facebook

صفحة 5 من 7 الأولىالأولى 1234567 الأخيرةالأخيرة
النتائج 21 إلى 25 من 32

الموضوع: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  1. #21
    المشرف العام الصورة الرمزية fagrmasr01
    تاريخ التسجيل
    Jan 2009
    الدولة
    فى عقل وقلب محبوبتى
    المشاركات
    10,997
    معدل تقييم المستوى
    27


    افتراضي رد: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


    انا عن نفسى ... حزين انى رجعت .. بسبب حرمانى من الكعبة والمسجد النبوى الشريف

    احسب انت الاول ظروفك وصلى صلاة الاستخارة

    وبينى وبينك كلها ارض الله

    سبحان الله وبحمده
    سبحان الله العظيم



  2. #22

    افتراضي رد: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    ياابن الناس انا متغرب زيك ولسة جاي من مصر
    وندمت اشد الندم اني جيت
    العالم عايشة ومبسوطة اوي في مصر
    وصدقني بلدك احسن من العالم كلة
    حتي لو كان فيها اية
    وبعدين انت ادري واحد بظروفك
    يعني لو ربنا كرمك بمبلغ حلو انزل واستفيد بمشروع
    تعملة وصدقني ياما ناس كتير في مصر ماسافرتش وبدات
    وربنا اكرمها
    يكفي الامان في مصر
    وانت عارف كلامي كويس
    الاماااااااااااااااااااااااان
    اللي في ناس مفكرة ان السعودية هي الكعبة والمدينة المنورة وبس
    لالالالا
    في حاجات كتيييييييييييييييييير هنا لو حد شافها هيعرف ان كفاية اوي
    انك تروح بيتك اخر اليوم وتشوف ولادك بالدنيا كلها
    وبعدين انت بقالك خمس سنين
    احمد ربنا غيرك واعرف ناس كتير بقالهم عشرسنين وخمستاشر سنة
    معملوش حاجة
    غير انهم تعبو وجالهم امراض الدنيا
    الغربة كربة يااستاذي
    وبعدين امروك انت ادري بيها
    اولا
    انت متزوج ولا
    ولو متزوج عندك اولا ولا
    وهما عايشين هنا ولا في مصر
    الامور دي بتفرق ان الانسان يستحمل يكمل ولا يقول
    بارك الله فيما رزق
    وعمتا عاجبني رد المدير جدا جدا
    وربنا يوفقك لما فية الخير والصلاح اخوك اسامة42س الدمام









  3. #23

    افتراضي رد: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    نست حاجة مهمة كمان
    الاخ الل بيقولك كلها ارض الله
    كلامك علي العين والراس
    كلها ارض الله اه
    بس قولة ياستاذنا العزيز بيقولو عليك هنا اية
    بالرغم انك عربي مسلم واللغة واحدة
    انت عارف يااخي ياللي بتقول كلها ارض الله
    بيقولو عليك اية هنا
    يااااااااااااااااااااااااااااااااااااااااااااااا
    اجنبي
    يااجنبي
    مسلم ومصري وعربي
    ويقولك عليك انت اجنبي
    رسول الله صلي الله علية وسلم قال فيما معناة
    من ملك قوت يومة وبات شبعان كانة ملك الدنيا وماعليها









  4. #24

    افتراضي رد: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    انا عندى سؤال
    اولادك معاك فى الغربة
    ولا سايبهم فى مصر؟؟؟؟؟؟؟؟؟؟؟؟




    تصفح قسم السيارات من هنا

    2010---------10/10
    [SIGPIC][/SIGPIC]
    ربى اجعلنى مقيم الصلاة و من ذريتى
    ربنا وتقبل دعاء

  5. #25
    الصورة الرمزية الفارس
    تاريخ التسجيل
    Jan 2009
    الدولة
    مصر
    العمر
    56
    المشاركات
    972
    مقالات المدونة
    1
    معدل تقييم المستوى
    16


    افتراضي رد: هل اترك العمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    اخى . .محمد



    اكيد كلامك فيه كتير اوى صح من ناحيه المعاناه


    ومع ذلك بنحب بلدنا وبنحبها اكتر من اى بلد فى العالم كله


    لكن المشكله ان كل المغتربين لفتره طويله بيبقى صعب التأقلم فيها


    الا بعد سنين طويله بعد مايكون نفذ صبره وتعب فعلا


    وخصوصا ان حياتنا هنا فى الغربه اسهل وافضل كتير اوى


    من حياتنا فى مصر واكيد فيها ناس كتيره مخنوقه فيها

    وبتتمنى تطلع منها لكن لما بطلعوا بيعرفوا انهم بيحبوها

    اوى اوى كمان .





