المساعد الشخصي الرقمي

مشاهدة النسخة كاملة : يا طيبة


محمدفاروق
10-07-2011, 03:29 AM
ماتدبليش الورد ف ايدين البنات
وماتشرخيش قلب الولاد
يا طيبة...
بتكرى ليه ف احلام بنات متطرزه
بخيوط بتحلم تتغزل
بأيدين ولاد..
مستنظرين
مسحة ايديكي الطيبة
مستنظرين الطبطبة
ورغيفك المغموس بطين المصطبة
يا ام الندى
عيشك وملحك كان زمان زى العسل
ليه فجأه صار..
طعمه مرار
وايديكي بتلم النهار
وبتفرشي ف عيون ولادك ليل طويل
حاجبة بسوادك كل ضي
طارح في ضلك كل شئ اخضر جميل
ل ...ولاد......
كما حسنك جمال......متغندرين
اما الولاد نسل الفقير
اللي بيشحت فوق رغيف يومه الطويل
كام حته من حلمه البسيط
ليه يلقي من وشك عبوس؟
عمره ماطال يوم الحصاد
غير فرز سوس؟
يا ام الولاد عايشين كابوس
يا طيبة
م تبللي جوفهم برعشه من خضارك
ومتبخليش
علي كل عيل فوق رغيف يومه الطويل
لو حته من حلمه البسيط
وخضري حلم البنات
ودوبي ف مر السنين
لو حته من سكر بنات
يا ام الولاد
ما تجففيش الحلم ف ايدين الولاد
ما تدبليش الورد
ف ايدين البنات
قموره
18-07-2011, 12:51 PM
حلوه اوى كلماتك استاذ محمد

وياريت تكون من ابداعاتك فعلا

فيها تصوير حلو اوى لمناجاتك للوطن ولحبك له

اتمنى لك تواجد دائم ومواضيع كثيره
خلود
20-07-2011, 12:04 AM
جميله كلماتك يامحمد ورائعه فى معانيها
واعتقد انها من اول ابداعاتك معنا فى المنتدى

اتمنى لك التوفيق وانتظر جديدك فى كل الاقسام
AFIFI MOSTAFA
20-07-2011, 03:00 PM
الله عليك رائعة جدا متمكن من الورق والخيال سلمت يمينك وانتظر المزيد
فريد
20-07-2011, 03:06 PM
كلامات رائعة
و احساسك فيها مبدع
اتمنى ان تكون كلاماتك
فهذا معناه اننا كسبنا
عضو متميز
اهلا بيك فى واحة 6 اكتوبر الرائعة
الشاعره الثائره
23-09-2011, 03:58 PM
جميله جدا
سلمت أناملك على ما سطرت وسلم عقلك على ما ابدع