facebook

صفحة 3 من 11 الأولىالأولى 1234567 ... الأخيرةالأخيرة
النتائج 11 إلى 15 من 52

الموضوع: يوميـــــــــــــــــــــــات خلـــــــــــــــــود

  1. #11

    افتراضي رد: يوميـــــــــــــــــــــــات خلـــــــــــــــــود

    ازيكم

    انا جيت اخد فسحه كده من كل حاجه

    يعنى تقدروا تقولوا ريست

    طبعا لسه فيه مذاكره ودروس بس خمسه سياحه كده مش وحشين يعنى

    وميضرش برضو كان فيه خمسه فسحه مع صديقتى اميره تناقشنا فيها واحوال الدنيا واحوال العيال

    بصراحه موضوع المدرسين ده مضايقنا جدا وخلصنا اكتر من 20 كارت شحن فى الاتصالات علشان مواعيدهم اللى ملغبطه جدا دى

    وطبعا بسبب ظروف انفلونزا الخنازير بقى فيه ذعر وناس كتير منعت ولادها من المدارس واصبحت فرصه للمدرسين

    والله حرام عليهم بجد
    ده طبعا غير انهم مش هيخدوا زى من شهرين كده لا طبعا كل حاجه غليت

    المهم يلا ربنا يعين بقى هنعمل ايه





    كل يوم اكتشف ان لا شيىء يشبهك..
    وانك أجمل من كل شيىء..


  2. #12

    افتراضي رد: يوميـــــــــــــــــــــــات خلـــــــــــــــــود

    ازيكم اصحابى واخواتى

    النهارده كان يوم شاق جدا وعدى الحمد لله

    ابتدى بدرى اوى مع الشروق تقريبا وقرب ينتهى بالنسبه لى

    طبعا العادى بتاع كل يوم مدارس ورحت الشغل بعد غياب اسبوع تقريبا بسبب وجع ضرسى اللى جننى

    اكيد كلنا حسينا بالام الضروس دى وتعبها وربنا الشافى بقى

    بعد ما رحت شغلى وطبعا اتفرجت على محلات اللى جمب الشغل لزوم العيد والذى منه قبل ما اطلع علشان هكسل انزل تانى

    المهم معجبنيش حاجه طلعت وفطرت الحمد لله
    واذ فجأه كده وانا قاعده قوم ااااااااااااااااايه بقى

    دق التليفون المحمول الموباين يعنى على رأى عامه الشعب هههههههه

    والاقى مدرسه بنتى خلود طبعا كلكم عارفين ان خلود ده اسم بنتى الاقى المدرسه تقولى انتى ماما خلود

    مش قادره اقو لكم بقى على الذعر والرعب اللى حصل اول ما سمعت منها الكلمه دى قلت لها بسرعه فظيعه ايوه خير البنت فيها حاجه

    قالت لا بس موبايلها اتسرق او وقع منها مش عارفين المهم يعنى هى بتقولك كده

    اللى فهمته بقى ان البنت سواء وقع منها او اتسرق هى خافت تقولها لى مباشره راحت للمدرسه وطلبت منها تخبرنى هى

    رغم انى مش ام قاسيه يعنى والله بس ضياع موبايل برضو مش مسأله بسيطه وتعدى كده وخلاص

    المهم قلت لها البنت كويسه يعنى ولا فيها حاجه قالت لا تمام قلت خلاص يلا فى داهيه مقطوع منه النصيب هعمل ايه يعنى فداها

    بس اقولكم سر انتم بقى مش بعرف اخبى عليكم حاجه

    ده كان موبايل استبن احتياطى يعنى اما موبايلها الاساسى انا واخده منها لان له امكانيات كتيره جدا كاميرا بقى وبلوتوث ومكالمات فيديو وشغلانه

    واللى عملت حسابه ادينى لقيته لما حجزته عنها واديتها موبايل عادى خالص مافيهوش اى امكانيات

    المهم البنت رجعت البيت ولما باباها وصل من شغله طلبت منه تروح معاه المدرسه يدورو عليه والحمد لله رجعت بيه

    لانها عاملاه صامت خوفا من مدرسينها محدش سمعه لما رنت عليه كتير جدا وبالتالى محدش شافه والا مكنش رجع تانى ابدا

    طولت عليكم
    المهم الحمد لله عدت على خير

    واهم خلاص خلصوا مذاكره ودخلوا يناموا

    وانا كمان هبص بصه كده معاكم على مواضيع المنتدى واسيبكم بقى واروح انام

    واحمد الله على نعمه التى لا تعد ولا تحصى

    واشوفكم بكره على خير

    هتوحشونى كلكم





    كل يوم اكتشف ان لا شيىء يشبهك..
    وانك أجمل من كل شيىء..


  3. #13

    تاريخ التسجيل
    Aug 2009
    الدولة
    حلوان مدينة الاحزان
    المشاركات
    275
    معدل تقييم المستوى
    15

    افتراضي رد: يوميـــــــــــــــــــــــات خلـــــــــــــــــود

    والله الفكره حلوه وجميله جداااا يا خلود واتمني اني اتواصل معاكو واقدر اني اكتب يومياتي ربنا يقدرني من اليوم لما ارجع من الشغل ان شاء الله
    اه نسيت والنبي يا خلود عاوز كماله بنص جنيه ممكن وزودي الدقه والحمص ..
    التكبر علي المتكبر ....
    تواضع

  4. #14

    افتراضي رد: يوميـــــــــــــــــــــــات خلـــــــــــــــــود

    ماشى احمد مستنينك فى اليوميات لما ترجع من الشغل

    وبالنسبه للكشرى موعدكش بقى

    هو خلاص بقى المره الجايه ان شاء الله

    بس ابقى اقف فى الطابور علشان فيه ناس حجزت قبلك معلشى مش علشان مشرف يعنى

    احنا هنا معندناش كوسه ولا خيار ولا اى انواع خضار

    كلنا واحد مش كده ولا ااااااااااااااايه

    شكرا احمد على وجودك فى اليوميات واسعدنى ردك





    كل يوم اكتشف ان لا شيىء يشبهك..
    وانك أجمل من كل شيىء..


  5. #15

    افتراضي رد: يوميـــــــــــــــــــــــات خلـــــــــــــــــود

    صباح الخير على كل اهل المنتدى واصحابى

    النهارده بقى حصل تمرد ومحدش راح اى مكان غير طبعا زوجى العزيز راح شغله

    اما انا والبنات بصراحه قلنا ناخد اجازه بمزاجنا كده ومحدش راح مدارس ولا شغل

    قلنا نخليها اجازه طويله شويه خميس وجمعه وسبت

    بس برضو والله نازله مدرسه بنتى علشان المدرسين ملغبطين مواعيد الدروس خالص وواجعين قلبى معاهم

    هروح بقى اجيبهم كلهم واوقفهم كده واقولهم نسقوا مع بعض بقى وابقو ادونى خبر لانى كل واحد فيهم عايز ميعاد التانى

    وانا احوليت معاهم وجالى شلل رباعى ورعاش ونصفى وكل الانواع بتاعه الشلل ههههههههههه

    يلا اسيبكم بقى علشان اروح لانهم خلاص طالعين من المدرسه بعد نص ساعه على ما اروح

    واما اجى ابقى اكمل لكم باقى اليوميات

    هتوحشونى





    كل يوم اكتشف ان لا شيىء يشبهك..
    وانك أجمل من كل شيىء..


صفحة 3 من 11 الأولىالأولى 1234567 ... الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 2 (0 من الأعضاء و 2 زائر)

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Untitled-1