-- هاا... لسة ضميرك صاحى ولا الله يرحمه

[RSS]

http://www.al-wed.com/pic/8121.gif


تعرف ايه عن الضمير ؟؟



يعني تقدر تلخصلي تعريف الضمير ده بايه ؟؟



انا ماعنديش جمل معينه تفسر الكلمه دي
لكن اللي اعرفه ان الضمير ده ان ( يبقى عندك دم واحساس
والتزام انساني) في كل حاجه بقى في الحياه....


تعالوا طيب كده نشوف ضميرنا وصل بينا لحد فين دلوقتي ؟؟
http://smiles.al-wed.com/smiles/13/85690d2dk5mgsrv.gif


كل ولد او كل بنت بيخدعوا الطرف التاني
بإسم الحب
طرف بيقضي وقت...وطرف بيحب بجد
واحد ماعندوش ضمير
والتاني بيحب بضمير !!
http://smiles.al-wed.com/smiles/13/85690d2dk5mgsrv.gif


البنت اللى بتكدب على مامتها وأهلها
وتنزل تقضي اليوم مع صاحبها
الام عندنا ضمير وواثقه في بنتها في التعامل
والبنت ماعندهاش دم ولا تقدير...مافيش ضمير !!


http://smiles.al-wed.com/smiles/13/85690d2dk5mgsrv.gif



موظف حكومه من العثاثيل بتوعنا دول
مزاجه ومتعته انو يعطل مصالح الناس ويقرف فيهم
بيكون في ايده انه يخلص مصلحه اي حد بسهوووله جداً وفي ثواني
لكن بيحب دايماً يستغل الوضع ويسحب من اللي عايز يقضي
مصلحته ( اللي هي من حقه اساساً ) على قد مايقدر وخلي
عندك نظر ....
الموظف ماعندوش احساس بمسئوليه ولا ضمير
والزبون اياه لازم هيبيع ضميره عشان ينجز في مصلحته !!
http://smiles.al-wed.com/smiles/13/85690d2dk5mgsrv.gif


بياعه الخضار البسيطه جداً اللي المفروض انها ساذجه
بتغش على قدها
يعني لو انت زي حالاتي كده مش بتفهم حاجه في الكيلو
ومش عارف شكل الكيلو ده يبقى قد ايه يبقى ممكن تديك
كيلو الا ربع...وتوفر الربع ده لنفسها...وانت على قد حالك
فرق اوي معاها الربع اللي هي وفرته لبيعه تانيه ده !!
ست مسكينه آه وشقيانه ومحتاجه القرش
باعت ضميرها وغشتك عشان القرش ده !!!
http://smiles.al-wed.com/smiles/13/85690d2dk5mgsrv.gif


راجل فلاح بيبيع المحصول بتاعه..
.سمع ان فيه مبيدات ورش
بيخلوا المحصول يطلع بسرعه البرق ويكون شكلو تحفه
يرش الفاكهه بتاعته...ويبيعها في السوووق بسرعه نااار
والناس ياعيني يشتروا الفاكهه اللي شكلها يجنن دي !!
مع العلم ان الراجل ده بيكون شايل شويه فاكهه مش
مرشوشه لنفسه ولأسرته على جنب
الرش اللي الراجل رشه ده كله كيماويات
يعني مرض على طول !!!
هو مصر انتشر فيها الأمراض الخبيثة من شويه ؟؟؟
صاحب الفاكهه عارف انها مضره...
والدليل الفاكهه اللي مش مرشوشه
ومتشاله على جنب دي
بالعربي كده يعني
تبوظ في الناس.... في دااهيه
هو مالو !!
كل اللي يعرفو انو كسب دهب !!
باع ضميره ودينه وآدميته..قصاد الفلوس والربح !
http://smiles.al-wed.com/smiles/13/85690d2dk5mgsrv.gif


ختامها مســــــك :confused:
بعض الرؤساء العرب باعوا ضمائرهم
وباعوا احساسهم بغيرهم
كل اللي بيحسوا بيه هو الكرسي اللي هم قاعدين عليه
ومكلبشين فيه باديهم وسنانهم ومستعدين يتقتلوا عليه
مش مهم التمن....
شعــــــــــــــــــــب كـــــــــــــامل يتــدمر
مش مشـــــــكـــــــــله
المهم الكرسي !!
يبيع البــــــلد كلـــــها
بردو مش اشكال
المهم الكرسي !!
وماادراك ماامتيازات الكرسي ده !!
هم يعني بيكلبشوا فيه من شويه ؟؟؟
http://smiles.al-wed.com/smiles/13/85690d2dk5mgsrv.gif



المــــواقف كتيييره اوي حوالينا



لو ركزت لمده ساعه في الوضع اللي حواليك
هتلاقي الضمير ده بقى كلمه وخلاص قليل اللى فاهم معناها
اساساً للاسف



الضمير ده يشمل دينك واخلاقك وانسانيتك واحساسك..
لو ضاع او مات...خــلاص انــسى...كلو هيـــمــوت !!



وللاسف كل اللي بيبيعوا ضميرهم دول بيبيعوه عشان حاجات
فانيه كلها ومنتهيه !!




http://smiles.al-wed.com/smiles/65/f2.gif



الطرف اللي بيخدع التاني في حبو ده باع ضميره عشان
يستمتع بالطرف التاني وهو بيحبه...يعني عشان متعه اللحظه
اللحظه دي هتخلص اكيد...مهما كانت سنه او اتنين..هتخلص !




http://smiles.al-wed.com/smiles/65/f2.gif



البنوته اللي بتدحك على مامتها
بتدوس على ضميرها عشان الأمور بتاعها
اللي هو ممكن يرميها في اي يوم اساساً
وبتخسر ثقه اهلها اللي اكيد هيكتشفوا كدبها ده في يوم
وساعتها عمر ماثقتهم فيها هترجع تاني !!



http://smiles.al-wed.com/smiles/65/f2.gif



بياعه الخضار بقى والموظف والفلاح صاحب الفاكهه
دول باعوا ضميرهم عشان ارخص واتفه حاجه في الدنيا
الفـــــــــــلوس !!
اللي هي بتتصرف في ثااانيه وانتهى الحوار على كده !!



http://smiles.al-wed.com/smiles/65/f2.gif



اما بقى الرؤساء العرب دول...
باعوا ضميرهم عشان جنون السلطه والطمع والشره اللي
خلاهم مرضى نفسيين !!
الناس دي مافكرتش انهم هيموتوا في اي لحظه
ماشافوش اي حد مات واتعظوا مثلاً ؟؟
حتى لو شافوا...مش هيحسوا
ماهو مافيش ضمير...!!!




وانت بقى بعد كل ده ضميرك موجود وصاحى


ولا بقيت زيهم ضميرك الله يرحمه !!!؟