يجب اتباع النصائح التاليه لكى يتعود ابنك على الدراسه
*** يجب ان يبقى الطفل فى الشارع قبل الدراسه بيوم حتى الساعه 12 بالليل حتى يتخمد وميقعدش يزن وعايز كذا وكذا

*** عند استيقاظه فى الصباح ضروره سماعه صوتك الحنون كأم حتى يصحو بتفائل مع بعض العبارات الرقيقه مثل (قوم ياد فذ نامت عليك حيطه **** اصحى ياواطى دا الكلاب صحيت م الفجر **** )مع ضروره استدعاء الزوج ليقوم هو الاخر بملاطفته (ماتقوم يا كلب ماانت لو مش صايع طول الليل فى الشارع كنت قمت بدرى ***)
*****
**ضروره احساس الطفل انه يحدوه الامل فى مستقبل باهر مع تعريفه باهميه مايفعله وتحفيزه ببعض العبارات
مثل (والله لو ماجبت مجموع السنه دى لوديك مع خالك فهمى فى الورشه ** او يا صايع والنبى مانت فالح )
*** يجب ان يثبت ذلك الدعاء الابوى بالادله والراهين من خلال ايماءات او حركات مصاحبه لكى يثبت عنده اليقين باهميه ما يفعل مثل (ادى دقنى اهه لو فلحت *مع الاشاره الى الذقن **او تف على قبرى لو فلحت **وفى هذا تذكره بضروره الفلاح لانه وسيله لرضاء الوالدين فى القبر وتحفيز للعمل )
****ضروره توضيح له اهميه ودور المعلم والمدرسه وضروره الحفاظ عليها فهى بيته الثانى بعمل بعض الارشادات له لتكون نبراسا له فى مدرسته ومنها
***تقعد فى اول دكه عشان دى بتاعه الشطار والبلده ورا
***اللى يضربك اضربه وخصوصا الواد فادى ابن عمتك كوثر
***لو معندكش حصه نط من على السور وتيجى بسرعه عشان تجيب عيش لابوك من الفرن وتقف فى الطابور
***المدرس اللى يكلمك بالمسمار ف عينه او طوبه وارزعه وقوله ابن الحاج عرفه السماك وانا هجيلك المدرسه امرمط بيه بلاط المدرسه
***لو زارعين فى جنينه المدرسه اى حاجه حاول تسرقها اهى تنفع البيت
*********ضرورة الاهتمام بطفلك بعد مجيئه بالمدرسه ببعض العبارات الرقيقه وتشجيعه مثل

انت جيت ياموكوس وهى كلمه يونانيه اغريقيه بمعنى القائد المغوار وحُرفت الى السيريانيه
او تقول له كويس انك جيت روح هاتلى علبه سجاير من عند ام كاميليل اللى فى الكشك سوبر طويل من اللى عليها صوره الواد اللى بيموت
وهكذا تدرك قدرة لطفل على تمييز ما على علبه السجائر وتحديد قدرته على معرفه الاشكال
والى نصائح اخرى فى كيفيه قضاء الطفل يومه فى المذاكره مع تحيات نصحى الفاكيك طاب ابناؤكم واقعدوا بالعافيه