RSS
30-09-2011, 07:40 PM
<div>
مجلس قيــــادة الزير
ـــــــــــــــــــــــــــــــ
إسمع حكاية ولا الفوازير
بطلها لامؤاخذة كان زير
أسطورة من عهد التحرير
... وقصة كانت منسية
يحكى بأن الزير سرقوه
عصابة من مجرم وأبوه
وحيزبون قاموا وأخدوه
والحارة نشفت م المية
وبعد صبر حباله براح
الزير رجع والشر إنزاح
والدنيا عامت فى الأفراح
ولحد كدة مية المية
عملوا إجتماع أهل الحارة
وقالوا زيرنا النوارة
نعمل له مجلس وإدارة
وللا إحنا عاجزين وهفيَّة
هنجيب نفر للزير يملاه
وكمان غفير يحرس وياه
وإتنين بدايل يبقوا معاه
ويريحوا بعض شوية
وهننتدب واحد يحكم
جباروقادر وبيشكم
لحد ما تقوموا بدوركم
وتأمِّـنوا الزير بالمية
ويوم فى يوم والحيل ينشد
والقطة بانت وحش بجد
والناس تهاتى ومفيش رد
الدنيا ولعت وشوية
وسط الخناقة وحدف الطوب
بين إللى غالب والمغلوب
ضرب بلنص وراح مقلوب
واهو إنكسر زير المية
من يومها والناس بتألس
من بعد ما إنحل المجلس
مجلس إدارة الزير فلس
سقف ياواد إنت وهى
موال وداير ليل ونهار
ودرس للناس الأخيار
طريق جهنم ودَّا النار
بالطيبة وسلامة النية
ــــــــــــــــــ
طلعت الحداد
منقول
مجلس قيــــادة الزير
ـــــــــــــــــــــــــــــــ
إسمع حكاية ولا الفوازير
بطلها لامؤاخذة كان زير
أسطورة من عهد التحرير
... وقصة كانت منسية
يحكى بأن الزير سرقوه
عصابة من مجرم وأبوه
وحيزبون قاموا وأخدوه
والحارة نشفت م المية
وبعد صبر حباله براح
الزير رجع والشر إنزاح
والدنيا عامت فى الأفراح
ولحد كدة مية المية
عملوا إجتماع أهل الحارة
وقالوا زيرنا النوارة
نعمل له مجلس وإدارة
وللا إحنا عاجزين وهفيَّة
هنجيب نفر للزير يملاه
وكمان غفير يحرس وياه
وإتنين بدايل يبقوا معاه
ويريحوا بعض شوية
وهننتدب واحد يحكم
جباروقادر وبيشكم
لحد ما تقوموا بدوركم
وتأمِّـنوا الزير بالمية
ويوم فى يوم والحيل ينشد
والقطة بانت وحش بجد
والناس تهاتى ومفيش رد
الدنيا ولعت وشوية
وسط الخناقة وحدف الطوب
بين إللى غالب والمغلوب
ضرب بلنص وراح مقلوب
واهو إنكسر زير المية
من يومها والناس بتألس
من بعد ما إنحل المجلس
مجلس إدارة الزير فلس
سقف ياواد إنت وهى
موال وداير ليل ونهار
ودرس للناس الأخيار
طريق جهنم ودَّا النار
بالطيبة وسلامة النية
ــــــــــــــــــ
طلعت الحداد
منقول