سؤال انتم مسئولين عن اجابته

**مصطفى مامون** · 01-03-2011, 12:13 AM

الكلام اللى بتقوليه يااميره انا نفسى مش معترض عليه الا فى بعض الاجزاء فعلا احمد شفيق مع الافتراض انه راجل محترم وجدا جدا وفعلا هو الراجل المناسب انما لو استرجعنا كلامنا هنلاقى انى قلت ان المشكله فى انعدام الثقه بين شعب ونظام فالشعب مش هيرضى بأى حاجه يجبها النظام السابق
-----------------
بخصوص يااميره موضوع حبيب العادلى انا والله بقرأ قبل ما اكتب وما تعودتش الا على كده انى اقرأ قبل ما اكتب ولو راجعتى تاريخ ردى هتلاقيه قبل تاريخ تحويل حبيب العادلى للنائب العام والاستماع الى اقواله فى قضية الانفلات الامنى
وكان الاستدعاء الاول مش لنفس السبب ولكن لسبب اخر اللى انا قصدته
المهم ماعلينا النقاش له فايده وميكونش بينا غير الاستفاده
سواء اتفقنا او اختلفنا كلنا

**اميرة حبى انا** · 01-03-2011, 12:51 AM

احنا مش هنختلف
احنا عايزين نوصل لحل عقلانى
هو ده قصدى بكلامى
العقل بيقول الكويس نبقى عليه
حتى لو من النظام السابق
ماهو يا مصطفى للاسف
طلع مافيش حد كويس
يبقى لما نلاقى واحد من مليون
نمسك فيه
مش نقوله ارحل
ممكن اللى معاه يمشوا
ماشى
بس هو ليه
ده انا اول مرة احس ان حد صادق وبيطلع يقول الحقيقة يا ناس

**nouran_111** · 01-03-2011, 04:03 AM

. كل الللى انتى قولتيه يا اميرة كلاما من زمان محيرنى من زمان قوى مش من 5 يناير فقط
كلام كتير وجعنى وخلانى بتمنى انى اصحى الصبح في وسط الصحرا وعندى فقدان ذاكرة
يمكن ارتاح
انا مش هقولك برتوكول صهيون ولا هقول اجندات خارجية ولا هقول هقول اى كلام من كل اللى اتقال لكن هقول حاجة واحدة بس

ان اللـــــــــــــــــه لا يغــــــــــــــــــير ما بقـــــــــوم حتى يغيـــــــــــــــــــــــروا ما بأنفسهم