RSS
26-10-2011, 10:30 PM
نقلا عن موسوعة ويكيبيديا:
حقوق الحيوان أو تحرير الحيوان هى فكرة بتقول إن المصالح الاساسيه للحيوانات لازم تاخد نفس الاعتبار والاهمية اللى بتاخدها المصالح المماثلة فى البشر.
المدافعين عن حقوق الحيوانات والمنادين بتحريرهم بيتناولو القضيه من وجهات نظر فلسفيه مختلفه، لكن كلهم بيتفقو على إن الحيوانات لازم ينظر ليهم على انهم شخصيات قانونيه واعضاء فى المجتمع الاخلاقى، وانهم مش ممتلكات، وانه ميصحش استعمالهم فى الاكل والكساء وكمواضيع تجارب، أو فى مجالات التسلية والترفيه.
فكرة منح حقوق للحيوانات بيدعمها علماء قانونيين زى الان ديرشويتز انجليزى: Alan Dershowitz و لورنس ترايب انجليزى: Laurence Tribe من كلية حقوق هارفارد، كلايتن روبى المحامى من تورنتو بيقول إن الحركة وصلت للمرحلة اللى وصلتها حركة حقوق المثليين من قبل 25 سنة.
قانون الحيوان بيدرس فى 110 من 180 كلية حقوق فى الولايات المتحدة، وفى 6 كليات حقوق في كندا، وبشكل روتينى فى الجامعات فى فصول الفلسفة أو فصول الأخلاق التطبيقية.
فى يونيو 2008، اسبانيا بقت اول بلد تقدم قانون يعترف بحقوق الحيوان، وده حصل لما لجنة برلمانية عبر حزب وصت بإن الحقوق تكون ممتدة للقرود العليا، بموجب مشروع القرود العليا ل بيتر سنجر.
النقاد بيقولو إن الحيوانات متقدرش تدخل فى عقد اجتماعى أو تعمل اختيارات اخلاقيه، وعشان كده مينفعش اعتبارهم مالكين لحقوق، وده الموقف أو الرأى اللى لخصه الفيلسوف روجر سكروتون، اللى بيكتب إن البشر بس هما اللى عليهم واجبات، وإن "النتيجة الطبيعية اللى مفيش مفر منها بتقول: إن البشر بس هما اللى ليهم حقوق.
" حجة موازيه بتقول إن مفيش حاجه غلط فى استعمال الحيوانات كموارد إذا مكانش فيه معاناة مفيش داعي ليها، ودى وجهة النظر المعروفة برعاية الحيوان.
كان فيه كمان نقد من جوه حركة حقوق الحيوان نفسها، لأشكال معينة من نشاط المدافعين عن حقوق الحيوان، وبشكل خاص تدمير مزارع الفرو ومعامل التجارب بواسطة جبهة تحرير الحيوان.
منقول
حقوق الحيوان أو تحرير الحيوان هى فكرة بتقول إن المصالح الاساسيه للحيوانات لازم تاخد نفس الاعتبار والاهمية اللى بتاخدها المصالح المماثلة فى البشر.
المدافعين عن حقوق الحيوانات والمنادين بتحريرهم بيتناولو القضيه من وجهات نظر فلسفيه مختلفه، لكن كلهم بيتفقو على إن الحيوانات لازم ينظر ليهم على انهم شخصيات قانونيه واعضاء فى المجتمع الاخلاقى، وانهم مش ممتلكات، وانه ميصحش استعمالهم فى الاكل والكساء وكمواضيع تجارب، أو فى مجالات التسلية والترفيه.
فكرة منح حقوق للحيوانات بيدعمها علماء قانونيين زى الان ديرشويتز انجليزى: Alan Dershowitz و لورنس ترايب انجليزى: Laurence Tribe من كلية حقوق هارفارد، كلايتن روبى المحامى من تورنتو بيقول إن الحركة وصلت للمرحلة اللى وصلتها حركة حقوق المثليين من قبل 25 سنة.
قانون الحيوان بيدرس فى 110 من 180 كلية حقوق فى الولايات المتحدة، وفى 6 كليات حقوق في كندا، وبشكل روتينى فى الجامعات فى فصول الفلسفة أو فصول الأخلاق التطبيقية.
فى يونيو 2008، اسبانيا بقت اول بلد تقدم قانون يعترف بحقوق الحيوان، وده حصل لما لجنة برلمانية عبر حزب وصت بإن الحقوق تكون ممتدة للقرود العليا، بموجب مشروع القرود العليا ل بيتر سنجر.
النقاد بيقولو إن الحيوانات متقدرش تدخل فى عقد اجتماعى أو تعمل اختيارات اخلاقيه، وعشان كده مينفعش اعتبارهم مالكين لحقوق، وده الموقف أو الرأى اللى لخصه الفيلسوف روجر سكروتون، اللى بيكتب إن البشر بس هما اللى عليهم واجبات، وإن "النتيجة الطبيعية اللى مفيش مفر منها بتقول: إن البشر بس هما اللى ليهم حقوق.
" حجة موازيه بتقول إن مفيش حاجه غلط فى استعمال الحيوانات كموارد إذا مكانش فيه معاناة مفيش داعي ليها، ودى وجهة النظر المعروفة برعاية الحيوان.
كان فيه كمان نقد من جوه حركة حقوق الحيوان نفسها، لأشكال معينة من نشاط المدافعين عن حقوق الحيوان، وبشكل خاص تدمير مزارع الفرو ومعامل التجارب بواسطة جبهة تحرير الحيوان.
منقول