كيف اتعامل مع ابنتى كى احتويها من الصغر

[الطاوس الحزين]

http://fotos.alwatanvoice.com/images/topics/images/8672701303.jpg




السلام عليكم ورحمة الله وبركاته

الموضوع رائع جدااا ومهم اوووى واعتقد اننا كلنا بنعانى من هذه المشاكله

بصفتى ام لبنت عندها 10 سنوات

اى نعم هيا لسة صغننة بس مش اوى برده

انا هتكلم عن المحاولات اللى بعملها من اول ما بدات تدخل المدرسة

انا واعوذ بالله من كلمة انا حاولت ونجحت فى انى اكون انا وهيا اصحاب بالعكس كمان صديقاتها كمان بقوا صديقاتى

كل ده كويس (مش كده)

دايما بخرج معاها وبتكلم معاها فى كل حاجة وبحاول احسسها اننا من سن بعض وزى بعض

يعنى انا نزلت لسنها لانى مش كبيرة فى السن وبلعب معاها وبعمل كل اللى ممن يتعمل


لكن :::::::::::::::

هيا دلوقتى فى الصف الخامس

لقيت انها ابتدت تقلد البنات التانيين وبقت علطول بتقول فلانة قالتلى سر وعلانة قالتلى مش عارف ايه

وحلفونى يا مامى انى مش اقولك

اشتريتلها اوتوجراف من اللى طالعين اليومين دول

وبنت عمتها كمان جابت واحد

مكتوب فى شوية اسئلة مش زى ايامنا

من ضمن الاسئلة::::

يعنى ايه حب؟؟

ايه اللحظة اللى مش ممكن تنسيها؟؟

ايه اللى بيعجبك فيه؟؟

وبالصدفة البحتة وقع فى ايدى الاوتوجراف ده

وقريت اللى اتكتب فيه طبعا هو مش منطقى انهم بيحبوا او حتى يعرفوا يعنى ايه حب

بس هو ده اللى مكتوب

ومن وقتها بحاول استدرجها فى الكلام وهيا وبنت عمتها مصرين
مفيش حاجة واللى غايظنى انهم بينكروا ومستمرين فى الانكار

اكتشفت بقى

ان انا لوحدى مش كفاية والصحوبية والحب والحنان مش كفاية

لازم نكون كلنا بنفكر بنفس الطريقة لان ده بنتى اتعلمته من بره البيت


ممكن حد يقولى انا ممكن اعمل ايه عشان اخليها تحكى بس


هذه مشكلة احدى العضوات وتريد ان تعرف كيف تتعامل مع ابنتها .......؟؟؟

[lionking]

جزاك الله خيرا

بس فعلا محدش رد يمكن هما كمان بيعانوا من نفس الموضوع ومش عارفين يتصرفوا

[إبراهيم البشبيشي]

واضح انها مشكلة كبيرة ومحتاجة للتعامل بحذر وعمق وأنا بقترح على أم البنوتة الصغنونة اللي فاضلها سنتين تلاتة وتبقى آنسة انها تاخد بالها من كل ال محيطين ببنتها عشان تقدر تعرف مدى التغير الحاصل في نفسية بنتها بفعل اصحابها او قرايبها من سنها وتكون جهزة للتدخل في اي وقت بحنان وحزم وحسم لتضمن عدم انحراف الامور عن سياقها الطبيعي وارى ان البنت في السن الصغيرة دي مؤهلة لتعيش خيالات الحب التي قد يتوهمها الأطفال في مثل سنها وربما في سن أصغر تحت تأثير ما يحدث في وسائل الاعلام المختلفة عموما والموجهة للطفل خصوصا وقد كنا عرضنا في منتدانا الكريم قبل سابق إحدى الصور التي تظهر في مشهد بأحد أفلام الكارتون - الذي من المفترض أنه موجه للأطفال - وكانت صورة عارية إباحية , لذلك وجب الحرص والحذر حتى تمر عملية التربية على خير بإذن الله .

[lionking]

شكراااا جدااا على ردك وع النصيحة

بس والله انا بحاول والله الموفق

[محمود التهامي]

المشكلة الاكبر انك شايفاها صغيرة
لكن زي ماقل عم فجر دي فاضلها كام سنة وتبقا انسة مش طفلة زي مانتي شايفاها

جربي تحترمي احساسها ومشاعرها مهما كانت صغيرة

افتكري نفسك وانتي في سنها
هتلاقي الموضوع مش مشكلة ومش كبير زي ما البعض متخيل
حب الطفولة دا حاجه جميلة قوي كلنا جربناها وبينتهي بمجرد البلوغ وتطور مرحلة المراهقة

ايها فرصة تعيش حياتها زي ما غيرها عاش حاولي ما تخنقيهاش بالاسئلة
حاولي انتي كمان تحكيلها اسرار
متتعامليش معاها زي مفتش المباحث لأ عايزة تسمعي منها لازم انتي كمان تسمَّعيها

[إبراهيم البشبيشي]

المشكلة الاكبر انك شايفاها صغيرة
لكن زي ماقل عم فجر ...



