مش منقول

[اميرة حبى انا]

السلام عليكم ورحمة الله وبركاته
هدخل فى الموضوع علطول
الحياة اليوم-العاشرة مساء-90 دقيقة-واحد من الناس
وغيرهم وغيرهم وغيرهم
حوادث
قضايا فساد
غلاء
عمارات بتقع فوق دماغ اصحابها
ناس نايمة فى الشارع
ناس البيت اللى عايشين فيه هيقع فوقهم
زوج ام بيعذب ويغتصب ابنها امامها وهى بتقول هعمله ايه بس منه لله وكان بيلبسو قميص نوم وهى شيفاه
العيش وحش ومش موجود والسكر غالى والزيت مافيش فيه بركة واللحمة ب 50 جنيه والبتلو ب 80
والفراخ البيضة الكيلو ب 13 ونص والبلدى ب 16
وشوفت الجزارين زعلانين اوى فى حديث المدينة ويقول لمفيد فوزى من مصلحتى اللحمة ترخص
عشان اللى كان بيشترى كيلو بقى بيشترى نص
واللى كان بيشترى نص بقى بيشترى ربع
تمشى فى الشارع تلاقى ناس بتكلم نفسها وناس بتنقى من الزبالة(للاسف)
وناس راكبة hummer وناس مش لاقية تاكل وفلوسها ع الاد يا دوب ونازلة رغى فى الموبايل
والاحصائية قالت كده المصريين بيحبو يتكلمو فى الموبايل وبيحبو يتمنظرو
عشان كده محدش مصدق ان المصريين غلابة
تمشى فى مكان تلاقى الشرخ فى العمارة بطولها
وتمشى فى مكان تانى تلاقى فيلا لأ لأ قصر
تحب بس تتفرج عليه من برة
ليه بقى كل كلامى ده
اقول ليه
عشان احنا اقصد احنا كشعب
عمالين نشجب وزعلانين اوى من الحكومة ومش عايزين حسنى ولا جمال ولا البرادعى(طب اروح انا ياعم)
وعايزين فلسطين ترجع
طب ازاى ياعم
اهو ماليش دعوة لما امشى فى مظاهرة واكسرلى كام عربية يمكن ترجع (احتمال برضو)
عايزين اللحمة والفراخ والسكر والزيت والسمنة وكل الحاجات ترخص
واحنا بنكتب ان فى مقاطعة فى الجرايد
طب حد ينزل كده عند الجزار ان لقيتو مكان تقفو فيه ليكو الكلام(ال مقاطعة ال)
ده مافيش عيد عندنا مالوش علاقة بالاكل
نشوف الست الكبيرة وحالتها حالة فى برنامج واحد من الناس معاشها ستين جنييييييييييه
وبتقول الحمدلله نقعد نعيط ونقول لا حول ولا قوة الا بالله
طب عملنالها حاجة (مااحنا عيطنا نعمل ايه تانى)
بلاش اكمل
بلاش
طب معلش
مين اللى ولع القطر ومين اللى عمل الزلزال اللى اكل البشر
ومين اللى عمل انفلونزا الخنازير(معلش اصلى قريت انها معمولة تفصيل)
ومين اللى جاب المواد المسرطنة ومين اللى جاب المبيدات
والفرخة الاول ولا البيضة
عمالة اشوف كل ده
ومعرفش مين السبب
مابيقولو عمرنا ماهنعرف زى مااحنا مش عارفين كده طلعت مصطفى والسكرى قتلوها ولا لأ
هنكتب بس
ماشى نكتب
نحتج
حاضر
نعترض
ماشى جدا
بس فين طيب
بعد الكلام والكتابة ايه
حد يرد
فلسطين رجعت
لأ
اللحمة رخصت
ولا هترخص وحياة امى
يبقى لما اقول تسكتو
تسكتو بقى
وكفاية الدش والقنوات الفضائية
كفاية
الضرب فى الميت اصلا اصلا حرام
ولا هو يعنى اشوف كل حاجة لايف ع الهوا
وآجى هنا كمان الاقيها مكتوبة
شوية رحمة
وعلى فكرة اللى عنده حل
بس ايه
حل بجد مش كلام وخلاص
يقولهولى وانا اعمله
مش منقول على فكرة
عشان فى ناس بتقول اننا مش بنكتب غير حاجات منقولة

