جرة قلم


منك شربت..وارتويت..
منك تعبت..واستويت..
منك فرحت..
منك بكيت..
وإن قولت بعت..انا اشتريت..
وكتير سعاده..وكتير شكيت..
انا شفت منك..لما اتمليت..
وآما بيروح الالم..
ينسى قلبى إنو اتظلم..
واقول لنفسى بلاش ندم..
حب غالى ..
ماتضيعوش.. جرّة قلم..

ليه تملآنى جراح بالغيره..
وتسيبنى لأحزانى اسيره..
واسهر ليله ..واغمض ليله..
والايام بتعدى طويله..
للنسيان انا قولت ياريت..
م الغيره عليك اتجنيت..
واتمنيت..عمرى ماحبيت..
وآما بيروح الالم..
ينسى قلبى انو أتظلم..
واقول لنفسى بلاش ندم..
حب غالى ..
ماتضيعوش جرّة قلم..

بحلف ما ارجع احبك تانى..
لو ح تكون وحدك ف زمانى..
واضحك على نفسى وحلفانى..
انسى الاول..
واتكلم ع الحب التانى..
بتحيرنى كتير..وبحبك..
وبتتعبنى.. وبفضل جنبك..
ومعذبنى.. وراضيه بغلبك..
قدرى اقابلك.. انت وقلبك..
وآما بيروح الالم..
ينسى قلبى انو أتظلم..
واقول لنفسى بلاش ندم..
حب غالى ..
ماتضيعوش جرّة قلم
منقول