قلبى معروض للبيع
انا قلبى معروض للبيع
وانا قلبى ورود وربيع
وأهون ما تبيعى بغدرك
وأحسن من انه يضيع
وقلبى اللى استسلم لك يوم * * ابيعه افضل م اللوم
علشان ارتاح من ظلمك * * وعيونى تدوق النوم
كنتى بتتمنى رضايا
وكل الأشعار لهوايا
وفجأة نسيتى مكانى
مع حب جديد ورواية
دا حتى طقم العيد * * شيلتيه علشانى جديد
ونسجنا حكايته بفرحة .. وفجأة لقيتنى وحيد
وعيونى اللى حرمتيها النوم
حتنساكى ولو اعيش محروم
انا اقوى .. وحتى فى ضعفى
قوتى .. فى كرامتى .. تدوم
حابيع قلبى لأول شارى * * ولو ابيع ليلى ونهارى
وراح احفظ سرك دايما * * فى قلب خزانة أسرارى
والعرض خاص ..لكل الناس
قلب أصيل .. مليان احساس
طاهر ونضيف زى الالماس
لكنه مسالم .. طيب حساس
رد مع اقتباس
المشاركة الأصلية كتبت بواسطة AFIFI MOSTAFA
المفضلات