الحب هو (وجهة نظر)

[مصطفى مامون]

الحب هو
--الاحتواء(انك تشتريلها بطانيتين من بيع المصنوعات اوعمرافندى)

--الأمان(تعمل بوليصة تأمين باسمها ضد الشيخوخه من مصر للتأمين)

--ان تكون الاولى والاخيره(اعملها جمعيه واقبضها نفرين الاول والاخير)

--التسامح(انها تشتم وتسب واقولها الله يسمحك الكلب لما يهوهو محدش يرد عليه)

--انكار الذات ( اديها جزء من منابى فى سندوتش المربى )

--التفانى فى اسعادها(لما تكون زعلانه ازغزغها )

التفكير فيها(ودا لما تكون مستلفه فلوس وهتردها بكره)


الايثار(الهدوم اللى تديق عليا ادهالها )


الاحترام (عدم عمل محاضر لها فى اقسام الشرطه)

الغزل الجديد(كتابة قصيده عن حاجه جديده متكتبتش قبل كده زى الكوع او القفا )

تلبية رغباتها(الفرجه على المسلسل بدل الماتش )

الرحلات والسفر(تأجير توكتوك والفسحه بيه رايح جاى لحد ماتدوخ )

تحس بمن تحب(تحط الولاعه على ايده وتعرف ازاى لوعة الحب)

التلذذ بسماع صوته (اول ماتشوفه تستخبا وتقوله عو وشوف رد فعله )

[اميرة حبى انا]

ههههههههههههههههه
كل هذا الحب
والكلام ده يطلع منك ياشاعر برضو
ههههههههههههههههههه

[ahmedabdelziem]

كده برضو يادرش
بعد الرومانسيه بتاعتك
تقول الكلام ده
بس برضو انت مش بتكتب حاجه وحشه
تسلم الايادى ياباشا