حاكموهم على حاجة غير الأراضى والقصور

[fagrmasr01]

انه طلب يحتل جزء كبير اوى من عقلى وضميرى .. انه طلب لو لم نطلبه نكون قد قصرنا جميعاً ... ولن يغفر الله لنا خوفنا وخنوعنا .. مهما تحججنا اننا مكسوفين او مشلولين او حتى خايفين

نعم ..
انه طلب يطلبه ضمير الشعب
من الرئيس الذى أقسم على القصاص
حاكموهم على حاجة غير الأراضى والقصور

حاكموهم على الاسراف فى التعذيب لدرجة انه اصبح علنى فى الشارع بلا خوف ولا حياء .. لدرجة اننا كنا نعلن رفضنا له فى كافة المواقع وفى كثير من المواقف .. حتى قبل السقوط وقبل خلع المخلوع

حاكموهم على سجن الأبرياء

وعلى قتل المعارضين

حاكموهم على انهم زرعوا فى القلوب الخوووووف والرعب

حاكمهم لو انت بجد مبتخافش غير من ربنا .. الخوف والكسوف من وجه الله فى العدل أولى وأبقى

هاتقول ايه لربنا لما تقابله ياسيادة الرئيس

[خلود]

لو حاكمنا ياجمال هنغلب نحاكم على ايه وايه وايه

على الشباب اللى ضاعت فرصهم فى المناصب رغم استحقاقهم لها علشان ولاد الباشوات والبهوات

هنحاكمهم على هروب علماءنا واطباءنا واثباتهم لوجودهم بره بلدهم

هنحاكمهم على القهر والحزن اللى عاني منه الغلابه فى طوابير العيش لدرجه انتحار الاب لانه معرفش يجيب لولاده الرغيف وهما بيكلوا جاتوهات

هنحاكمهم على الانبوبه ام 30 ج والغاز بيروح لاسرائيل ببلاش

هنحاكمهم على العبارات اللى رجعوا ولادنا عليها قتلى ولغايه النهارده لسه حقهم ضايع
ولا ايه وايه وايه ياجمال


دول نسيوا الله فمن نسي الله تعالى انساه نفسه في الدنيا ونسيه في العذاب يوم القيامة
جميل اوى موضوعك ياجمال ولسه الكلام كتير

[M.Khalifa]

لقد قبل الرئيس أن يكون رئيسا منقوص الصلاحيات
وقبل الشعب أن يكون عنده رئيسا منقوص الصلاحيات
=== فكيف تطلب شيء من شخص لا يستطيع ؟؟؟ لأنه منقوص الصلاحيات
يسقط الاعلان الغير دستوري المكمم المكبل المقيد ....
الثورة مستمرة لاسقاط حكم المجلس السمكري

[fagrmasr01]

لو حاكمنا ياجمال هنغلب نحاكم على ايه وايه وايه

على الشباب اللى ضاعت فرصهم فى المناصب رغم استحقاقهم لها علشان ولاد الباشوات والبهوات

هنحاكمهم على هروب علماءنا واطباءنا واثباتهم لوجودهم بره بلدهم

هنحاكمهم على القهر والحزن اللى عاني منه الغلابه فى طوابير العيش لدرجه انتحار الاب لانه معرفش يجيب لولاده الرغيف وهما بيكلوا جاتوهات

هنحاكمهم على الانبوبه ام 30 ج والغاز بيروح لاسرائيل ببلاش

هنحاكمهم على العبارات اللى رجعوا ولادنا عليها قتلى ولغايه النهارده لسه حقهم ضايع
ولا ايه وايه وايه ياجمال


دول نسيوا الله فمن نسي الله تعالى انساه نفسه في الدنيا ونسيه في العذاب يوم القيامة
جميل اوى موضوعك ياجمال ولسه الكلام كتير





يارب يخليكى شكرا ع المرور والتشجيع يا خلود
وبصراحة مفروض يتحاكموا وناخد حقنا منهم

ومش مفروض نتحجج بأى أعذار .. اللى عنده شهيد او ابنه محبوس ظلم .. مش هيعرف طعم الراحة ولا هيفرح يوم الا لو اخد حقه
لعن الله قوماً ضاع الحق بينهم

[fagrmasr01]

لقد قبل الرئيس أن يكون رئيسا منقوص الصلاحيات
وقبل الشعب أن يكون عنده رئيسا منقوص الصلاحيات
=== فكيف تطلب شيء من شخص لا يستطيع ؟؟؟ لأنه منقوص الصلاحيات
يسقط الاعلان الغير دستوري المكمم المكبل المقيد ....
الثورة مستمرة لاسقاط حكم المجلس السمكري

اخى الركيم محمد خليفة
والله فى وسط دوامات الحزن نحيا فى وقت تختلط فيه الحقيقة مع كثير من الاشاعات .. وأصعب شئ على نفسى هو تلك الأبواق التى تتجاهل حقيقة ما يحدث فى مصر حالياً .. برغم اننا حالياً نحيا أهم اللحظات وأصعبها

القبول باستمرار وجود الإعلان المكبل هو كارثة بكل المقاييس .. وأى تصالحات تتم فى ظل هذا الاعلان هى كمن يحرث فى البحر .. لان نقص صلاحيات الرئيس سوف يكون هو الشماعة التى نتحجج بها

الرئيس يجب ان يكون رئيساً فعليا لا شكلياً ... ولن تتم الثورة بغير العفو عن المظلومين فى سجون العسكر .. وبغير تطبيق العدل بالقصاص ممن قتلوا اهلى فى الميادين .. وسرقوا قوت أولادى بالمليارات وهربوها الى الخارج تحت سمع وبصر المجلس العسكرى

اخى الكريم .. أحبك فى الله .. واستحلفك ألا تغيب عنا الا مضطرا .. فلوجودك بريق وبسمة أمل