محتاج مساعده من الاعضاء الكرام

**ahmed ahmed** · 02-01-2010, 01:00 PM

بدايه احب اشكر المسؤلين عن المنتدى الجميل ده اللى عرفته بالصدفه واكتشفت من خلاله اشياء كثيره لا اعرفها عن مدينه 6 اكتوبر والتى انوى الانتقال والاقامه فيها خلال فتره قريبه جداا ان شاء الله سبحانه وتعالى ... والمساعده التى احتاجها هى معرفه عناوين وارقام تليفونات شركات نقل العفش والموبيليا الموجوده فى مدينه 6 اكتوبر لاحتياجى لها للمساعده فى نقل اثاث المنزل الى الشقه الجديده فى اكتوبر وارجو من الساده الافاضل الذين قاموا من قبل بنقل اثاثهم من منطقه لاخرى بتدوين تجربتهم لكى نستفيد منها حيث ان هذه هى اول مره اقوم بنقل الاثاث من شقه لاخرى وليست لى سابقه خبره فى هذا المجال للاسف وايضا متوسط اسعار النقل وتكلفتها واسعار الشيالين وهل يمكن لهذه الشركات نقل الاثاث من محافظه الى اخرى ام ان عملها يقتصر على القاهره الكبرى فقط ؟

**محمود عبد الله** · 02-01-2010, 02:21 PM

للسف انا عندى عربية نص نقل و لما بحب انقل عفش بنقله بنفسى
بس عموما هئؤلك معلومات حلوة لو العربية مكشوفة مش متئفلة زى العربيات المخصصة للعفش
1- هتحتاج كراتين شيبسى كتير و كمية جرايد مهولة عشان الاوانى الزجاجية يعنى تكرمش ورق الجرايد و تحطه كفواصل بين كل قطعة و التانية داخل الكرتونة و كمان بين القطع و جدار الكارتونة

2-نزل التئيل الاول و اقفل الادراج و باب الثلاجة و الفرن بالشيكارتون الورقى و ليس البلاستك عشان البلاستك بيسيب اثر

3- كام ملاية كدة قديمة تغطى بيها الجاجات المهمة عشان العصافير مابتصدئ

4- قطعلك كام حتة كارتون كدة و اتنيهم عشان يتحطو بين الحبل اللى بيربط العفش على العربية و بين العفش نفسه عشان الحبل بيبهدل الاخشاب و الاقمشة

5- نزل الحاجات التقيلة الاول (البوتاجاز زو الغسالة و الثلاجة )

6- احسن مكان للثلاجة يكون فى ظهر سدر السيارة

7- ابعد امبوبة البوتاجاز عن الثلاجة و البوتاجاز عشان لو خبطت فيهم هتبوظ الصاج و تجرحه

8- الحاجات العالية مثل النيش مكانه فى جمب العربية و الظهر لبرة و الوش لجوة

9- لو فى كنب يتحط معدول و متشيلش الشلت من عليه عشان هتستخدمهم للتليفزيون و شاشة الكمبيوتر دول بئا بيتحطو مكفيين يعنى الشاشة الزجاجية على الشلتة مباشره
اما لو فيه شاشة lcd ولا حاجة دى بتتحط فى كارتونتها او تئمنها بأى طريقة و تتحمل فة العربية واقفة مش نايمة (ضرورى ى ى ى )

10- اهلا بيك فى اكتوبر