مسابقة الابداعات الأولى

[fagrmasr01]

بسم الله الرحمن الرحيم
والصلاة والسلام على أشرف المرسلين
حبيبى وسيدى رسول الله
سيدنا محمد صلى الله عليه وسلم وعلى آله وأصحابه والتابعين

.. أحبابى الكرام ..
مبدعين منتدى اكتوبر الغاليين
وجميع أعضاء المنتدى الكرام

يشرفنى ويسعدنى ان اعلن عن اولى مسابقات قسم الابداعات

تقدر تشترك فى المسابقة بأى عمل ابداعى .. من ابداعاتك انت
.. بشرط يكون لم يتم نشره هنا قبل كدا ..
الابداع ممكن يكون
شعر
او
نثر
او
قصة
او
رسم

المطلوب تحط لنا هنا فى الصفحة دى الرابط بتاع موضوعك اللى هاتشترك بيه فى المسابقة
المسابقة الهدف منها تنشيط المنتدى وتنشيط قسم الابداعات
والجائزة رمزية وهى كارت شحن بعشرة جنيه .. وهى مهداة منى للفائز .. بصفتى مشرف الابداعات
مدة المسابقة عشرة ايام
وباذن الله سوف يتم اعلان الفائز بعد اغلاق المسابقة بثلاثة أيام
حتى يمكن المقارنة بين الاعمال المشتركة بهدوء

اتمنى من كل قلبى ان جميع المبدعين هنا يشتركوا
واتمنى ان كل الاعضاء يجربوا يكتبوا شعر او نثر او قصة او رسم من تأليفهم ويجربوا معانا
وباذن الله ربنا يوفقنا جميعا
واتمنى لكم جميعا الفوز
اخوكم جمال ( فجر مصر )
:50 (31):

[DMR]

انا كان عندي سؤال
هو ينفع اشترك في المسابقة بالموضوع الاخير ( رسوماتي 2 )
علشان انا مش عندي رسومات تاني دلوقتي و الرسم ابداعاتي بس

و شكرا بجد يا استاذ جمال على المجهود المتميز في المنتدى لتنشيطه
:50 (31)::50 (31):

[fagrmasr01]

طبعا ينفع يا دى دى لانه بتاريخ النهاردة وهو جديد فعلا ومش منقول واول يوم النهاردة
من فضلك حطى الرابط هنا للمشاركة
واتمنى اتمنى تحاولى كمان تانى وتانى
متشكر جدا على اهتمامك ومتشكر جدا على تشجيعك
ربنا يبارك فيكى ويخليكى ويوفقك باذن الله دائماً فى كل مجالات حياتك
اللهم آمين

[محمود عبد الله]

انا كمان هشارك معاكو بس هحط موضوعى يوم الجمعة السبت او الجمعة عشان الاسكانر فى اكتوبر و الرسومات كمان فى اكتوبر
شكرا على المسابقة الجميلة دى و يارب اكسب
انا نفسى اكسب بئا

[DMR]

متشكرة جدا يا استاذ جمال
و الرابط اهو
http://www.vb.6ocity.net/showthread.php?t=9392

[fagrmasr01]

حودا
انا اتشرف بيك يا حودا
انت تشرف فعلا اى مكان يا صديقنا العزيز
ربنا يخليك يا صاحبى


دى دى .. شكرا شكرا على اول مشاركة
دايما وجودك فى موضوعاتى بيفرحنى جدا
ربنا يبارك لك يا دى دى

[fagrmasr01]

اتمنى ان الكل يشارك

[اميرة حبى انا]

ايه النشاط ده كله
ربنا يوفق الجميع

[fagrmasr01]

ايه النشاط ده كله

ربنا يوفق الجميع

الحمد لله انها عجبتك
دى جزء بسيط جدا من اللى انتى قدمتيه لينا كلنا يا أميرتنا .. انتى ومنتدانا الغالى اللى كلنا بنحبه
ربنا يبارك لك ويخليكى لينا
آمين

[محمود عبد الله]

انا اشتركت يا جدعان
و الرابط اهه
http://www.vb.6ocity.net/showthread.php?p=53373#post53373

[fagrmasr01]

شكرا جزيلا دى دى
شكرا جزيلا حودا
على المشاركة
وباذن الله حظ جميل للكل من يشارك معانا فى انجاح المسابقة الأولى للمبدعين
انما .... فين مشاركات باقى المبدعين
اتمنى الكل يشارك

[اميرة حبى انا]

الاستاذ مصطفى مأمون هيشترك بالقصيدة دى
http://www.vb.6ocity.net/showthread.php?t=9512&p=53426#post53426

[fagrmasr01]

شكرا لتعاونك يا أميرة
وشكرا لمصطفى على المشاركة
ومن كل قلبى باتمنى الكل يشارك

[fagrmasr01]

باقى ساعتين ونصف على اغلاق باب الاشتراك فى المسابقة
كنت اتمنى ان يشارك الجميع
وستغلق باذن الله المسابقة الساعة 12.00 مساء اليوم

[fagrmasr01]

انتهى وقت المسابقة
وباذن الله يعلن الفائز فى قسم التهانى

[ahmed love]

متا هتعملو مسابقة تانيه زيها

[fagrmasr01]

قريبا باذن الله عندما يعود المبدعون الى ابداعاتهم فتكون المسابقة منطقية ... انما الان فالاشتراكات فى قسم الابداعات لا تشجع على عمل مسابقات
قريبا باذن الله ينشط القسم شوية ونعمل مسابقات
شكرا جزيلا على اهتمامك

[فريد]

مسابقة جميلة ياعم جمال
ان شاء الله هاشترك معكم بس
اشوف موضوع حلو عشان انا راسم
على الجايزة بتاعتك ياعم جمال ياحبيبى
انتظرنى عما قريب بس هادور على موضوع يستاهل
شكرا و جزاك الله خيرا

[فريد]

و دى ياعم جمال مشاركتى المتواضعة
بعنوان عجبت لأناس
و ده الرابط
اتمنى الفوز للجميع

http://www.vb.6ocity.net/showthread.php?t=11240&p=59497#post59497

[محمود التهامي]

المسابقة دي انتهت على فكرة يا فريد
استنى المسابقة الجاية
قرييبا ان شاء الله

[فريد]

ههههههههههههههههههههههههههه
هو انا كنت نايم و لا ايه
معلش اعزرونى بقى

[fagrmasr01]

أخويا الغالى فريد
كنت أتمنى مشاركتك ومشاركة الجميع .. بس معلش ولا يهمك .. خيرها فى غيرها بإذن الله رب العالمين
وبإذن الله تشترك وتنورقلبى بتواجدك فى كل المسابقات الجاية وانت يارب بخير وصحة وعافية وسعادة
ربنا ميحرمناش ابدا من تواجدك ومشاركاتك الغالية يا غالى
آمين

[ahmed love]

امين يا رب
استاذ فريد عضو رائع