انا مش لعبة فى ايدك
انا مش لعـبة فى ايدك
ولا طقم فى يوم عيدك
ولا هاقبل اصبح سيدك
ولا واحد ..ضمن عبيدك
انا قلب .. وحب .. وروح .. حتى ولو اعيش مجروح
مش هاخضع أبداً ليكى .... ولو نبض الفلب جروح
ليه واخدة الحب هواية
لعبة وقصة ..مع حكاية
وبإسم الإخلاص عايزانا
كلنا.. أبطال فى رواية
الحب يا غالية دا نور .. مليان أفراح وسرور
زينة وبهجة وزهور .. من غير غدر ولا غرور
أنا كنت باحب لقاكى
مخلص اتمنى رضاكى
ولقيت .. فيه زيى كتيير
وغدرك شمس سماكى
خدعتى ... الكل بغدرك .. وكأن الغدر دا قدرك
بدعيلك ربى يسامحك ويحط رحمة ف صدرك
مثلتى .. بكل براءة
وخنتى بكل جراءة
وجزاء مقابل حبى
الغدر وكل إساءة
توبى واصحى يا مسكينة .. ليه سارقاكى السكينة
من غدرك ربى شفانى .. ووهب لى هدوء وسكينة
وانا بكل الصدق .. باصارحك
مش كارهك.. لأ ومسامحك
لكن .. انا هانسى الماضى
وامسح .. اسمك وملامحك
حتى لو قلبى عاتبنى .. او حتى الروح هاتسيبنى
وحتى لو لسا باحبك .. ولو أعيش جرحى معذبنى
أنا .. مش راح احبك تانى
حتى لو انتى ف وجدانى
وحتى ولو قلبى عاتبنى
حتى لو أعيش وحدانى
أنا ربى وهبلى هديه .. أصحاب غاليين حواليه
يكفينى اعيش وسطيهم .. بوفاء وإخلاص نيه
أتمنى فى يوم تتصالحى
مع نفسك ..أو تتسامحى
مش قصدى تعودى لحبى
يكفينى أعيش مع جرحى
رد مع اقتباس
المفضلات