يبدو العنوان مش غريب قوي على كتير من الي سمعو الجملة دى(أوو ده شاب ايه روش طحن ) ,,,وحاولت كتير اقف عند الجملة دي لما سمعتها وقلت لازم ارجع لاصلها واشوف هيا ليها اساس ولا هوا كلام بنقوله وخلاص فلقيتها تنقسم لكلمتين ده على حسب اصلهم الاساسي:

روشنة أسلوب حياة جديدة يتبعه أبناء الجيل حيث يتخلص من التقاليد البالية المنافية لرغباتهم الشخصية ليعيشوا الحياة بأسلوب عصري وتقاليد من إختراعاتهم


طحن مصطلح يدل على الشئ الزائد عن الحد أو زائد عن اللزوم

لما قلت هكتب الموضوع ده كان الهدف انى اكتشف كل ما هو مستحدث على لغتنا العربية وما يسميه شبابنا ( الكلام الروش ) والى يتنافى مع لغتنا العربية أوبمعنى أصح لغة القرآن


دعوني أعرض بعض الكلمات الهابطة الدارجةوالى حاولت اجمع بعضها واعزروني اني مجبتهاش كلها لانى غير ملمة بيها كلهاوده علشان بقدر الامكان نتجنبها بدلا من الغوص في حبالها دون إدراك معناها وبدات افتح المعجم العربي واشوف اصل الكلمات دي باللغة العربيه ايه على حسب مفهومي ليها في العصر ده يمكن يكون معناها حلوعشان كده حنا بنقوله
وها هي إليكم :

إشتغله . يعني أخدعه أو إكذب عليه وعادة تقال ( إنت بتشتغلني )(يعنى عيشه في الوهم وارسم عليه قصة بغض النظر عن ضخامة القصة المزيفة دى المهم انه هيعرف في الاخروبعد ميتصدم انها مجرد((((اشتغالة)))

أنت من الكفار . عبارة تقال للمنشق عن الجماعة أو ( الشلة ) معنى إن شخص خرج عن مبادئ الشلةوالى بيكونلها طقوسها وعادتها يعني المعنى الضمنى انه تنكر لمبادي الشلة بس المعنى الحرفي انه كافر يعني غيرمؤمن بباللله(ومعتقدش ان حد يحب انه يتقال عليه انه كافر):shisha::shisha:

أفتكس . كلمة تدل على القدرة على التأليف والإختراع في مجالات الحياة المتعددة التي تتسم بطابع الإستظراف

ثبت : تعني الإستيلاء على أموال شخص اوتقال لما ولد يوقع بنت ويقال في روايات اخرى لبعض الشباب أن لما واحد يدحك على واحدوكبسه في الكلام ومخلهوش ينطق يبقى كده ثبته

خبط في الكلام : يقصد منها أن شخص تحدث في أشياء لا تخصه(يعني وقعته سودة ومببة وهيشوف ليلة سودة النهاردة)

الدنيا ذي ما بتفكك بتضبطك : تعني ( أن بعد كل عسر يسر )(يسيدي سوسو راحت فيه ميمي وشوشو)

ياعم دماغك :تعني تجنب المشاكل أو كبر دماغك من الموضوع وبمصطلح روش اخر(نفض ياعم):dribble:

رويتر : تشير إلى الشخص المثقف او الى بيوقع الدنيا في بعضها وبينقل كم من هنا لهنا

سفلقة : عزم الشخص على عدم دفع المقابل لشئ ( الهروب من الدفع )(زيزي قالت للولة متيجي نتسفلق على كيمو النهاردة ده جيبه مليان ولسة شافط من بباه باكوين النهاردة) :clap_1:

عايش : يدل على أن الشخص يعيش حالة من المتعة والرفاهيه

فافي : الراقي الدلوع (يعني بتاع باباوماما والكلب لايكي والجيب الشيروكي)



في اللذيذ :الحياة بسيطة لا تدعو للإكتئاب(سهرايه حلوة في ديسكو كده وكله هيبقى في اللزازة):5430::5430:

فشر : للدلالة على الكذب والتلفيق:biggrin23:

قشطة : لفظ بمعني تمام وأن الحياة لذيدة أو تفيد الموافقة على موضوع

متودك : فاهم أو خبير(واد ايه مقطع السمكة وديلها)

هرتل: تخبط في الكلام :49:

المزة ........ ولقد توقفت كثيرا في المعجم وبحثت في كل المعاجم العربية والاجنبية لأجد لها معنى ولازمت البحث والتحري في جميع الكتب القانونية والهندسية وحتى الطبية فاعزروني فلم اجد لها معنى في كل هذا ولكن الى بيتقال دلوقت انها((البنت الجميلة)) ومعرفش المعنى ده اتقال من اي ناحية بالزبط

لو حبينا نستطرد شوية في الموضوع ونشوف مثلا طريقة كلام شاب او شابة روشين طحن ونشوفهم بيتكلمو ازاى ونحلل كلامهم اللي يمكن كتير بيقولوه ومبيخدوش بالهم منو وهوا منافي للأدب وكمان لأخلاق الدين:

يعنى مثلا لما حد اى حد بيرد على التليفون ...........بنت او ولد المتصل ....كبير او صغير ....او حتى صاحب الموبيل ....بنت او ولد ........اول كلمة بتتقال:
((((((ايوة يا باشا ))))) .......

وغيرها كتير من التحدث للبنت او من البنت للولد او للبنت بصيغة المذكر
كمان بنسمع كلمة (انزل من على وداني) واللي جه على لسان البعض نفضله أو نفضيلها( ودى بتتقال على فكرة بين البنات برده دي معلومةللرجالة الى ميعرفوش) وطبعا الكلمة لازم تكون مصاحبة لأداء الحركة الشهيرة الخاصة بيهاوهيا انه(ينفض ودانه كأن عليها تراب ):biggrin23:

(مهو لازم صوت وصورة عشان المعنى يوصل صح ودقيق ويبقى واد روش طحن على حق)

كمان لما حد بيشتم حد ويقولة ..يا ارعن .......ودي جاء النهى عنها فى سورة البقرة ...لما الكلمة دى كان بيقولوها المسلمين......لما كانو بيدعوا ويقولوا ...ارعنا يا رب ...يعنى راعنا يارب ....وبعدين استخدموها الكفار فى الشتيمة ..... المفروض احنا منشتمش بيها ابدا .

كمان كلمة (طور الله فى برسيمه )))
الكلمــــــــــــــــــــة دى سيئة جدا جدا .... فالله كرم البنى ادم ولا يجب ان نصف من كرمه الله بالطور ........
النقطة الثانية لا يجب ان نقول طور الله ..........كل شيىء للة ....وخطأ فادح فى الكلمة .....

كلمة(باي باي)

طبعا الكلمات دى بقت كتير جداااااااااا
ومنتشره بشكل غير طبيعى
وبنقولها بردو بشكل تلقائى تب راحت فين كلمة (السلام عليكم)

ده فكرني بنشيد لذيذ بيقول

( يا أهل الغرب العيب مش فيكم العيب في اللي مقالش إزاي , يبقى شعارنا سلامو عليكو وف شوارعنا نقول باي باي )

وفي مصطلحات كمان ومنها اللى يضحك جداااااااااااا
عمرت الطاسه .... ........غالبا بتتقال كده:biggrin23::biggrin23::biggrin23:
ومعناهه طبعا ان المخ احتمال يشتغل عشان اخد الوقود بتاعه
خبط فى الحلل ...... ....غلط فى الكلام
وكبر دماغك ....... .......يعنى ما تتوقفش عند الموقف ده
الاصطباحه ......... ........طبعا بتقال عند الصحيان من النوم
سواء كان الصبح او بالليل

وفى الغالب بتتقال الصبح لانها تنفيذ للعمل اللى معتاد يعمله فى الصباح
كشرب اللبن مثلا :5430::dribble:


وبعد السرد البسيط للمصطلحات الخاصة بالشباب الروش الطحن


عايزة اسأل سؤال هل الكلام ده طبيعي انه يتقال ؟؟
هل اهالينا لما يسمعونا بنقول الكلام ده وميفهموهوش او يستغربو من طريقة كلامنا يبقوا متخلفين ومش مواكبين العصر ؟؟

اعتقد لازم نقف عند النقطة دي احنا صح ولا العصر الى احنا فيه لازم هوا ده يكون كلامه؟؟

وكلنا نسال نفسنا : ليه بنقول الكلام ده هل هو تقليد اعمى وبس؟ ولا الكلام ده فعلا ليه معني ومعنى لازم نردده يعنى ؟؟

عاوزين حلول لأزمتنا ,, علشان نرجع لهويتنا تاني ,,,,,



ا






منقول