اوبس المدير العام مش معانا يا رجالة .. هههههههه .. عم فجر ماجاش الموضوع لسة يا مدير هو انت مانمتش ولا ايه ؟؟؟

[محمود التهامي]

ههههههههههههههههههه

مش عارف ليه شوفتك هو

معلش بقا اصلي صاحي النهاردة بدري هاه بدري

ههههههههههههه

[إبراهيم البشبيشي]

ماشي يا عم براحتك

[fagrmasr01]

المشكلة اننا أغلبنا فاهم موضوع صداقتى لبنتى وابنى ان زى المخابرات ولازم يعترفان عرفتى تعملى معاها صدتقة ناجحة وحلوة بجد .. مفروض هى الى تصارحكانما محاولات اجبارها على الاعتراف دى كارثةلانها بتثبت للولاد ف السن دى ان الاب او الام طاغية وجبروتاو على الاقل لحوح وممكن يوصل انه يكون مملياريت ل واحد وانا انصح نفسى اولكم .. نحاول نكون اصحاب ولادنا .. أصحاب بجدووقتها هم هيفضفضوا لنا وياخدوا رأينالان البديل هو ان يكون مصدر معلوماتهم اصحابهم ووقتها ربنا يستررأيى ان الموضوع فعلا بسيط .. وان تستمر فى مصادقة بنتها وتحسسها بأهمية ما تفكر فيه بنتها حاليا بدون تهوين ولا تهويل او تضخيم للموضوعلانها فعلا لسه طفلةلكنها طفلة كبرت وبتكون شخصيتها

[اميرة حبى انا]

المشكلة ان فى كتير مننا مش بيسمعوا لولادهم اصلا
اقولكم انا ولادى بيحكولى كل حاجة عشان من وهما صغيرين كنت بسمعهم
صحيح بالعافية وفى كتير كان كلام فاضى
بس عشان نوصل لاننا نسمع المهم لازم نسمع اللى مش مهم
المهم
متساليهاش
لما تلاقى حاجة زى كده وتكتشفيها بالصدفة
اعملى نفسك بتحكيلها قصة بنت تانية مامتها شافت كذا كذا وهى حكت لمامتها عشان اصحاب وتاخد منها النصيحة
بس لما تحكى
تحكى قصة بعيدة شوية عن اللى حصل معاكى
لانهم اليومين دول ماشاء الله ناصحين اوى وصاحيين لنا اوى اوى
وربنا يخليهالك ويهديهالك ويباركلك فيها

[الطاوس الحزين]

جزاك الله خيرا




بس فعلا محدش رد يمكن هما كمان بيعانوا من نفس الموضوع ومش عارفين يتصرفوا


لا تقلقى غاليتى


الموضوع وضع بعد الساعة 12 مساء بالامس فقط ...




لذا لم يراه احد قبلك

[الطاوس الحزين]

هلا يا هلا
واضح انها مشكلة كبيرة ومحتاجة للتعامل بحذر وعمق وأنا بقترح على أم البنوتة الصغنونة اللي فاضلها سنتين تلاتة وتبقى آنسة انها تاخد بالها من كل ال محيطين ببنتها عشان تقدر تعرف مدى التغير الحاصل في نفسية بنتها بفعل اصحابها او قرايبها من سنها وتكون جهزة للتدخل في اي وقت بحنان وحزم وحسم لتضمن عدم انحراف الامور عن سياقها الطبيعي وارى ان البنت في السن الصغيرة دي مؤهلة لتعيش خيالات الحب التي قد يتوهمها الأطفال في مثل سنها وربما في سن أصغر تحت تأثير ما يحدث في وسائل الاعلام المختلفة عموما والموجهة للطفل خصوصا وقد كنا عرضنا في منتدانا الكريم قبل سابق إحدى الصور التي تظهر في مشهد بأحد أفلام الكارتون - الذي من المفترض أنه موجه للأطفال - وكانت صورة عارية إباحية , لذلك وجب الحرص والحذر حتى تمر عملية التربية على خير بإذن الله .



