*مكان الميلاد أين كان؟
مصر - الجيزة
وتحديدا ممكن أقول الهرم
بس الحقيقة العمرانية ههههههههههه
*حياة الطفوله من كان المؤثر الأول بها؟
مش عارف بس بحب عمتي قوي وكان نفسي ابقا محامي زيها
وليا خالة كمان كنت بحبها قوي ويمكن اكتر من امي كمان
*موقف من الطفوله مازال عالق في ذهنكـ؟
يااااااااااااه حاجات كتير قوي كانها كانت لسة امبارح
بس يمكن اكتر حاجه البنت اللي حبيتها ايام ما كنت بستناها على اول الشارع عشان نروح مع بعض المدرسة كنا ساعتها في رابعة ابتدائي
*هل كان يوجد معامله مختلفه كونكـ ولـد عن باقي اخواتكـ البنات؟
لأ لاننا كنا ولدين وبعدين جت بنت
*اليوم الدراسي الأول هل تتذكر حالكـ فيه؟
طبعا مش فاكر لكن بيقولولي انه كان يوم غريب جدا لاني معملتش زي باقي الاطفال واليوم مر بهدوء كبير قوي
لكن كان عندي مشكلة كبيرة جدا لما روحت
وهي ان برنامج الكرتون اللي كنت بشوفه الساعه 11 كان خلص
*عبث الطفوله كيف تصفه في بضع كلمات؟
كنت وقتها اكبر من سني بكتيييير ومتهيالي لسة لحد دلوقتي ويمكن دا اللي بيضيع لذة حاجات كتير مقدرتش اعيشها او احسها
*أصدقاء الطفوله هل مازلوا على تواصل؟
عادتي اني بحافظ على علاقاتي واصدقائي لاكبر وقت مكن
كتير بننشغل لكن دايما بنشوف بعض ولو مرة في السنة على الاقل
ليا صديق من اعز اصدقائي من ابتدائي رغم انه عزل 3 مرات لكن كنا دايما بنروح لبعض ولحد دلوقتي وتشاء الصدف انه أول واحد يكون معايا يوم فرحي
*من هو صديق المراهقه الذي لا تستطيع التخلي عنه ؟
احمد توفيق - محمد فتحي - أحمد كارم - عماد سعيد
بس هي المراهقة دي لحد كام سنة
* هل قمت بممارسة التدخين بسن المراهقه وعلم أحدهم بأمرك ؟
لأ ولا عمري هقربله
*كم كان مصروفك اليومي بسن المراهقه ؟
في ثانوي اعتقد كان حوالي 50:75 قرش
*مرحلة المراهقه كيف كان تعامل الأهل فيها؟
اعتقد مكانوش موجودين قوي يعني كنت دايما منغلق على اصحابي بس وكانو هم كل حاجه في حياتي ولحد دلوقتي بس بعد مراتي طبعا
*غالباً مايكون الحب الأول في مرحلة المراهقه فكيف تصفه إن وجـــد؟
اروع احاسيس ومشاعر حسيتها في حياتي واتمنى ترجع من تاني واتمنى من كل قلبي اشوف حبيبتي واشوفها عامله ايه دلوقتي وعايشة ازاي وشكلها بقا ازاي
*إلى ماذا كنت تطمح وهل وصلت لطموحكـ؟
عمري ما هوصل لطموحي ودايما عندي احلام اكبر ومعتقدش ابدا انها اقل من امكانياتي ودا هو المهم بس يمكن الظروف هي اللي مش دايما مساعداني
حاليا طموحاتي هي انشاء داتا سنتر مصري بكفاءة عالية
*عنفوان المراهقه مالذي تبقى منه اليوم في ذاكـرتكـ؟
عمري ما هنساها ولحد دلوقتي بحس نفس الذكريات كاني لسه عايشها ويمكن لولا كدا كنت تعبت قوي
*كيف هي نظرتكـ للحياة اليوم؟
ههههههههههههههههههههههههه
ما كنا حلوين ليه كدا بس
الحياه هتشوفوها كل يوم في نشرات الاخبار
وعمري ما حبيتها ولا كنت اتصور احبها
لكني متمسك بيها ولاخر نفس عشان ابني ومراتي
*كيف هي حياتكـ بعد الزواج اذا متزوج ^^
وتحقيق حلم الأبــوهـ؟
الحمد لله
*هل وجدت حلاوة المسؤليه مابين واجباتكـ العملية والعائليه؟
أكيد فيه شوية لذاذة لكن الخوف من المستقبل ومحاولة تطويعه هي اصعب حاجه
*هل ستربي أبنائكـ بنفس أسلوب تربية والديكـ لكـ؟
اكيد لأ .. هحاول طبعا يكون افضل وهحاول احققلهم كل حاجه منعتها عني الظروف
مش معنى كدا ان اهلي قصروا معايا لكن احب ابني تكون حياته افضل من كدا
*ماأكثر مايشغلـ تفكيركـ في ظل مرحلة النضج؟
هنروح فين بعد كدا!!!
*المرأهـ ماذا يعني وجودها في حياتكـ اليوم؟
اسألوا نزار
*من هي الشخصية النسائيه التي تعجبكـ؟
كتيييير
*من هي المرأهـ التي تــود أن تكون قدوة لكل نساء الأرض؟
مبعترفش بحكاية القدوة دي
لازم كل حد يكون قدوة لنفسه او بمعنى ادق يكون نفسه
*بعد الأخلاق الحسنة ماأكثر مايلفت انتباهكـ في المرأة شكلاً؟
هههههههههه
شكلا
طيب
عموما بحب في المرأة الملامح الهادئة الرقيقة الناضجة
لو هختار مثال يعني يبقا بحب ستايل نوال الزغبي و روجينا
*مارأيكـ بالمرأهـ التي تشاركـ الرجل اهتماماته كمتابعة الرياضة وأخبارالسيارات؟
وايه المشكلة وتلعب معاه كورة كمان
*الأم والزوجة كيف ستتعامل معهما عند الخلاف؟
على حسب نوع الخلاف الزوجه
لكن اعتقد الزوجه محتاجه لحنان ورقه اكتر من الام
امي هتستحملني لكن مراتي هتخلعني
هههههههههههه
*خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
كان فيه حاجه كتبتها لحبيبتي هقولكم كلمتين منها
روحي بيعي وللا ضيعي وادخلي سوق القلوب
برضه شاري وانتي بايعه وانتي عارفه مش هتوب
------------------------------------
حاشاكي عمري ان افكر بانتقام ... اني لكي قلب وحب واحترام
***
صبرا يا عمري لن تري دمعا يسيل ... سترين معنى الصبر في جسدي النحيل
مع اني مش نحيل ابدا يعني ههههههههههه
*بيت شعر تهديه لحوائكـ؟
الحب في الأرض بعض من تخيلنا لو لم نجده عليها لاخترعناه
*كلمة توجهها لحواء سواء كانت الأم أو الزوجة أو الأخت؟
هقولها كلمة نابليون
المرأة التي تهز المهد بيمينها يمكنها ان تهز العالم بيسارها
اتمنى اكون اتوفقت في الاجابة
واسمحولي اختار بعدي
الأمير عماد
مع اني كنت بفكر اقلب الترابيزة على حواء ونخلي الدايرة تلف عليها
بس الجايات اكتر زي ما بيقولو
المفضلات