facebook

صفحة 1 من 3 123 الأخيرةالأخيرة
النتائج 1 إلى 5 من 13

الموضوع: الشعب يريد****رئيس لقيط

  1. #1

    I6ocity (72) الشعب يريد****رئيس لقيط

    اتمنى ان يصدر المجلس العسكرى فقره فى الدستور والخاصه باختيار رئيس الجمهوريه وان يجعل شرط اساسى لأختيار الرئيس ان يكون مقطوع من شجره يعنى ملوش اهل ويبقا الشعب اهله وناسه وعزوته بدلا من شرط ان يكون من ابوين وجدين مصريين لان الشعب شاف ان موضوع الجنسيه مش فارقه المهم الواقع وياما ناس مصريين كلوا مال الشعب والمفروض ان الريس الجديد يكون ملوش مدام ولا أولاد عشان لما يجى يسرق يبقى لوحده ولما نقبض عليه منقعدش نلف على العيله ونشوف ده خد كام ووزع كام على مراته ومرات مراته وقرايب مراته وزوجات ولاده وقرايب زوجات ولاده وتبقا دوخينى يالمونه لا عيزين واحد ملوش اهل عشان حتى منقعدش نكتب كل شويه اسم المدام على المدارس والشوارع والمكتبات ومره سوزان مبارك ومره سعاد البرادعى ومره جميله ايمن نور ومره تفيده زويل عيزين جهه واحده عشان لما نيجى نمسح الاسم يبقى مره واحده
    ومن ضمن الطلبات عيزين نتابع سيرة الريس القادم يعنى تاريخه يعنى ميكونش كان بيقعد على قهوه او بيقف على الناصيه وهو فى ثانوى او بيهرب من المدرسه ويروح القناطر مع الشله وهو صغير كل دا عشان مايبقاش له اصحاب ويتلموا عليه ويكوشوا على فلوس الشعب وعشان لما يسقط ويتخلع يبقا مفيش غيره نقبض عليه ومن ضمن الطلبات اللى اتمنى انها تنفذ ان الريس القادم يكون منطوى ومنزوى وميعملش فيها زعيم او يكون صاحب جميله او ضربه ركنيه عشان مايقعدش يعايرنا بيها طول العمر واحسن مايكونش كمل تعليمه يعنى يكون معاه اعداديه او دبلوم صنايع عشان نفضل نعايره كل شويه ونقوله يافاشل يافاشل ومبيصلناش من فوق وافضل عشان عينه ما تكبرش علينا نختار ريس كان ساكن فى اول دور فى اى منطقه شعبيه مثلا فى الدويقه وتكون المجارى بتطفح عنده كل شويه عشان ما يتكبرش علينا (ياسلام ياتيفه عليك وعلى افكارك)وياريت تحدد ملابس الريس ببجامه كستور للمنزل وبدله صيدناوى وبيع المصنوعات للمقابلات الرسميه
    شويه وابقا اكمل بقية المواصفات للريس القادم


    ان ماعرفتش تضحك ماتدمعش ولا تبكيش
    وان مفضلش معاك غير قلبك يبقى تعيش
    وان سألوك الناس عن ضي مابيلمعش متخبيش
    قول العيب مش فيا دا فى الضى
    انا مش عاشق ضلمه ولازعلت الضى
    مسيره هيرجع تانى الضى مبيأذيش





  2. #2

    افتراضي رد: الشعب يريد****رئيس لقيط

    ههههههههههههه

    هو لسه فى مواصفات تانى

    انت مخلتش حاجه خالص

    ده انت عايز رئيس لا له اصل ولا فصل ولا حد خالص

    زى ما بيقولوا بايع ناسه ومعرى راسه

    موضوع رهيب بجد يامصطفى وفى انتظار باقى المواصفات





    كل يوم اكتشف ان لا شيىء يشبهك..
    وانك أجمل من كل شيىء..


  3. #3

    افتراضي رد: الشعب يريد****رئيس لقيط

    انا ياخلود عايز ريس زى عبد الحليم فى الخطايا يكون لقيط
    وشكرا على مرورك وانتظرى المواصفات الجديده


    ان ماعرفتش تضحك ماتدمعش ولا تبكيش
    وان مفضلش معاك غير قلبك يبقى تعيش
    وان سألوك الناس عن ضي مابيلمعش متخبيش
    قول العيب مش فيا دا فى الضى
    انا مش عاشق ضلمه ولازعلت الضى
    مسيره هيرجع تانى الضى مبيأذيش





  4. #4
    المديرة العامة الصورة الرمزية اميرة حبى انا
    تاريخ التسجيل
    Dec 2008
    الدولة
    مصر
    العمر
    48
    المشاركات
    12,656
    معدل تقييم المستوى
    10


    افتراضي رد: الشعب يريد****رئيس لقيط

    طب ما بلاش وخلاص
    بدل وجع القلب ده
    انت متأكد ان دى مواصفات رئيس جمهورية
    ولا حاجة تانية

    نسأل الله العلي العظيم ان يغفر لأخونا جمال
    وان يتقبله لديه في جنات النعيم
    وان يلهم اهله وذويه الصبر والسلوان
    وانا لله وانا اليه راجعون


  5. #5

    افتراضي رد: الشعب يريد****رئيس لقيط

    من السهل علينا أن نخرج الفكاهه ولكن من الصعب تقبل مرارتها
    جميل منك مصطفى
    أن تدخل فى صلب ما نحن فيه بروح الفكاهه


    أخدت بينى وبين قربك جدارا حائلا **فإنقطعت بى السبل لأتنسم الحياه
    ما دمت أنا بأول الطرق إليك مسافرا **فدعنى قربك أنشد شعرا أهــواه

صفحة 1 من 3 123 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 0
    آخر مشاركة: 07-02-2011, 11:26 PM
  2. الشعب يريد اسقاط النظام
    بواسطة خلود في المنتدى منتدى الشعر
    مشاركات: 1
    آخر مشاركة: 07-02-2011, 12:11 AM
  3. مشاركات: 0
    آخر مشاركة: 05-02-2011, 06:21 PM
  4. الشعب يريد إسقاط النظام.. عشرات الآلاف في ميدان التحرير
    بواسطة محمد المصري في المنتدى متابعة اخبار مصر الجارية
    مشاركات: 0
    آخر مشاركة: 26-01-2011, 03:02 AM
  5. لقيط الأحبة فاروق جويدة
    بواسطة fagrmasr01 في المنتدى منتدى الشعر
    مشاركات: 3
    آخر مشاركة: 09-12-2010, 01:54 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Untitled-1