عندك كل الحق اخى ابراهيم


وسائل الاعلام ووجود الموبايلات واصدقاء السوء جعل سيطرة الام على اولادها من الامور الصعبه


مش معنى كده انك تمنعيها ...لاااااا
لكن
اقعدى معاها اثناء مشاهدتها للتليفزيون وشاركيها .. واثناء مشاهدتك وجيهها بشكل غير مباشر


شكرا اخى على مرورك الجميل

[الطاوس الحزين]

المشكلة الاكبر انك شايفاها صغيرة




لكن زي ماقل عم فجر دي فاضلها كام سنة وتبقا انسة مش طفلة زي مانتي شايفاها



جربي تحترمي احساسها ومشاعرها مهما كانت صغيرة




افتكري نفسك وانتي في سنها

هتلاقي الموضوع مش مشكلة ومش كبير زي ما البعض متخيل
حب الطفولة دا حاجه جميلة قوي كلنا جربناها وبينتهي بمجرد البلوغ وتطور مرحلة المراهقة





ايها فرصة تعيش حياتها زي ما غيرها عاش حاولي ما تخنقيهاش بالاسئلة

حاولي انتي كمان تحكيلها اسرار
متتعامليش معاها زي مفتش المباحث لأ عايزة تسمعي منها لازم انتي كمان تسمَّعيها









هنا بردو اضافة جميل جدااا




هى انك تعامليها كانسه مش طفله ..




وحاولى تراقبيها بدون علمها بل بالعكس اديها ثقة فى نفسها




كل مشاركة بنجد نقطة لذيذة




شكرا جزيلاااا نصـــ الهوى ـــل على مورورك العطر

[الطاوس الحزين]

المشكلة اننا أغلبنا فاهم موضوع صداقتى لبنتى وابنى ان زى المخابرات ولازم يعترفان عرفتى تعملى معاها صدتقة ناجحة وحلوة بجد .. مفروض هى الى تصارحكانما محاولات اجبارها على الاعتراف دى كارثةلانها بتثبت للولاد ف السن دى ان الاب او الام طاغية وجبروتاو على الاقل لحوح وممكن يوصل انه يكون مملياريت ل واحد وانا انصح نفسى اولكم .. نحاول نكون اصحاب ولادنا .. أصحاب بجدووقتها هم هيفضفضوا لنا وياخدوا رأينالان البديل هو ان يكون مصدر معلوماتهم اصحابهم ووقتها ربنا يستررأيى ان الموضوع فعلا بسيط .. وان تستمر فى مصادقة بنتها وتحسسها بأهمية ما تفكر فيه بنتها حاليا بدون تهوين ولا تهويل او تضخيم للموضوعلانها فعلا لسه طفلةلكنها طفلة كبرت وبتكون شخصيتها


ما شاء الله

كل عضو له رؤية جديده وجميلة

ا . جمال اشار الى اهمية مصحبتها مش بس مجرد علاقة بين ام وابنه

بس انتبهى

ان العلاقة احيانا تصل لدرجة مرضية ..بمعنى ان الابناء قد يفهموا المصاحبه غلط فتحكى لك كل حاجة صحيح

بس ..لما تقولها توجيه معينه ترفض فعله بحكم انكم اصدقاء .

لذا انبه الى اهميه الفصل بين اننا نكون اصدقاء احيانا وانك تكون ام فى اتخاذك للقرارات

شكرا ا. جمال على اضافتك الطيبة

[الطاوس الحزين]

المشكلة ان فى كتير مننا مش بيسمعوا لولادهم اصلا
اقولكم انا ولادى بيحكولى كل حاجة عشان من وهما صغيرين كنت بسمعهم
صحيح بالعافية وفى كتير كان كلام فاضى
بس عشان نوصل لاننا نسمع المهم لازم نسمع اللى مش مهم
المهم
متساليهاش
لما تلاقى حاجة زى كده وتكتشفيها بالصدفة
اعملى نفسك بتحكيلها قصة بنت تانية مامتها شافت كذا كذا وهى حكت لمامتها عشان اصحاب وتاخد منها النصيحة
بس لما تحكى
تحكى قصة بعيدة شوية عن اللى حصل معاكى
لانهم اليومين دول ماشاء الله ناصحين اوى وصاحيين لنا اوى اوى
وربنا يخليهالك ويهديهالك ويباركلك فيها



ما شاء الله عليك اميرة .. رأى صائب

فعلا لازم نستمع جيدا لكلام الابناء ..من غير تفريق بين التافهه والمهم من وجهة نظرنا لانه فى النهاية هيوصلنا

لمعرفة المهم و علاج جميع المشاكل بالقصة مع تحويرها لان اطفالنا ليس كأطفال الامس

اسعدنى تواجدك الجميل اميرة

[الطاوس الحزين]

غاليتى صاحبة المشكلة هذه ملخص لاراء الاعضاء..اتمنى ان تجدى فيها الحل :




1 -اقعدى معاها اثناء مشاهدتها للتليفزيون وشاركيها .. واثناء مشاهدتك وجيهها بشكل غير مباشر..

