معانى الانوثة

الانوثة نعمة غالية...........ربنا اللى اداها ليكى
وبايديكى تحفظيها..........او تضيع من بين ايديكى
احمدى ربك تملى........واشكرى نعمه عليكى
اوعى تفتخرى بجمالك....كله زايل من عنيكى
.....................
الانوثة مش بانك........تهوسى عقل الشباب
الانوثة هى انك.....تحمى نفسك م العذاب
الانوثة شئ وكامن......... جوه منك وانتى باب
اوعى تتميعى بكلامك....او تقولى دول صحاب
تبقى تستهلى اللى يحصل.......... والسؤال ملهوش جواب
الانوثة مش مجرد..........حبة احمر ع الشفايف
الانوثة مش فى انك.........تهوسى عقل اللى شايف
ابعدى عن كل شبهة.........دول بناتنا كتير عفايف
.............................
الزهور بتكون جميلة..........طول مالسة الشوك حاميها
بس لو يوم شوكها سابها.............الف ايد تتمد ليها
خلى نورك جوه قلبك..... والايمان هيكون ماليها
...............................
اقرى فى القران وسيبك..........م الاغانى مع الصحاب
اعرفى سنة رسولك..........والبسى فرضك حجاب
اوعى تلتفتى لكلامهم..........مش ده ارحم م العذاب
لو تقيسى الدنيا ديه.........ايه هتاخدى غير تراب
......................
خلى مكياجك ايمانك..........مش باحمر ع الخدود
طهرى دايما فى قلبك.........بكره نصبح اكل دود
مش تعدى اى كلمة ...........قفلى كل السدود
........................
عطرى روحك بذكرك............وارضى ربك وامشى راضية
لو فى مرة حد عاكسك..............مش تردى بكلمة فاضية
اوعى تدى فرصة ليهم............وادى ليهم ضربة قاضية
..........................
هو احسن ترضى ربك؟؟..........ولا ترضى الناس بحالها؟؟؟
هو ايه للبنت يشفع؟؟.........شكلها ولا عملها؟؟؟
ده الجمال فى الجسم زايل ...........انتى شوفتيه دام لمين؟
والجمال فى الروح بيفضل.............مهما بتعدى السنين
كونى بنت بالف راجل............اخرسى فى الطماعين
........................
سيرة البنت العفيفة............هى احسن شئ يدوم
حبرها مكتوب بدينها.......مش بمكياج او هدوم
اوعى صوتك يعلى مرة..........ده الرسول علم علوم
انتى بايديكى تكونى..........زى نور وسط الغيوم
...........................
انسى مكياجك وسيبى......نور ايمان يملى وشك
بدلى مرايتك بقلبك............مستحيل قلبك يغشك
.....................
كل شئ فى الدنيا لما.............بيداروه بيزيد جمال
والعفاف للبنت يغلب..............اى شكل واى مال
انتى اجمل الف مرة...........لو جمالك جوه قلبك
مش مهم الخلق ترضى.........المهم ترضى ربك
هو ايه فى الكون دا يغلب..........لو اله الكون ده حبك؟
هو ايه فى الكون دا يغلب..........لو اله الكون ده حبك؟
منقول
للشاعر /احمد عبد الله










منقول