[saadrabea]

أميرة
موضوعك جميل قوي
ممكن اساعد واقولك من وجهة نظري وبدووووون زعل
شوفي
الحكومه قصدي الكام واحد اللي بيحكمو البلد اصلة مش واحد
وصلوا الناس الى موضوعين :-
الاول : - الناس إنشغلت بأكل عيشها اليومي فقط - فقط اليومي
وأصبح محدش عنده وقت للفكر في حالة - هو يدوب يكسب قوت يومه وكده يبقى هو نجح النهاردة - ويدوب يروح يرتااااح علشان حرب الحصول على قوت يومه غدا .

ثانيا : - سوري سوري سوري - اصبح معظم فئات الشعب حرامية
يبقى هو اساسا هيقاوم ايه - ما هي الحكومه وصلتوا انه يبقى زيهم
يبقى هيعمل مظاهره ضد مين - ما هو خلاص من جواه حاسس انه زيهم
للاسف
المفروض ان احنا نشغل دماغنا ضد محاولات الحكومه المستميته في خراب البلد - ازاي موظف يعيش مع كام عيل بمرتب 500 ولا الف إزاي - ازاي
لازم يتصرف - طبعا التصرف اللي بترميه قدامة الدولة - شوية تعقيد للناس في تقضية مصالحهم - وتكون النتيجة - حرامي جديد كفاءة للمعاملة مع الصف الاول بمصر - شلة الحراميه
موضوعك فكرني ب اللي كنت قربت انساه


شكرا اميره موضوعك مرعب - مرعب
بس دا الواقع مافيش فايدة إلا إن الناس تفوووووووق

[ahmed love]

تسلم ايدك يا اميرة
واحنا مواضعنا مش منقولة

[اميرة حبى انا]

بس دا الواقع مافيش فايدة إلا إن الناس تفوووووووق
ماشى بس حضرتك مخدتش بالك من اخر كلامى
الناس تفوق
يعنى تعمل ايه سعادتك

[نور]

يالهوووووووووووووووووووووووي
وبتقولي عليا انا اللى عندي اكتئاب
شكرا لحضرتك على زياده هذه الاكتئاب
انا لو عندي حل مش هستني مكاني

هنفكر بصوت عالى وهنحلها

[saadrabea]

أميرة - بخصو الناس تعمل أيه أو تفوق أزاي

اقولك المختصر المفيد الناس تقول لاء لاء لاء
لما تروح تعمل مصلحة قول مش دافع غير الصح
لما تتظلم روح ارفع قضيه واجري ورا حقك
لما تشوف ظابط في الشارع بيشتم مواطن روح معاه واشهد في المحضر
لما يكون في مظاهرة لنصرة حق - روح متهربش
لما تكون في إشارة مرور احترم الطريق وأقف .
لما ولما ولما ولما
طبعا دا هيعطل مصالحك شويه وهيبهدلك شويتين
بس إن شاء الله في الاخر هتعيش هتعيش
ودي مشكلة مصر من وجهة نظري
المشكلةملخصها كلمة ( أنا مالي هو أنا اللي هصلح الكون)
ولا انا خايف اتسجن ولا كده بقى عدى من الحجج
دا قصدي بإن الناس تفوووووق

[AFIFI MOSTAFA]

يقولون ليلى بالعراق مريضة فياليتنى كنت الطبيب المداويا

[فتوح العربي]

الاستاذة الفاضلة
علي رسلك شوية شوية
قال تعالي:
ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ وَأَنَّ اللَّهَ سَمِيعٌ عَلِيمٌ (53) الأنفال
فهذه الأزمات التي نحياها في مصرنا حاليا مما دونتيه وما لاتدوينه وهو كثير جدا !!!
الخروج منه سهل ويسير جدا جدا نجده جميعا في قوله تعالي:
عَسَى رَبُّكُمْ أَنْ يَرْحَمَكُمْ وَإِنْ عُدْتُمْ عُدْنَا وَجَعَلْنَا جَهَنَّمَ لِلْكَافِرِينَ حَصِيرًا (8)الاسراء
مصر ليس يوجد فيها سوي أزمة ضمييييييييييييييييييييييير
واخيرا لكي الشكر علي هذا الطرح