شيكابالا ماله وماعليه !!!!!

[مصطفى مامون]

ارتفعت الحناجر وسُنت الالسنه وتبارى الجميع فى الهجوم على شيكابالا لانه رفع حذاءه فى وجه جمهور الاهلى ولكن تعالوا بنا نحتكم الى صوت العقل والضمير والدين والاخلاق واستحلفكم بكل الشرائع السماويه والدساتير والاعراف القانونيه العالميه ان نتمهل قليلا ونحكم والموضوع للنقاش

---ان تُعاير بأميتك وعدم تعليمك او عدم اكتمال سنوات دراستك ونسيت (مع حفظ القدر والمثل)ان الرسول وهو قدوتنا كان أميا وان الله لا يأخذ بدراستنا ولكن بديننا

--ان تقذف فى شرفك وتهان فى كرامتك ويتغنى الناس بسباب مناطق فى جسدك يعف اللسان عن ذكرها وقد كرمك الله كبشر وملكك الارض وحرم عليك نفسك وجسدك واهانتهما أليس هذا هو العيب ؟!!!!

---ان تُستعبد فى زمن انتهى فيه عصر العبوديه وتُعاير لأنك اسمر الوجه فى عنصريه عبدة الاوثان فى العالم يستنكروها فما بالكم ونحن مسلمون وكان بلالا (مع الاحتفاظ بالقدر والمثل) مؤذنا للرسول ومن صحابته ولو كان ذلك لكان الرسول نفر من بلالا فما بالنا نحن اليس هذا هو العيب؟!!!!

----ان تسب أمك فى قبرها وبين يدى الله يكرمها والجنه تحت اقدامها وهى التى كرمها القرأن والسنه بيد جرثمه وقال ان احق الناس بصحبتك هى امك وتجد من يسبها فى قبرها اليس هذا هو العيب ؟!!

--- وبدون اى انتماء او تعصب او ميول واتجاهات أترضى ان تكون هكذا وتصمت ؟!!
أتوافق على ذلك وتسكت؟!!!

الى متى نظل نكافىء من يخطىء ونعاقب من يرد!!!!
نثيب من يقذف وننكر من يُهان!!!!!!
نؤيد من يسب ونجرم من يُسب!!!!!!!!!!!

حكى لى والدى وانا صغير حكايه اود منكم ان تقرؤها وسأقولها لكم بالعاميه
زمان فى قريه من القرى كان فيه واحد اعرج وكان وهو رايح الغيط او راجع منه العيال بتوع القريه يعايروه ويقولوله يااعرج يااعرج يااعرج
الراجل صبر مره واتنين وتلاته واخر ما زهق وهم كل يوم على كده راح وطى جاب حجر من الارض رما بيه عيل الولد مات من الطوبه اللى رماها الراجل وبعدين اتقدم للمحكمه ولما وقف ادام القاضى قاله القاضى عملت كده ليه؟
رد الراجل بص ياحضرة القاضى صلى على النبى ***رد القاضى عليه الصلاه والسلام**قاله زيد النبى صلاه***قاله الف صلى عليك يانبى قاله طب وحد الله
رد القاضى لا اله الا الله ***كمان صلى ع النبى
زهق القاضى وقام شاخط فى الراجل وقاله ماتخلص بقا زهقتنى
رد الراجل قاله انت زهقت ياحضرة القاضى وانا بقولك كلام حلو عليه حسنات وكلام ربنا وانا اللى بقالى عشر سنين فى الراحه والجايه يقلولولى يااعرج ودا مش بأيدى ومش عيزنى ازهق
القاضى بص للراجل وقاله عندك والله حق وحكم عليه ايقاف تنفيذ

خلصتتتتتتتتتتتتتتتتت

[وردة الايمان]

موضوع مهم فعلا يا أ . مصطفى

وبصراحه انا من المعجبين بلعب شيكابالا وفى نظرى انه افضل لاعب فى مصر

وبالنسبه لردود افعاله انا معاك فى اننا لازم نحكم العقل قبل اتخاذ اى قرار بالعقوبه عليه

لكن لازم اللاعب يعرف انه محور اهتمام الاعلام وتصرفاته بتتحسب عليه ولازم يكون عنده نوع من التحمل اكتر لتعليقات الجمهور

انا معاك ان التعليقات احيانا بتكون استفزازيه لكن اللاعب هنا بيمثل قدوة لغيره من اللاعيبه اللى اصغر منه
وتصرفاته بيشوفها عددكبير من البشر منهم اطفال ..شيكابالا بالنسبه لهم قدوة مش فى اللعب وبس

وفى النهايه احنا بشر ....والخطأ شىء طبيعى فى النفس البشريه

وكل انسان له قدر من التحمل .....

وياريت نحترم اللعب الجميل والمهاره العاليه بغض النظر عن الفانله اللى لابسها اللاعب .

موضوع متميز للنقاش والحوار