-- ايه هو الاصعب فى وجهة نظرك

[RSS]

ايه هو الاصعب فى نظرك

1- انك تكون قاعد فى سايبر او بلاى ستيشن وفى عز اللعب وحلاوته يجيلك واحد رخم يقولك " الوقت خلص " :D

2- انك تكون بتكتب موضوع فى المنتدى بمجهودك الشخصى وبقالك ساعة بتكتب فيه وقبل ما تدوس " اعتمد الموضوع الجديد " تبص تلاقى النور قطع :D

3- انك تكون بتذاكر السنة كلها وشغال " دح " ومبتسبش كتاب ويوم ما تخلص امتحاناتك تيجى الوالدة تقلك " تعالى بقى ننفض عشان الناس لما ييجو يباركولك " :D

4- انك تكون قاعد فى لجنة امتحان ويكون واقف عليك مراقب لابس نضارة شمس ومش عارف هو بيبص فين :D

5- انك تكون راكب مع سواق تاكسى وتقله على مكان تلاقيه سمع غلط ووداك مكان تانى خالص :D

6- انك تكون ماشى فى الشارع وفيه مية فى الارض وعربية تعدى من جنبك وتغرك من اولك لاخرك :D

7- لما تعض لسانك وانت بتاكل :D

8- لما تنزل من بيتك وانت مستعجل ووانت على اول الشارع تفتكر انك نسيت الموبايل او المحفظة :D

9- لما تكون في المترو مروح وتلاقى نفسك عايز تخش الحمام ومزنوق زنقه سوده وتبص تلاقى نفسك لسه في المعصره وانت نازل حدائق الزيتون :D
او فى اسكندرية مثلا تبقى انت نازل من القطر فى المنتزة وتلاقى نفسك لسه فى سيدى بشر

10- لما تبقى قايم تشرب بالليل و يقوم صباع رجلك الصغير مخبوط فى حرف السرير :D

11- لما تشرب بيبسي و يجيلك كوحة و عطسة فى نفس الوقت و البيبسي يطلع من
مناخيرك :D

12- لما تبقى بتتمطع و كوعك يخبط فى خشبة ولا فى الشباك او حد ييجى يزغزغك :D

13- لما تستحمي في الشتا بميه سخنة والسخان يفصل وانت عليك صابون وتكمل بميه ساقعة :D

لو عندك موقف مختلف احكى عليه ومتتكسفش :005: :D