كنت فاكرك احسن من كده عموما انت عندك حرية تختاره وانا عندى حرية اقطع علاقتى بيك

[اميرة حبى انا]

لا يا محمود
رغم انى بجد فى حالة نفسية وحشة زى ناس كتير اوى
ورغم انى بجد بجد
ساعات بحس انى مش فاهمة حاجة خالص
من كتر الحاجات
وبرضو زى ناس كتير
لكن عندى امل يكون فى حد كويس هيخلى الثورة تنجح
احنا عندنا وعى وعقل يخلينا نعرف ونفهم ان اللى بيحصل
من بقايا الحزب الجميل
او
من بقايا الفاسدين حتى لو مش من الحزب
خلينا منمشيش ورا الوحشين وبس
لا
خلينا نستنى حاجة حلوة تطلع
واكيد مش كل اللى عملوا الثورة هما اللى فى التحرير
وهما اللى حدفوا طوب ع المتحف
مش ممكن
وخلى بالك من مواضيعك بعد كده
عشان انا معنديش مرارة اصلا
كفاية حكاية قرايب خلود حكتهالى الصبح
حاجة تجنن

[مصطفى مامون]

حمد لله على السلامه ياحوده وانشالله اللى يزعلك يارب يارب ما يوعا ياكل من عربيه الكبده ولو كل يجيله اسهال ولو جاله اسهال ميلقيش برشام ولو لقى البرشام يعمله مغص
انا قلت اقولك بجد وحشتنا جدا جدا وبعدين نكمل حوارنا

[فريد]

حمد على السلامة يامحود
اولا المح فى نظرة الجميع التشاؤم و قد اصبح واضح المعالم
الثورة لم تنتهى و فلول النظام مازلوا يفسدون فى الارض
و هذا كان متوقع منذ اول يوم و الكل يعرف ذلك
و ياجماعة بعد كل تلك الارقام الفلكية التى نسمعها
هل تظنون انهم يتركون الامر بمنتهى السهولة
نجحت الثورة طيب مبروك عليكم
لا ده تنظيم لمده ثلاثون عاما و اعتقد اكتر من كده بكتير
لا يمكن ان يتركوا لنا الامر بمنتهى السهولة
ارجوكم لا اريد ان ينجحوا فى احتوائنا و السيطرة على افكارنا
من جديد نحن نعانى لكننا سنتحمل كل شيء
الحرية
غالية و ربما الثمن اغلى من توقعتنا
لكنا لا نضحى بها من جديد
الى كل المصرييين
الثورة نجحت و كل يوم لها نجاح جديد
و ان حدثت بعض التعثرات
هذا وارد
لكن المهم الا نفقد الامل
و يسيطر علينا الياس
و يامحمود الايام كفيلة بان تثبت لصديقك
هذا خطاءه الكبير
وهذا الامر حدث لى شخصيا منذ بدء الثورة من مقربين لى
لكنهم اكتشفوا انهم مخطئون مع الايام
كل الحقائق تنكشف و تخبو وجوه الفاسدين
و سيبقى وجه مصر مضىء للابد
تحية مصر و تحية الثورة
و تحية لكل ابنائها الشرفاء