لما تيجى عند حبّك ...
يبقى حقّى ماعدّيهاش ...
اصلى ساكن جوّا قلبك ...
... مين فى قلبك غيرى عاش ؟!
انتى حبك مش كفايه ...
لأ دا عشقك مـ الوجوب ...
ياللى واقفالى فـ هوايا ...
بس بتداوى القلوب ...
انتى حبك شيء خيالى ...
ماتوصفش فـ اى شعر ...
مهما هكتب او هغنى ...
مش هلاقى ليكى سعر ...
كل ما فى الأمر انّى ...
بس واخدانى الحياه ...
بس برضه حتّه منى ...
حد ينسى فـ يوم هواه !؟
انشغلت شويه عنك ...
اصلى حظى معاكى فقر ...
كل مااحاول اصالحك ...
مش بلاقى فيّا صبر ...
بس ساكنه جوا منّى ...
ياللى ما تتسمّى ... مصر
♥
الشاعر : أسامة عادل
المفضلات