تسجيل الدخول

مشاهدة النسخة كاملة : حوار بين الابن والاب


مصطفى مامون
09-01-2011, 09:32 PM
جهز هدومه وشنطته

قلتله استنا دى ازمه وتعدى
قالى سنين القحط دامت

بقت تلاتين سنه ياوالدى
قلتله هنا نيلى وارضى وزرعى

وهنا اندفن جدى
ضحك وقالى نيل الذوات

اللى ميته هرت كبدى؟!
يابنى لما تتفرج وقت الاصيل

على شمسك والمركبه تعدى!
قال الاصيل يابه هو اللى

يحمينى انا وعيالى من بردى
قلتله هنا سكن خالك حسن

وجرجس وصبحى واخوك حمدى
قال يابه نسيت انهم ف المعتقل

وضيف عليهم عم شمندى
يابنى ترابها شم التاريخ

تحس انه عزوتى وسندى
يابه انا عايز اشم الطبيخ

واحط الهدمه على جلدى
بص يابنى على القلعه وشموخها

زيارتها ياه !!يوم سعدى
يابه انا مراتى قلعه هدومها

ومش لاقى استر انا عرضى
انا عايزك يابنى هنا حارس

تصونها وتكون لها جندى
قالى جندى بخيشه ومقشه!!

اكنس بيت النقيب رشدى
قلتله شوف خيرها اللى ماليها

ومساها وصبحها المندى
قال نفسى يابه اشوف خيرها

ومحسش انى بكستانى اوهندى
يابنى هنا نيلى وزرعى

هنا نخلى وهرمى وميتى وسدى
يابه ضحكتوا علينا بصخر وصنم

ومعابد وهرم وورق بردى!
رفعت ايدى للسما ادعى

واقول يارب ربنا يهدى
قالى مهما دعيت مش هتنصلح

ولو مسكوها حتى لغاندى
انا ماشى ومش راجع واعود

الابشرط لما ترجعولى بلدى
اميرة حبى انا
09-01-2011, 11:57 PM
رفعت ايدى للسما ادعى


واقول يارب (http://www.vb.6ocity.net/showthread.php?t=40001) ربنا (http://www.vb.6ocity.net/showthread.php?t=40001) يهدى

قالى مهما (http://www.vb.6ocity.net/showthread.php?t=40001) دعيت مش هتنصلح


ولو مسكوها حتى لغاندى
ايه يابنى الواقعية دى كلها
رغم ابداعك واسلوبك اللى بجد بيعجبنى جدا
بس انا جالى اكتئاب دلوقتى
لانى مؤمنة جدا بالبيتين دول
مصطفى مامون
10-01-2011, 12:27 AM
الاجمل اميره هو ايمانك بالبيتين دول اللى انا فعلا واثق فيه جدا جدا طب انتى مع الابن والا الاب مع الوطن هنا والا فى حته تحسى فيها بشعور الابن
عصام علم الدين
10-01-2011, 11:04 AM
الأخ الفاضل مصطفى مأمون

أعجبني كثيراً هذا الحوار الذي عبر عن آلامنا في هذا الوطن
بشكل أثار إنتباهي
فقد وجدت أن كلاهما بالفعل على حق
الأب يطرح مايراه يربطنا بهذا البلد الرائع الجميل
والإبن يشير إلى أسباب يراها كافيه لأن نبحث عن مخرج منه
وهذه هي فلسفة هذا الحوار
الأب عاش حقبه زمنيه أحس فيه بإنتماءه لهذا البلد
من خلال إيجابيات كثيره عادت عليه بالخير
أما الإبن - فحدث ولا حرج عن سلبيات يرزح تحت كاهلها هذا الوطن الحبيب في هذه الآونه
يارب أكون فهمتك صح يامصطفى
وخليني أقولك أني لمحت هذه المهاره في التلاعب بالألفاظ
بشكل أعجبني في ( الأصيل - القلعه )
الشئ الوحيد الذي لا أوافقك عليه هو السلبيه
التي إنتهيت إليها في قصيدتك

