مش رجولة منك على فكرة

**خلود** · 11-03-2010, 01:28 PM

السلام عليكم ورحمة الله وبركاته

-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!

-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو)

-مش رجولة منك تتنطط وتتشطر بالكلام على واحد مبيعرفش يتكلم رغم انك عارف ان في اللي بيتكلم احسن منك 10 مرات

-مش رجولة منك انك تتريق على اللي رايح واللي جاي لمجرد التريقة وكل واحد فينا فيه العبر

-مش رجولة منك انك تسمع أي نوع من الموسيقى لمجرد انه عاجب اصحابك أو في ناس بتسمعه انتا تحب تكون زيهم وخلاص !!!!!!!

-مش رجولة منك ان قدوتك في الحياة تكون مصارع أو مغني أو حتى ممثل والناس دي في غنى عنك وعن حبك وتشجيعك ويمكن تموت ويموتوا ومتشوفهمش

-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص ف وش أمك أو ابوك أو حتى تكلمهم !!!!!

-مش رجولة منك لما تكون قاعد ف مواصلة وتلاقي راجل كبير مش قادر يقف ومتقوملوش....

-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد كالثلجة الشمالية !!!!!!!!

وعموماً......في ناس الكلام مش هيأثر فيهم لسبب بسيط جداً

ان الرجولة ملهاش قطع غيار

آسفه للإطالة

__________________

**AFIFI MOSTAFA** · 11-03-2010, 02:02 PM

يا سلام يا خلود على مواضيعك الرائعة

**نور** · 11-03-2010, 02:04 PM

الموضوع حلوة قوي ياخلود

-مش رجولة منك تعاكس واحدة ف الشارع (أياً كان لبسها) لمجرد انها لوحدها رغم انك عارف كويس جداً انها لو كانت ماشية مع واحد عمرك ما هتعرف تبصلها (أياً كان لبسها بردو)

عشان عارف لو كلمها مش هيعدي عليه النهار