المساعد الشخصي الرقمي

مشاهدة النسخة كاملة : انتى ياست انتى ؟؟


خلود
22-02-2010, 12:28 AM
انتى ياست انتى ؟؟
هو انت بنتادى مامتك بأيه
بتناديها ازاى يعنى ؟؟؟

تعالوا كده نشوف بعض الدول بينادو مامتهم إزاى ..........


الطفل المصري ينادي أمه...
ماما ومامى ويا حاجة ويا ست
عندنا فيه كل حاجة

الطفل اليمني ينادي أمه...
واا أماه
على اساس إنة رايح يستشهد ..

الطفل الروسي ينادي أمه....
ماتي
ده اسم بسكويت عندنا

الطفل الهولندي ينادي أمه...
ماتكا
ده اسم لبان عندنا

الطفل اليوناني ينادي أمه...
ماتا
ده مش اسم حاجة عندنا

الطفل الانجليزي ينادي أمه....
ماذر
دى معروفه طبعا .. بنستخدمها برضو فى مصر بس لما نعرف مواصفات الكمبيوتر
ماذر بورت

الطفل النمساوي ينادي أمه...
مونزك
دا على ما اعتقد نوع متفجرات

الطفل الفرنسي ينادي امه...
مامان
يا دلعو

الطفل الايراني ينادي أمه...
موت
لو نديتها بكده هتعلقنى ومش بعيد هية اللى هتموتنى

الطفل البلجيكي ينادي أمه...
مام
يا سلام على النعومة والرقة

الطفل التركي ينادي أمه....
نينا
اللقب ده بنادى بيه جدتنا اللى هى ام امنا او ام ابونا .. انا كنت بقول لأم والدتى الله يرحمها يا تيتا

الطفل الألماني ينادي أمه....
موتر
احنا عندنا مش بنعرف الموتر غير الى بيرخ على دماغنا فى الشتاء


الطفل الهندي ينادي أمه....
مّمي
دى برضه فى نعومة

الطفل الياباني ينادي امه....
ها ها
دى مصيبة لوحدها
تصور وانت فى البيت كل شوية تناديها وتقولها هاها هاها ياهاها
والله ما هتعبرك وابوك هيقول الواد اتجنين

الطفل السعودي ينادي امه..
يمّه
احنا المصريين بنقول كده برضة
بس لو إتفزعنا
اميرة حبى انا
22-02-2010, 12:55 AM
ههههههههههههههههههههه
ههههههههههههههههه
موضوع تحفة يابنتى والله
مش قادرة ابطل ضحك
خصوصا على الموتر ده
ههههههههههههههههههه
saadrabea
23-02-2010, 07:41 AM
تسلم اديكي يا خلوووووود

والله مكنش يخطر في بالنا إن نحصر الحاجات دي
فكره جميلة ومفيدة
ديما بتجيبي الجديد
تسلم ايديكي
اسامة22
24-02-2010, 09:57 PM
حلوووووووووووة بجد
مشكورة علي المعلومات القيمة
خلود
05-03-2010, 12:03 AM
اميره

سعد


اسامه

اشكركم جميعا على ردودكم الجميله واتمنى اقدر ارسم البسمه على شفاهكم باستمرار
نور
08-03-2010, 02:59 PM
بزمتك ياحلود في حد دلوقتي بيقول ياماما ولا حتي يامه
دول اقلها بيقولوا قوم ياوليه
خلود
08-03-2010, 03:41 PM
هههههههههههه

نور

وحشتينى اووووى ياوحشه

فينك بقى كده

بتدخلى كل سنه مره ولا ايه

ياستى والله واحشنا

وشكرا على ردك الجميل وفعلا الاولاد بقى بيندهوا امهاتهم باساميهم كمان مش دلع دى عدم احترام

ربنا يهديهم بقى

متغيبيش تانى كده نور بقى
نور
08-03-2010, 05:03 PM
حاضر مش هغيب