انا ماشى ومش راجع واعود
الابشرط لما ترجعولى بلدى

فلو كلنا فعلنا مثل ذلك فمن سيعيد إلينا هذا الوطن
تقبل خالص تحياتي

أخوك
عصام علم الدين
فريد
10-01-2011, 11:44 AM
لمحت بين السطور نفسى
و كنت دايما بقول دى ازمة و تعدى
لكن زى ماقلت يادرش بقت تلاتين سنه ياوالدى
رائعة حروفك وكلاماتك
تعجبنى فيها انك تشعر انك انت
من سردها و كتبها و خطها و ايضا من عاشها
تحية لقلم احبه
اسامة22
10-01-2011, 06:10 PM
جميلة يامصطفي
ومع راي شاعرنا الكبيرعصام علم الدين
لو كل واحد سابها ومشي مين هيصلح حالها وحال اللي بيتلاعبوا بيها
السلبيات موجودة في حياتنا من يوم ربنا خلق الخلق
زي مافي خير في شر
زي مافي ناس طيبة في ناس سيئة
المهم انة صراع ابدي لن ينتهي
والخير في امتي الي يوم الدين
المفروض نحسن صورة بلدنا
نمحوا كل سلبية
كل واحد فينا يعمل بصمت ولو عمل بسيط
حتي لو هتشيل ورقة من علي الارض
كن قدوة ينصلح حال من اراد فسادا
كن وطنيا بعملك لابقولك
في النهاية اشكرك مصطفي
خلود
11-01-2011, 12:26 AM
ما نخلى عندنا امل شويه فى بكره

جايز الاوضاع تتحسن ازاى مش عارفه بصراحه

بس نعيش بالامل برضو

لا جدال على روعه كلماتك يامصطفى وحسك الجميل
الرومنسى
11-01-2011, 02:36 AM
جميلة جدا يا مصطفى
وفيها روعة فى الاداء والترتيب
انا حسيت فيها بالمعنى
بل كأنى أراك تنشدها
لك تحياتى
لكن ردى هيكون عليها فى قسم النقاشات
بإذن الله
تحياتى
مصطفى مامون
11-01-2011, 10:00 PM
الأخ الفاضل مصطفى مأمون

أعجبني كثيراً هذا الحوار الذي عبر عن آلامنا في هذا الوطن
بشكل أثار إنتباهي
فقد وجدت أن كلاهما بالفعل على حق
الأب يطرح مايراه يربطنا بهذا البلد الرائع الجميل
والإبن يشير إلى أسباب يراها كافيه لأن نبحث عن مخرج منه
وهذه هي فلسفة هذا الحوار
الأب عاش حقبه زمنيه أحس فيه بإنتماءه لهذا البلد
من خلال إيجابيات كثيره عادت عليه بالخير
أما الإبن - فحدث ولا حرج عن سلبيات يرزح تحت كاهلها هذا الوطن الحبيب في هذه الآونه
يارب أكون فهمتك صح يامصطفى
وخليني أقولك أني لمحت هذه المهاره في التلاعب بالألفاظ
بشكل أعجبني في ( الأصيل - القلعه )
الشئ الوحيد الذي لا أوافقك عليه هو السلبيه
التي إنتهيت إليها في قصيدتك

انا ماشى ومش راجع واعود
الابشرط لما ترجعولى بلدى

فلو كلنا فعلنا مثل ذلك فمن سيعيد إلينا هذا الوطن
تقبل خالص تحياتي

أخوك
عصام علم الدين

الاجمل هو مرورك الجميل على ماكتبت وانه لشىء اسعدنى وجود شاعر بين طيات كلماتى بحجم عصام علم الدين اسعدنى تحليلك الفنى للقصيده وشرفنى وجودك فى صفحتى اتمنى دوام تحليلاتك التى سأستفاد منها بلا شك وتسعدنى
مصطفى مامون
11-01-2011, 10:03 PM
لمحت بين السطور نفسى
و كنت دايما بقول دى ازمة و تعدى
لكن زى ماقلت يادرش بقت تلاتين سنه ياوالدى
رائعة حروفك وكلاماتك
تعجبنى فيها انك تشعر انك انت
من سردها و كتبها و خطها و ايضا من عاشها
تحية لقلم احبه

تحية منى ايضا لقلم مبدع وصديق اروع ومحاور عملاق اسعدنى قدوم قمه من قمم منتدانا اعتز بقلمه وافتخر انى اقرأله مايكتب شكرا فريد
مصطفى مامون
11-01-2011, 10:05 PM
جميلة يامصطفي
ومع راي شاعرنا الكبيرعصام علم الدين
لو كل واحد سابها ومشي مين هيصلح حالها وحال اللي بيتلاعبوا بيها
السلبيات موجودة في حياتنا من يوم ربنا خلق الخلق
زي مافي خير في شر
زي مافي ناس طيبة في ناس سيئة
المهم انة صراع ابدي لن ينتهي
والخير في امتي الي يوم الدين
المفروض نحسن صورة بلدنا
نمحوا كل سلبية
كل واحد فينا يعمل بصمت ولو عمل بسيط
حتي لو هتشيل ورقة من علي الارض
كن قدوة ينصلح حال من اراد فسادا
كن وطنيا بعملك لابقولك
في النهاية اشكرك مصطفي

ياأوس دا انت بقالك عشروميت سنه بره ومش عايز ترجعلها الا لما يرجعوها ****شكرا لمرورك العطر ياصديقى