المدرسة المصرية الرائدة للغات

[hebams_eg]

السلام عليكم

باين طبعا من العنوان انى باسأل عن المدرسة المصرية الرائدة ياريت اللى عنده اولاد فيه او اللى سمع عنها يقولى ايه رايه فيها
ونظام التعليم و مستوى الاولاد فيها عامل ازاى
انا ابنى فى kg2 السنة دى و لسه داخل النهاردة بس فوجئنا ان كثافة الفصل بقت 30 بعد ما كانت 22 السنة اللى فاتت بسبب انهم قفلوا فصل من kg و دة طبعا قلقنا كلنا اهالى ال kg و كمان قللوا مده الحصة بقت 30 دقيقة حاسة انهم لخبطوا قوى السنة دى فى حاجات كتير

ياريت اللى يعرف حاجة عن مستوى المدرسة و خصوصا المراحل الكبيرة ابتدائى و اعدادى و ثانوى و مستوى التعليم فيها يطمنى

[avalanshoon]

وعليكم السلام
انا ابني في المدرسة دي من السنة اللي فاتت واحب اقول لكي انك جاوبتي على سؤالك بنفسك كثافة الفصل بقت 30 بعد ما كانت 22 السنة اللى فاتت وكمان قللوا مده الحصة بقت 30 دقيقة ده غير انه كان فيه وجبة افطار اتلغت الباص عبارة عن شوية ميكروباصات مؤجرة ومصاريفه زادت وكل ده والمصاريف الدراسية زادت بقوا بحيبوا الفلوس زي عينيهم كل حاجة كانت تحصل جوه لازم يبقى فية دفع مثل النشاط الرياضي كان السنة اللي فاتت الحصة بعشرة جنيه واذا نسيتي تدفعي ابنك يعزل في فصل لوحدة لانة مدفعش الله اعلم السنة دي هايعملوا اية مع العلم ان البشاير هلت عليا ورفضوا تسليم الكتب قبل سداد كامل المصاريف ولسة كلام كتير اوي عنهم وحسبنا الله ونعم الوكيل ........... )-:

[hebams_eg]

اخيراااااااا حد رد عليا على العموم متشكرة على ردك قوى كدة ابنك مع ابنى فى كى جى 2 ؟ اى فصل بقى؟
بس النشاط الرياضى لسه ماحدش قال عليه حاجة لحد دلوقتى اعتقد انهم مش هيعملوه السنة دى عشان مافيش وقت اليوم بيخلص بسرعة و فعلا لغوا الوجبة دى كانت لوحدها ب 800 جنيه و زودوا كمان المصاريف 300 جنية يعنى اجمالى الزيادة كدة بقت فوق 1000 جنيه و ياريت فيه تحسين فى المستوى دة بالعكس
انا خلالالالالاص قفلت من ناحيتهم خالص و بادور على مدرسة تانية عشان انقل ابنى السنة اللى جاية ان شاءالله
ياترى انتى هتعملى ايه هتفضلى فيها و لا هتنقلى؟