facebook

صفحة 1 من 3 123 الأخيرةالأخيرة
النتائج 1 إلى 5 من 15

الموضوع: يوميات مُشتاق كداب العصر1

  1. #1

    افتراضي يوميات مُشتاق كداب العصر1


    قررت انى انشر يومياتى ولكن بصوره مشتاق كداب العصر ودى هتكون اولى حلقات اليوميات فياريت من اداره المنتدى تثبتها عشان نفسى انشرها فى حلقات

    --أمبارح كنت لسه راجع من لندن عشان كنت بحضر فرح الواد وليام على الاموره البت كاثرين وحقيقى الفرح كان متكلف والست الارشانه اليزابيث مكلفه الفرح اشى جاتوهات على بيبس على علب فيها شندوتشات لانشون حتى الحنه قبليها بيوم جابت نشاره وملت الحاره اللى متفرعه من شارع اكسفورد الرئيسى بالنشاره وجابت الواد المطرب الشعبى كارل والف وهاتك يارقص لحد الصبح وغنى بتر افلى يعنى بالعربى عند بيت ام اليزابيث والدنيا هس هس اى اى عند بيت ام وليام اى اى والدنيا كلها نيام اى اى بس معجبتنيش عشان هى كانت برضوا فى الواد الاولانى صرفت اكترمن كده وروحت خدت العيال وطالعين على هناك اومال الست صاحبه واجب ومنساش لما جت وزارت مرات خالى فى الدمرداش وهى عامله الزايده ونقطت بنت اختى فى فرحها المهم خدت العيال وف ايديا الظرف وفيه العشرين جنيه عشان احطهم تحت مخده الواد وليم يوم الصباحيه واحنا بنتفرج على اوضه نوم كاثرين لكن ***
    الست النائصه اليزابيث بعدمانزلت من الطياره لقيتها مقبلانى لاويه بوزهاشبرين ايه ياست مالك مش بترد مالك يا يثبوثه ودا دلعها لما كنا مع بعض فى مدارس لندن امبردج وحتى لما كبيرنا فى معهد فيكتوريا ف اسكندريه برضوا مش راضيه ترد واخيرا قال ايه الست النائصه مئموصه منى عشان مرحتش عزتها فى ديانا اللى كانت ماشيه مع الواد دودى قلتلها طبعاانى ما ينفعش اروح اعزى ف واحده كانت ماشيه مع الرجاله وماتت ف نفق المهم
    كاثرين طلعت من عند الكوافير وخدها وليام عشان يطلعواعلى كادو اللى فى ميدان الساعه وهم ماشيين والعربجيه بالاحصنه ادامهم زى ما شفتوهم فى النشره قامت ست يزابيث تتحزم وعايزه ترقص طبعاً قلتلها عيب اختشى دا انتىلسه ميتلك جوز الست الامانه لله سمعت الكلام وبصراحه
    الست دى تعبت اوى وشقيت عشان تكبر عيالها وتخليهم رجاله يعرفوا يخدموا بلادهم بصيت لوليام واخوه واليزابيث وافتكرت علاء وجمال وسوزان دول خرجوا من عند الكوافير بزفه وشعبهم بيفرح ليهم والتانين رايحين من القصر على طره والشعب برضوا بيزفهم بس شمتان فيهم
    شلت شنطتى وانا متحسر وقلت ارجع اشوف مصر احسن
    مع حلقه اخرىمن يوميات مشتاق كداب العصر(ارجو التثبيت)



    ان ماعرفتش تضحك ماتدمعش ولا تبكيش
    وان مفضلش معاك غير قلبك يبقى تعيش
    وان سألوك الناس عن ضي مابيلمعش متخبيش
    قول العيب مش فيا دا فى الضى
    انا مش عاشق ضلمه ولازعلت الضى
    مسيره هيرجع تانى الضى مبيأذيش





  2. #2

    افتراضي رد: يوميات مُشتاق كداب العصر1

    ساخر العصر
    أو
    ساخر المنتدى
    لك تحياتى وتهنئتى على أجمل يوميات
    أتمنى التثبيت
    وايضا إمتاعنا بما يجول به خيلك



    أخدت بينى وبين قربك جدارا حائلا **فإنقطعت بى السبل لأتنسم الحياه
    ما دمت أنا بأول الطرق إليك مسافرا **فدعنى قربك أنشد شعرا أهــواه

  3. #3

    افتراضي رد: يوميات مُشتاق كداب العصر1

    عسل عسل يامصطفى

    يوميات جميله جدا ومنتظره باقى اليوميات





    كل يوم اكتشف ان لا شيىء يشبهك..
    وانك أجمل من كل شيىء..


  4. #4

    افتراضي رد: يوميات مُشتاق كداب العصر1

    شكرا ليكم خلود ورومانسى تواجدكم الجميل


    ان ماعرفتش تضحك ماتدمعش ولا تبكيش
    وان مفضلش معاك غير قلبك يبقى تعيش
    وان سألوك الناس عن ضي مابيلمعش متخبيش
    قول العيب مش فيا دا فى الضى
    انا مش عاشق ضلمه ولازعلت الضى
    مسيره هيرجع تانى الضى مبيأذيش





  5. #5
    المديرة العامة الصورة الرمزية اميرة حبى انا
    تاريخ التسجيل
    Dec 2008
    الدولة
    مصر
    العمر
    48
    المشاركات
    12,656
    معدل تقييم المستوى
    10


    افتراضي رد: يوميات مُشتاق كداب العصر1

    بجد انا فخورة جدا ان عندنا اللى مش عن حد
    مصطفى مأمون

    نسأل الله العلي العظيم ان يغفر لأخونا جمال
    وان يتقبله لديه في جنات النعيم
    وان يلهم اهله وذويه الصبر والسلوان
    وانا لله وانا اليه راجعون


صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. يوميات اميرة
    بواسطة اميرة حبى انا في المنتدى يوميات الاعضاء
    مشاركات: 69
    آخر مشاركة: 30-04-2012, 08:05 PM
  2. يوميات بلا عنوان
    بواسطة محمد المصري في المنتدى يوميات الاعضاء
    مشاركات: 9
    آخر مشاركة: 18-07-2011, 12:00 PM
  3. -- يوميات ابليس
    بواسطة RSS في المنتدى منقولات
    مشاركات: 0
    آخر مشاركة: 24-02-2011, 09:33 AM
  4. يوميات فيلسوف
    بواسطة ahmedabdelziem في المنتدى منتدى الشعر
    مشاركات: 2
    آخر مشاركة: 09-12-2010, 02:54 AM
  5. -- يوم من يوميات مشرف
    بواسطة RSS في المنتدى منقولات
    مشاركات: 0
    آخر مشاركة: 29-11-2010, 03:00 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Untitled-1