ايه معنى فقدان الأمل .. ايه هو احساس الضياع
وليه يضيع حب اكتمل .. ونعيش الم لحظة وداع
لو الالام تستمع لصوت عتابى
أو تعيش فى يوم قسوة عذابى
لما الحبيب يوم يبتعد أو الاقى قلب حبيبى باع
ماشى طريقى بدمعتى والابتسام يبقى اصطناع
و دموعى علامات ف الطريق
من غير حبيب من غير صديق
ياكل المعانى للألم .. حبيبى ضيع ضحكتى
سافر وتارك لى الندم ..راحت معاه مهجتى
كان بيحلف لى يمين يكون طريقى وقسمتى
ضاعت وراه فرحتى .. وبعده ماتت بسمتى
فاتت سنين .. ووراها سنين
والقلب يبكى .. بنبض حزين
عشقت السهر.. ودموع العين
وحبيبى بعيد ولوصلى ضنين
قابلته فوق على اخر نجمة وافتكرته بيبعت ضحكاته
بعتت اليه شوقى مع النسمة ، يمكن يفتكر ابتساماته
لقيته ابتسامته لكل الكون بيوزعها لهم باحلى نغماته
لكن لما شاف نظرة عينى .. بعت نصيب قلبى آهاته
و فى نور جماله اللى اكتمل
عرفت ايه معنى فقدان الأمل
المفضلات