ابو اسامه
21-02-2011, 01:20 AM
مين إللي قال
إن المشاعر تنحسب
تنعد باليوم والسنين ؟
مين اللي حاول يخدعك
يا صبيَّه مين ؟!
أيوه فوق الأربعين
وأنا قلبي لسه بينتفض
ولا نيش حزين
أيوه فوق الأربعين
بس مليان بالأمل ..
وبألف خير ..
أنا قلبي وسط الكون ده طير
بفرح ..
بغني ..
وبانطلق..
والمشاعر ساكنه قلبي
إزاي تضيع أو تنسرق ؟؟
طول ماحنا عايشين
مُستحيل .. مُستحيل
يوم نفترق
وبأعترف
من بعد سن الأربعين
النظرة يمكن تختلف
لكن حقيقي وباليقين
القلب بعد الأربعين
بيفيض محبة ..
يدوب حنين
بشعور أصيل ..
طاهر جميل
وأنا قلبي زي النسمه حُر
أنا قلبي زي النسمه
حُر ..
الشكل يمكن يخدعك !
الوجوه دايماً تغُر !
أنا قلبي يا ست البنات
رغم اللي عدى..
وعُمر فات
رغم البياض إللي ظهر
رغم السُكات
شايل حكاوي وذكريات
حافظ قصايد وحكايات
الحس جوه القلب عايش
مين يقول الشعر مات
قلبي إكتشف إن المحبة
أغلى معنى للحياة
أنا قلبي عمران بالأمان
بيفيض حنان
والفرق شاسع بين شعور
اليوم ف قلبي
وبين زمان .
أقول كمان ؟؟
: بعد سن الأربعين
النظرة أشمل
والفكر واعي
والطريق مضمون ..
بتاعي
والأمور ف عنيا أكمل
نظرة من عين إللي زيي
صدقيني ..
صدقيني يا غالية أجمل
الخبرة خلتني استوي
أحب ..
أعشق..
وأحتوي
وفوق لهيب الشوق ..
بكل إحساسي..
أكتوي
ولما تخنُقني المشاعر
غصب عني ..
وم الخجل
بكل أوجاعي ..
أنزوي
دمعة تفلت ف الخفا
وبخيالي ..
لما باسرح فيكي
قلبي يطويه الدفـا
أيوه فوق الأربعين
أيوه فوق الأربعين
بس قلبي من الهوى
لا ف يوم تعب
ولا لحظة مَلّ ولا أكتفى
******************
إن المشاعر تنحسب
تنعد باليوم والسنين ؟
مين اللي حاول يخدعك
يا صبيَّه مين ؟!
أيوه فوق الأربعين
وأنا قلبي لسه بينتفض
ولا نيش حزين
أيوه فوق الأربعين
بس مليان بالأمل ..
وبألف خير ..
أنا قلبي وسط الكون ده طير
بفرح ..
بغني ..
وبانطلق..
والمشاعر ساكنه قلبي
إزاي تضيع أو تنسرق ؟؟
طول ماحنا عايشين
مُستحيل .. مُستحيل
يوم نفترق
وبأعترف
من بعد سن الأربعين
النظرة يمكن تختلف
لكن حقيقي وباليقين
القلب بعد الأربعين
بيفيض محبة ..
يدوب حنين
بشعور أصيل ..
طاهر جميل
وأنا قلبي زي النسمه حُر
أنا قلبي زي النسمه
حُر ..
الشكل يمكن يخدعك !
الوجوه دايماً تغُر !
أنا قلبي يا ست البنات
رغم اللي عدى..
وعُمر فات
رغم البياض إللي ظهر
رغم السُكات
شايل حكاوي وذكريات
حافظ قصايد وحكايات
الحس جوه القلب عايش
مين يقول الشعر مات
قلبي إكتشف إن المحبة
أغلى معنى للحياة
أنا قلبي عمران بالأمان
بيفيض حنان
والفرق شاسع بين شعور
اليوم ف قلبي
وبين زمان .
أقول كمان ؟؟
: بعد سن الأربعين
النظرة أشمل
والفكر واعي
والطريق مضمون ..
بتاعي
والأمور ف عنيا أكمل
نظرة من عين إللي زيي
صدقيني ..
صدقيني يا غالية أجمل
الخبرة خلتني استوي
أحب ..
أعشق..
وأحتوي
وفوق لهيب الشوق ..
بكل إحساسي..
أكتوي
ولما تخنُقني المشاعر
غصب عني ..
وم الخجل
بكل أوجاعي ..
أنزوي
دمعة تفلت ف الخفا
وبخيالي ..
لما باسرح فيكي
قلبي يطويه الدفـا
أيوه فوق الأربعين
أيوه فوق الأربعين
بس قلبي من الهوى
لا ف يوم تعب
ولا لحظة مَلّ ولا أكتفى
******************