    عزيزى . . اسامه 22



    معلشى لفت نظرى ردك انت عارف ليه لانك متغرب زينا



    لو دا رأيك ل سعد معلشى ليه انت ماعملتش بيه وفضلت فى مصر


    طالما مش قادر تبعد عنها كدا

    كنت اتمنى تاخد انت القرار علشان تنصح بيه غيرك

    وخصوصا انك تقريبا فى نفس العمر


    ولو زعلان من كلمه اجنبى الى بيقولها ليه مستنى تسمعها


    وعلى فكره انت بتقول انك لسه جاى من مصر وبتندم اشد الندم انك جيت


    ولو تفتكر كلامك فى الاجازه الى قبل دى قولت نفسى الكلام فى موضوع


    انك كنت بتتمنى الطياره ماتوصلش ليه دا كله طيب خليك مرتاح


    لو انت فعلا مبسوط وعايز دا



    معلشى ماتزعلش من صراحتى فى كلامى ليك .





    اخى . . سعد



    طبعا سؤالك وموضوعك هو سؤال وموضوع معظم الناس المتغربين



    هتلاقى ردود كتير واختلافات كتيره انت الوحيد الى تقدر تحدد دا



    اسأل نفسك السؤال دا وجاوب عليه محتار . . قارن وضعك . . حياتك



    للعلم سعد انا زيك متغرب وفى نفس عمرك ونفس درجه وضعك الوظيفى



    احنا هنا بنعمل كل حاجه بالتليفون واحنا على مكاتبنا بنأمر وننهى

    فى الالاف الموظفين



    حاسس بقيمتك ووضعك وكيانك عايش . انت هنا تعتبر واسطه للعايز

    واسطه فى امور كتير . .



    فى مصر محتاجين الوسطه لينا علشان ابسط امورك تطلع بطاقه

    ولا تجدد رخصه ولا شهاده ميلاد ولا ولا .....



    انت هنا بتعتبر حلم لشخص محتاج كل حلمه وظيفه كويسه او مساعده فى حاجه



    ليه ممكن تعملها وتحققها له وانت على كرسيك



    و يكفى ان الى بتحلم بيه بتحققه مش بتحلم بيه وبس صح ولا لاء



    اوقات كتيره اوى بنفكر فى سؤالك ومع اول ايام لاجازاتنا فى مصر

    بنبقى عايزين نرجع



    كل واحد وليه ظروفه واكيد هى الى بتتحكم فيه كتير اوى من الى رجعو

    فشلوا ويتمنوا يرجعوا تانى خايف ترجع صح . . خايف من الفشل . .

    خايف من المعاناه . . خايف تندم . .

    واكيد خايف من الوضع الى انت فيه لانك مش هتلاقيه فى مصر



    انت الوحيد الى ممكن تقرر دا مش حد تانى وربنا يوفقك

    ولو وصلت لقرار اتمنى نعرفه لان كلنا محتاجين

    لرد سؤالك والجواب عليه



صفحة 5 من 7 الأولىالأولى 1234567 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. لراغبي البناء اترك اسمك ورقم تليفونك
    بواسطة COCOQ في المنتدى إبنى بيتك
    مشاركات: 3
    آخر مشاركة: 03-05-2010, 04:10 PM
  2. برنامج قانون العمل ... برنامج على جهازك يشمل كل قواعد قانون العمل
    بواسطة Mustafa Al-Fouly في المنتدى مستشارك القانوني
    مشاركات: 11
    آخر مشاركة: 11-02-2010, 11:22 AM
  3. 21‏ أغسطس بدء العمل بالتوقيت الشتوي
    بواسطة اميرة حبى انا في المنتدى قسم الاخبار المحلية مصر
    مشاركات: 4
    آخر مشاركة: 13-08-2009, 10:06 AM
  4. هام قبل وضع اي ثيم حتي يتم تسهيل العمل بالمنتدي
    بواسطة الامير عماد في المنتدى قسم الثيمات
    مشاركات: 0
    آخر مشاركة: 11-06-2009, 03:39 AM
  5. عاقبة الظلم ...
    بواسطة دعاء الكروان في المنتدى منتدى القصة
    مشاركات: 3
    آخر مشاركة: 06-05-2009, 07:33 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Untitled-1