كل مواقفهم السابقة .. ولا لآاظنهم سوف يستمروا فى تقديم التنازلات بعد فوزهم .. فعادتهم ان يتفاوضوا ويتفاوضوا ويستمروا فى التفاوض .. وفى لظة واحدة ينسحبوا من التفاوض حتى وان كان المبرر للانسحاب غير عقلانى .. فهم .. ومنذ ايام الملك لم يتغيروا .. ولا أظنهم قادرين على التغير
وشفيق ليس أسعد حالا من الاخوان .. فكل مواقفه نشأت فى حضن مبارك الذى هو بنفسه لا يزال يعلنها انه مثله الأعلى .. واخر المكافآت لشفيق لم يكن رئاسة وزارة مصر فى نهاية عهد المخلوع واول شهر كمان بعد الثورة .. انما مكافآته ممتدة .. بيستلم مكافآته من المجلس العسكرى ومن أحكام قضائية يتم الغاؤها وأخرى يتم الحكم بها لصالحه وكلها ما أنزل الله بها من سلطان

الثورة هى احساس وشعور واسلوب حياة .. وليست كلمات تقال .. فلا تصدقوا أى الوعود التى يتم التكرم بها حالياً .. فهى مثل وعد بلفور ... من أشخاص هم لا يملكون ... والى من لا يستحقون

مصر .. عروسة لازالت تنتظر من يجرؤ على ان يقدم لها مهرها يا سادة
والمهر مش غالى عليها