تيجوا نتقابل كلنا فى الشات

[خلود]

http://www.al-qatarya.org/qtr/qatarya_5FnyX3UoUa.gif

ازيكم اصحابى وصحباتى

انا جايه النهارده ومعاى اقتراح او فكره وعايزه اخد ارائكم فيها بالموافقه او الرفض

هو اقتراح بلم شمل الاعضاء والتواصل فيما بيننا جميعا وفى نفس الوقت احياء لقسم الشات الموجود معنا هنا فى المنتدى ولابيدخل عليه حد خالص

الاقتراح هو تحديد موعد ندخل كلنا فيه على الشات مديرين ومشرفين واعضاء نتجمع كلنا نتناقش فى امور منتدانا ونقرب من افكارنا بالنسبه لتطوير المنتدى ونناقش ايه عاجبنا وايه ممكن نقدمه للمنتدى لو حد عنده مشكله من حد يقولها او موضوع ياخد رأى باقى الناس فيه
فيه كلام كتير نفسى اقوله بس كفايه كده
انا قلت فكرتى وعايزه رأيكم
تحبوا نتقابل كلنا على الشات ولا لا
واذا كان فيه قبول من جميع الاعضاء بقترح يكون يوم الجمعه من كل اسبوع الساعه 9 مثلا

فى انتظار ارائكم ومقترحاتكم لو فيه

[محمود التهامي]

انا موافق
بس مش هعرف اجي عشان معنديش جافا
ههههههههههههههههههههههههههههههههههههههههه

وياريت يكون بدري شوية عن تسعه
عشان الناس اللي عندها شغل بدري تعرف تصحى


اتفقو بس على معاد وانا معاكو

[اميرة حبى انا]

وانا كمان موافقة وبرضو اتفقو على ميعاد
ممكن يكون مابين 10 ونص و11

[خلود]

البدايه مبشره بالخير

احلى مدير فى احلى منتدى واجمل مشرف عام وافق

بالنسبه للجافا مش حكايه يامديرنا يعنى يلا حملها بسرعه

الشات بوجودك معانا فيه هيبقى احلى بكتيييييييير

يلا يااحلى اعضاء بقى فين موافقتكم كده ومشاركاتكم معانا

وياريت نتفق كلنا على ميعاد واحد يكون مناسب للجميع

[محمود عبد الله]

يوم الجمعة بعد صلاة الفجر علاطول

[خلود]

محمود انت عايزنا هنا بعد الفجر

هنروح نبيع لبن احنا يعنى ولا ايه

انت اول واحد تكون موجود يوم الجمعه ان شاء الله فى الميعاد اللى هنتفق عليه

مش مسموح لك بالغياب او الاعتذار خالص مالص

وزى الشاطر كده تقول حاضر ياخلود وتسمع كلام اختك الكبيره

[خلود]

فين باقى الناس اللى هيجوا ويانا على الشات

عايزه ردودكم وتفاعلكم ورأيكم فى لمتنا كلنا على الشات يوم الجمعه

فى انتظاركم بالاراء والموافقه ان شاء الله

[fagrmasr01]

الاقتراح جميل
معلش انا شفت الاقتراح متأخر
اقترح يكون 10 م الجمعة
وياريت يكون فيه تنسيق واعلان قبلها وتقولوا لنا الميعاد من يوم الاربع او الخميس مثلا

[خلود]

شكرا ياجمال وان شاء الله يكون فيه اعلانات وممكن كمان نبعت رسايل للناس نعرفهم بميعادنا على الشات

بس الاداره تجتهد وتخلص تظبيط فى المنتدى علشان نكون جاهزين للحدث الكبير

وياريت باقى الاعضاء يقولوا لنا رأيهم برضو

[خلود]

ياجماعه النهارده معادنا على الشات

ياترى مين جاى ومين مش جاى

احنا فى انتظار باقى الاراء

لسه اليوم طويل

للعلم الشات اشتغل خلاص وتقدروا تدخلوا زى الاول عادى خالص

[rose]

خلود ازيك عاملة ايه

هو فين الشات بمعنى ادخل فين علشان ابقى عللى الشات امبارح قابلنى بالصدفة وتاه فى بحر المنتدى

[محسن محسن1]

السلام عليكم ورحمة الله وبركاه
انا حملت الجدافا ومش عارف اخش الشات

[خلود]

لكل اعضاءا الافاضل بجدد دعوتى للجميع بالدخول الى شات منتدانا الجميل وهو موجود فى الصفحه الرئيسيه

ياريت نتفق ونتقابل جميعا فى يوم وساعه معين

فى انتظار وجودنا كأسره واحده

[since1990]

فكره جميله لتقويه اواصر العلاقه بين الاعضاء.
وكمان ممكن نختار موضوع للمناقشه
كل اسبوع نشارك فيه كلنا.
وياريت يكون بعد 10