وخاصة ان معظم برامج الاطفال تتحدث عن الحب






2 -تعامليها كانسه مش طفله ..




وحاولى تراقبيها بدون علمها بل بالعكس اديها ثقة فى نفسها





3 - انبه الى اهميه الفصل بين اننا نكون اصدقاء احيانا وانك تكون ام فى اتخاذك للقرارات





4 - لازم نستمع جيدا لكلام الابناء ..من غير تفريق بين التافهه والمهم من وجهة نظرنا لانه فى النهاية هيوصلنا




لمعرفة المهم و علاج جميع المشاكل بالقصة مع تحويرها لان اطفل اليوما ليس كأطفال الامس

[lionking]

غاليتى صاحبة المشكلة هذه ملخص لاراء الاعضاء..اتمنى ان تجدى فيها الحل :




1 -اقعدى معاها اثناء مشاهدتها للتليفزيون وشاركيها .. واثناء مشاهدتك وجيهها بشكل غير مباشر..


وخاصة ان معظم برامج الاطفال تتحدث عن الحب






2 -تعامليها كانسه مش طفله ..




وحاولى تراقبيها بدون علمها بل بالعكس اديها ثقة فى نفسها





3 - انبه الى اهميه الفصل بين اننا نكون اصدقاء احيانا وانك تكون ام فى اتخاذك للقرارات





4 - لازم نستمع جيدا لكلام الابناء ..من غير تفريق بين التافهه والمهم من وجهة نظرنا لانه فى النهاية هيوصلنا




لمعرفة المهم و علاج جميع المشاكل بالقصة مع تحويرها لان اطفل اليوما ليس كأطفال الامس



'بجد يا جماعة انا بشكركم كلكم على الاراء دى

بس عايزة اوضح حاجة

انا لما اكتشفت الموضوع معملتش مباحث ولا حاجة بالعكس انا عملت زى اميرة ما قالت وحكيت حكايات بس اللى مش واضح ليكم ان الجيل ده مختلف تماما عننا احنا ..... واى كلمة او فيلم كنت بقوله كان معروف الهدف من وراه ايه ........يعنى كانت فاقسانى............

بس بجد انا بشكركم كلكم على انكم فكرتوا اصلا فى الموضوع

ميرسى كمان مرة

[الطاوس الحزين]

بس عايزة اوضح حاجة

انا لما اكتشفت الموضوع معملتش مباحث ولا حاجة بالعكس انا عملت زى اميرة ما قالت وحكيت حكايات بس اللى مش واضح ليكم ان الجيل ده مختلف تماما عننا احنا ..... واى كلمة او فيلم كنت بقوله كان معروف الهدف من وراه ايه ........يعنى كانت فاقسانى............

بس بجد انا بشكركم كلكم على انكم فكرتوا اصلا فى الموضوع

ميرسى كمان مرة



غاليتى الام

مشكلتك انك بتفكرى بتفكير لما كنت طفله ( تفكير زمااان عفا عليه الزمن)

انا قرأت القصة التى لم تقتنع بها ابنتك ..وسبب عدم اقتناعها انك مش طورتى نفسك

كان المفروض تبتكرى لها اسماء جديده

مثلا لما قلتى لها ان الفار وجد نقود..كان ممكن تقولى لها وجد ( سانكوف ) _هذه ليست كلمة لها معنى هى من تأليفى الحالى_ هههه

:p

وياريت تكون كلمة صعبه جدااا فتشد انتباها وتقولك يعنى ايه ...؟؟

تبدأى انت تقولى تصعدى بخيالها وتقولى مثلا زى كرة البوكيمون تخرج منها فتاشير (وهذه ايضا مصلح تانى ليس له معنى )

هتسألك يعنى ايه قولى لها كائنات فضائية


وكل شويه تقولى كلمة جديده مش تعرفها وليست فى مصطلحنا

وهكذا اختى الغاليه

لكن لا تيأسى

انتظر تجربتك بعد كلماتى هذه .. وان شاء الله انا متفائلة

[أبو رانيا]

المهم ان الام توجة بنتها ان تصاحب بنات من نفس التفكير وتبتعد عن البنت المختلفة في الطباع والظروف والشخصية

[ام العيال]

انا كنت كاتبه باحد المنتديات موضوع عن كده
هجيبه باذن الله علشان الكل يستفيد
والله المستعان

[ام العيال]

اتفضلوا اللينك اهو
انا جبت موضوعى المنتدى هنا
وبالفايده يارب للجميع

http://www.vb.6ocity.net/showthread.php?p=39643#post39643