اسوء شعور ممكن تحسو لما تتخنق بعبراتك
ولما تكون عايز تصرخ بااعلى صوتك ومش قادر
مخنوق ومش عارف تخرج الي جواك
حواليك عيون كتير بتترقب منك اي تصرف
وجواك اسئلة كتير مالهاش اجابات
ويحيرك اكتر
انك مش عارف تنطق
بتحاول وفي كل محاولة ترجع للقاع تاني
الظلم
اوحش احساس ممكن تحسو
خاصة لو كان من ناس قريبة منك
اهلك
اصحابك
حبايبك
الظلم انواع وكل نوع تاثيرو عليك بيكون بشكل مختلف
احيانا نسكت وع مر السنين او الاوقات
ننفجر مرة واحدة في الوقت الغير المناسب
واحيانا ننخرج كل الي جوانا في لحظتو عشان نتخلص من الضغط الي حصل علينا
واحيانا كتير نبعد ونهرب بدون اي ردة فعل
غير الدعاء
-
وتسال نفسك
هل الاستسلام دا ضعف؟
هل الهروب حل؟
وكل الي حواليك يقولك لا الهرب مش حل
لازم تواجه
طب اواجه ازاي ناس قريبة مني
وممكن اخسرها
-
مع الاسف حاجات كتير في حياتنا
واقفة ع كلمة منك بس رد فعلها
ممكن متتحملهوش
خاصة لو الموضوع يخص اهلينا
وكلمة واحدة ع لسانك
يارب
-
عمرك حسيت الاحساس دا؟ كان رد فعلك ازاي؟
خنقك قبل كدا السكوت واستسلمت وسلمت؟
نعمل ايه ساعة متكون المواجهة
خسارة لينا قبل متكون راحة؟
-
المفضلات