facebook

النتائج 1 إلى 3 من 3

الموضوع: معملتش دماغ قبل كده

  1. #1

    افتراضي معملتش دماغ قبل كده

    معملتش دماغ قبل كده طيب تعالي بس المرة دى مش اي دماغ دي اسمها
    ( دمــــــــاغ نـــاس )
    ايـــــه دماغ ناس دى ..؟؟




    - دماغ ناس .. زى دماغ قهوه .. دماغ لب وسودانى .. تعمل دماغ " ناس"..ازاى؟؟
    بص ياسيدى ..





    لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها ..
    إنزل الشارع إتمشى لواحدك و تأمّل فى الناس ..
    هتلاقى الموضوع مسلّى جداَ ..
    الشعب المصرى ده لذيذ طحن ..
    دماااااااااااااااااغ




    * هتلاقى ناس طالع عيننهم فى أتوبيس فيه 186 واحد والناس طالعين من الشبابيك والجو حر ..
    والناس لسّه بتركب وهى مبتسمه وحاسه بالكفاح ..


    وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..
    سبحان الله


    * بنت لابسه هدوم المدرسة ومزوغة ماشيه مع ولد
    – ممكن تحلف إنه مش هيلاقى شغل ولا بعد 100 سنه من شكله –
    وإن لقى.. أول حاجه هيعملها أنه يسيب البنت دى ..
    كفايه فقر بقى ..



    * واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان

    ومش عايزين حاجه تانيه من الدنيا ..



    * واحد شكله تعبان طحن ومش لاقى ياكل، بس جايب أحدث " الموبايل " وبيتكلم فيه بصوت عالى فى وسط الشارع..
    عشان هو حر ..



    * واحد عمره ما شاف الزبدة فى حياته ولا يعرف بتستخدم فى أيه أساساَ ..
    عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية ..
    قلهم
    " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "




    * واحد واقف مع خطيبته/صحبته قدام قفص الأسود فى جنينه الحيوانات
    بيقولها : " بصى .. أهو ده بقى أسد .. !!! "

    شاعراَ بأنه قد منحها العلم والمعرفه المطلقة وأسرار الكون ..



    * بنات بكرش لابسه بديهات ستومك..
    عشان دى الموضه ..



    * أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها ..
    حاجه تغيظ... !!


    * من شهر كده كده كان فى ماتش للأهلى و فريق تانى يطلق عليه البطاطس التونسى .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى ..
    صباح التهيييييييس ..




    جرب أنت كمان تعمل دماغ ناس ..
    هتلاقى الموضوع مسلّى جداَ .. و أبقى قلنا إيه رأيك ..





    كل يوم اكتشف ان لا شيىء يشبهك..
    وانك أجمل من كل شيىء..


  2. #2

    مشرفة الأخبار و المعالم السياحية

    الصورة الرمزية lionking
    تاريخ التسجيل
    Jan 2009
    الدولة
    ام الدنيا
    المشاركات
    5,361
    معدل تقييم المستوى
    22


    افتراضي رد: معملتش دماغ قبل كده

    ههههههههههههههههههههههههههههههه

    انا هعمل الدماغ دى يا خلود








  3. #3

    افتراضي رد: معملتش دماغ قبل كده

    انا بعمل دماغ عكاشه على الاقل بيوصلى الضحكه وانا ففى بيتى

    انما تصرفات الناس مفتكرش انها ممكن وسيله للتسليه
    لانى اكيد مش هاكون مبسوط وانا بحس ان تصرفاتى
    ممكن تكون مراقبه من قبل بعض الاشخاص الاخرين
    عشان يتريقوا عليها او يستخدموها للترفيه
    الجندى مات موتت رجال
    فى الجنه ياشهيد

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. تحليل دماغ الرجل والمرأه
    بواسطة lionking في المنتدى قسم عالم حواء
    مشاركات: 14
    آخر مشاركة: 26-08-2012, 05:40 AM
  2. احسن برضو بلا وجع دماغ
    بواسطة اميرة حبى انا في المنتدى عجائب وغرائب
    مشاركات: 3
    آخر مشاركة: 21-02-2012, 11:36 AM
  3. ـالعثور على قدم داخل دماغ طفل! ...
    بواسطة RSS في المنتدى منقولات
    مشاركات: 0
    آخر مشاركة: 31-08-2011, 09:22 PM
  4. دماغ الريس
    بواسطة قموره في المنتدى منتدى الشعر
    مشاركات: 2
    آخر مشاركة: 16-06-2011, 09:30 AM
  5. -- أنا عامل دماغ تمامـ...مش بانكو ولا برشامـ
    بواسطة RSS في المنتدى منقولات
    مشاركات: 0
    آخر مشاركة: 05-06-2011, 06:00 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Untitled-1