- "فيـ الجامعهـ :: إنتـ مينـ فيـ دولـ ::" -

[RSS]

فيـ الجامعهـ :: إنتـ مينـ فيـ دولـ ::


كلنا فى الجامعة بنشوف طلبة كتير
خصوصا لو كنت فى كلية من كليات القمة
( التجارة - الحقوق - الاداب - معهد خدمة اجتماعية )
تلاقى الطلبة هم ما يتلم والعدد فى الليمون


كل واحد منهم له الاستايل الخاص بيه

^ ^
-


الشاب الكول البيس

http://img209.imageshack.us/img209/4039/3507.jpg

الشاب الروش الطحن اللى مفسى دماغه ومنفض للدنيا
مأنتخ أخر حاجة ولا فارقة معاه محاضرات ولا سكاشن
بيتكلم لغة غريبة عربى على انجليزى على الشكرمون طاخ فى الترلولى
لما يقولك بيس يا مان اعرف انه بيقولك السلام عليكم

http://img138.imageshack.us/img138/8954/10042007nmc04saggypants.jpg

تلاقى شعره مضروب فى الخلاط وبنطلونه ساقط منه
الجزمة الكاوتش لازم تبقى بلون الحظاظة

http://img51.imageshack.us/img51/958/fe5b4f18b7.jpg

كل اللى فارق معاه انه يزبط البنات لانه طبعا واد مخلص ومن الاخر
مقطع السمكة وديلها ولا فارق معاه رنات
طبعا لازم يستلمك تريقة لو عرف مثلا انك معندكش اى بود
انت جاهل ومتخلف - فى نظره - لو مكانش عندك اكونت على الفيس بوك
يعمل خناقة لرب السما لمجرد ان 2 بيتكلمو مين الاحسن عمورة ولا تمورة
لان طبعا حماقى هو البوب ومفيش زيه


************************************************** ************************************************** ************************************************** **********

الشاب المناضل الثورى

http://img822.imageshack.us/img822/4241/12565031429ef22cc864m.jpg

هتلاقيه لابس بنطلون جينز مقطوع من الركبة
تى شيرت اسود واسكارف المجاهدين الفلسطينين

http://img600.imageshack.us/img600/5794/488image001.jpg

لما يتكلم معاك هيتكلم عن الامبريالية والليبرالية
الاشتراكية احسن من الراسمالية
الحرية والتغيير والقهر السياسى
هتلاقى مثله الاعلى جيفارا ودايما يتكلم عن الثورة الفكرية
وان شجرة الحرية لا تروى الا بالدماء
دائم الصدام مع الامن كثير الاعتصام والاضراب
المواطن المصرى المطحون تلاقيه هو كله همه
دائم الاعتراضات وكلمة لا دايما على لسانه
مش عاجبه مبارك ولا البرادعى ولا ايمن نور لان جيفارا هو الحل



************************************************** **********************************


الشاب المثقف الكلاسيكى

http://img526.imageshack.us/img526/6490/dsc00810me.jpg


غالبيتهم لابسين نضارات ( زى حالاتى يعنى )
تلاقيه دايما مهتم بانشطة اتحاد الطلاب
مقرب جدا من الدكاترة ودايما قاعد فى البينش الاول
وكلمة كلمة ورا الدكتور بيكتبها ولما الدكتور يسكت
يحط القلم بين شفايفه قال إيه بيفكر
كل كلامه اعتقد ، أنا أرى ، يجب أن
ياخدها مشى من الجامعة للبيت طبعا ماهو المشى رياضة
كتبه تحت باطه وبالايد التانية يمسح النضارة
تلاقيه فى اول محاضرة بيسال الدكتور عن ميعاد الامتحانات


************************************************** **********************************

الشاب الملتزم دينيا

http://img88.imageshack.us/img88/8426/snapshot20061201173859m.jpg

السلام عليكم يا اخى كيف حالك ؟ كدة بيسلم عليك
مشمر البنطلون لغاية ركبته مطلق للحية وحالق للشارب
عايش دور الواعظ الدينى وان الناس كلها بعيدة عن ربنا
بيروح الكلية علشان يقعد فى مسجد الكلية
صلاة الظهر اهم من المحاضرة اللى شغالة
( ما انت ممكن تصليها بعد المحاضرة )
ياسلام بقى لو مشغل اغنية على موبايلك بقيت زنديق
يفرق دمك على القبائل لو قلت انك مبتسمعش لمشايخ السلفية
دائم العداء مع الاخوان المسلمين لانهم بيتاجرو بدين الله من اجل المنصب
مبيحضرش محاضرة لدكتورة ربنا امرنا بغض البصر
لو جات طالبة وعايزة تقعد جنبه على البينش
يرفع حاجب ويبصلها بامتعاض ويقولها دور المرأة فى المنزل








دول نوعيات بنشوفها فى الجامعة بس أكيد فى غيرهم كتير

بس السؤال

فيـ الجامعهـ :: إنتـ مينـ فيـ دولـ ::

ولا إنتـ ليكــ استايلــ خاص بيكــ

ولا الأمور معاكــ عاديـــ






منقـــول