يا نيلنا يا حب ايامنا ....يا أصل جدودنا ووجودنا .

لو نطق الدم فـ عروقنا ...لكان لحبك فـ قلوبنا .

شاهد ودلـيل ..

على حب النيل ..




لو يقدر الورد وزهوره ....يوصف شوقه وحبه وجنونه .

لكتب الورد فى كفوفه ....بكل معانى الحب وحروفه .

بحب النـيل ..

وعلى غصنه يميل ..

من حب النيل .



اتباهى بنبعك الصافى ....واروينا بحبك الدافى .

دا خيرك نبت اراضينا ...وهواك لحزننا شافى .

تلاغيك الشمس فى سماها .

وانوار ليلك تغنيلك .

اغانى العاشق يهواها .

وضى القمر يحكيلك ..

احلى ليالى عشناها .

معاك يا نيل ..يا رمز جميل .

للخير ..والأمل ..وللحب سبيل .

بحبك يا نيل ..